""بسم الله الرحمن الرحيم""
صلو ع نبي
الكاتبه:نور الـ علي
هل مازلت احبك(داعش)
كاعده وصافنه ع كتاب ب حديقه وامي تخبز وابوي يصيلي واني افكر ليش احنه ماعديي خوال. ليش مومثل هاي البنويت عدها بنات خال وبنات خاله واخاف اسئل امي وتعيط بيه لان كلما اسئله تعيط بيه بس يجي يوم اعرف ومثل ميكول المثل""الصبر مفتاح الفرج""وراح اصبر فزيت ع صفنتي ع صوت ابوي الي مليان بل حنيه
:-ها بابا ليش صافنه
:-هابابا لٱ هيج صفنت
هز راسه واردف
:-خوش لعد اني حروح اشوف اخوي ابو قيصر
:-تمام بابا راح ابوي واني كمت رحتي يم امي
:-ها ماما متحاجه شي اساعدج بشي
كالت بابتسامه حنونه واردفت
:-لاماما مرايده شي روحي كملي دراستج
هزيت راسي بابتسامه ورحت كعدت بل هول طبعاً بيتنه زغير متكون من غرفتين وهول ومطبخ وطارمه زغير واني الوحيده عد اهلي لان امي تعبت يلا جابتني لان ميصير عدها ابوي اخذ امي عن حب وابوي عايش بمنطقه شويه بعيده عن اهله لان مشاكل وحبوبتي ام ابوي متحبنه لٱ اني ولا امي لان جانت رايده بنت اختها لبوي وابوي عاند واخذها امي لهاذا السبب متحب لاني ولا امي وتصيحلنه بنات بغداد لٱ امي بغداديه وابوي من الحله(بابل) كملت دراسه وكمت افتر بلبيت خاف وصخ انضفه اجه ابوي من بيت عمي ابوي ماعده ااخوان بس عمي ابو قيصر اسمه عثمان فد مكروهه هوه وابن قيصر وابد ماحبه عنده ابن قيصر وابنيه وحده اسمها نسرين وعندي عممات ثنين وحده متزوجة بل بصره والثانيه ناصريه ب جنوب المهم اجه ابوي صبينه غده وتغدينه وكلمن راح لغرفته وجانت الساعه 1ونص تقريباً اني رحت نمت وفزيت ع صوت كلش قوي وصوت طلق جاي من بره خفت عل اهلي وكبل نزلت خاف صاير شي بيهم لاسامح الله رحت لكيت امي كاعده وابوي ماهو سئلته
:-يمه وين ابوي
:-والله يايمه طلع يشوف شكو شنو هاذا الصوت
هزيت راسي وسكتت انتضر ابوي يجي اجه كبل كمزت علي اريد اسئله شنو هاذا الصوت
:-ماكو شي بابا عرس
:-خوش
:-اي
سكتت وهزيت راسي ورحت كعدت يمهم انتبهت لساعه ب6اله عشره رحت سويت عشه وتعشينه وضلينه نباوع اخبار داعش شمسوين بل عراق الله واكبر عليهم صارت سَـآعــهْْ 8ونص اني كمت طلعت كتابي وصففنت ع الجلاد ""كتاب الاحياء لصف السادس ""قريت نص سَـآعــهْْ علما صارت سَـآعــهْْ ب9نمت كعدت الصبح ع صوت امي الهادئ والحنون تكعد بيه اروح لمدرسه كمت لبست ملابسي وتريكت وطلعت برا انتضر الخط شافني ابن عمي واجه بتجاهي
:-شسوين هنا
:-شسوي يعني اشايفني العب؟دانتضر ابو الخط يجي
:-احجي عدل لااكسر سنون .وامشي اني اوصلج
:-شلون ترديني اججي بله. شكراً ماريد هاذا هياته اجي باي
عفته ومشيت ايعع اموت منه ابد ولا اطيقه صعدت ب خط وكعدت بص صديقتي وتوئم روحي بنين
:-ها ولج ايان شلونج
:-هلا يروحي تمام وانت شلونج
:-والله لعبانه روحي من الدنيا يالله شوكت نخلص والله مليت
:-يلا مضل شي انشالله
هزت راسها وسكتت واني ميلت راسي ع جامه مال الخط وغمضت عيوني وافكر اله متى يضل العراق هيج مبهذل من ورا هيج ناس قذره ونذله محسيت اله واني باب مدرستي نزلت من الخط ورحت كعدت بمقعدي وطلعت كتابي اراجع بي لان اول درس عدنه احياء امتحان خلصت مراجعه ودك الجرس علمود نصطف لان دومنه صباحي رحت اصطفيت وخلصنه ورجعنه لصف واجت المدرسه وامتحنه وطلعنه خلص الدوام ورجعنه للبيت ومشت الايام هيج اله اجه هاذا اليوم المشئوم (2014/5/5)من هاذا التاريخ صارت ايامي سوده
