ស្ថិតនៅតាមដងផ្លូវមានមនុស្សម្នាជាច្រើនកំពុងតែធ្វើដំណើរយ៉ាងមមាញឹក ។ ហើយស្របគ្នាផងដែរយើងក៏ឃើញថានៅទីនោះក៏មានហាងលក់ឧបករណ៍ តន្ត្រីមួយផងដែរ ដែលកំពុងតែពេញនិយាយសម្រាប់មនុស្សក្មេងចាស់ដែលស្រឡាញ់ចូលចិត្ត តន្រ្តី ។
+នៅក្នុងហាងលក់ឧបករណ៍តន្រ្តី
« ចង់បានវាមែនទេ ?? បានជាមើលភ្លឹកយ៉ាងនេះ » សម្លេង របស់សិស្សសាលាវ័យ 18 ឆ្នាំម្នាក់ បានខ្សិបសួរតិចៗនៅពីក្រោយខ្នង សិស្សប្រុសម្នាក់ទៀតដែលកំពុងសម្លឹងមើល ទៅ ហ្គីតា មួយដែលគេតាំងលក់នៅក្នុងហាងទាំងស្លុងអារម្មណ៍
« អត់ទេ ព្រោះមិនចេះលេង » ក្មេងប្រុសម្នាក់នោះបានងាកមក តាមសម្លេងដែលបានសួរមកខ្លួន ហើយក៏ឆ្លើយតបវិញទាំងស្រងូតស្រងាត់
« តែឯងចូលចិត្តវាមែនទេ?? » សិស្សប្រុសម្នាក់នោះនៅតែបន្ដសួរដដែល
« អ៉ឺម....តែគិតខ្ញុំមិនសាកសមនិងទទួលបានវានោះទេ »
« បើឯងចូលចិត្តចាំយើងបង្រៀនឯងលេងល្អទេ ?»
« អត់ទេ.....អរគុណហើយតែខ្ញុំសុំទៅផ្ទះមុនសិនហើយ រីករាយដែលបានស្គាលណា ខ្ញុំឈ្មោះ ..»
« ឯងឈ្មោះ ហ្វត សៀឈីណា អាយុ 18 ឆ្នាំ ជាកូនមកពីវង្សត្រកូល ផាកីដ ជាអ្នក ជំនួញ ដ៏ធំប្រចាំប្រទេស ជាមនុស្សមិនសូវមាត់ករច្រើន ចូលចិត្ត នៅម្នាក់ឯងមិនចង់មានអ្នកមករំខាន ចំណង់ចំណូលចិត្តឯងចូលចិត្តញ៉ាំ ស៊ូស៊ី ឯងមិនចូលចិត្តលេងកីឡាទេ តែឯងចូលចិត្តហាត់ប្រាណ អ៎..នៅមួយទៀតដែលយើងទើបតែដឹងពីឯងនោះគឺ......ឯងចូលចិត្ត ហ្គីតា តែឯងមិនអាចលេងបាន !!! » សិស្សប្រុសម្នាក់នោះ បានកាត់ប្រយោគរបស់ ក្មេងប្រុសហ្វត ដែលយើងអាចស្គាល់គេបានតាមរយៈសម្លេងដែលសិស្សប្រុសម្នាក់នោះបានហៅ ភ្លាមៗហើយក៏រៀបរាប់ អំពី ជីវះប្រវត្តិ របស់ហ្វតយ៉ាងក្បោះក្បាយ ធ្វើឲ្យហ្វតស្រឡាំងកាំង ព្រោះមនុស្សមិនដែលស្គាល់គ្នាផង បានមកសួរនាំខ្លួនដូចជាមនុស្សជិតដិត ម្យ៉ាងទៀតនៅមកដឹងពីរឿងរ៉ាវរបស់ខ្លួនគេទៀតផង ។ វាមិនចម្លែកទេសម្រាប់មនុស្សទូទៅបើគ្រួសាររបស់គេមានមុខមានមាត់យ៉ាងនេះ មិនពិបាកទេក្នុងការស្វែងរកពត៌មាន តែហ្វតនេះ ទោះ គ្រួសារគេមានមុខមាត់ ចុះផ្សាយគ្រប់ទំព័រ ទូរទស្សន៍ ក៏ដោយ តែស្ទើតែគ្មានអ្នកណាដឹងផង ថា ហ្វត មានអវត្តមាននៅលើពិភពលោកក្នុងគ្រួសារត្រកូល ផាគីដ នេះ ព្រោះគេជាមនុស្សដែលស្ងៀមស្ងាត់មិនចូលចិត្តបង្ហាញមុខ តែក៏ត្រូវមកភ្ញាក់ផ្អើលនឹងកំលោះ សង្ហារម្នាក់នេះហើយដែលមកដឹងពីប្រវត្តិផ្ទាល់ខ្លួនរបស់គេនោះ
YOU ARE READING
ដោយគ្មានអ្នក || Without You ✨
حركة (أكشن)ស្នេហារវាងពួកយើងទាំងពីរទុកឲ្យទេវតាជាអ្នកដឹងឮទៅចុះ
