في جحيم داعش

الــبــارت الأول

نتركم وية البطلة تعرف عن نفسها...
اعرفكم بنفسي اسمي سيلين عمري ١٩ سنة صف سادس
مواصفاتي قصيرة طولي ١٥٨ بشرتي بيضة عائلتي تتكون من ابوي وامي واني عايشين بالموصل واني عمري ١٥ سنة ابوية توفة اثر حادث .

من بعدها امي اخذتني وعشت بيت جدي بغداد بدت معاناتي بيت جدي جانو يعاملوني معاملة غير كلة ضرب سب مع ذلك امي عذبتني من اني صغيرة تكلي ماريدج💔مع مرور الوقت امي ازوجت بس جان زوجها خوش رجال وقبل اجي وياها فرحت فرحة كلش جبيرة لان راح اخلص من هذا الظلم وبقيت ادعي يخلصني من هذا الظلم بعد مرور الوقت تعبت من حياتي فكرت اتصلت ع خالتي واني منهارة من البجي كتلها خالة ساعديني صارت حالة نفسية بقت تهدي بية كالت باجر ان شاءالله من صبح اجي اخذج نسيت اكول خالتي من اهل الموصل

ثاني يوم كعدت من الصبح سويت ريوك وبقيت انظف إلى أن سمعت الباب يندك هناا كلش طرت من الفرحة لان عرفتها خالتي رحت فتحت الباب وطلع صدك خالتي حضنت ودخلتها جوة اجتي امي سلمت عليها وقدمت المي وعصير طلبت خالتي من امي كالتلها جيت اخذ سيلين وياي تبقى يمي كم يوم بس الصدمة جان رد فعل امي بارد وشي عادي عدها مهتمت للوضع كالت براحتج اخذيها

اني مصدكت رحت لميت ملابسي وبدلت وطلعت وية خالتي امشي ولكاع مشايلتني من الفرحة احس جنت مقيدة وهسة تحررت جان الطريق كلش طويل ومتعب إلى أن غلبني النعاس ونمت ماحسيت إلى على صوت خالتي وهي تكعد بية سيلين حبيبتي كعدي وصلنة ودخلت جوة وتلكني بنات خالتي فد حبابات كلش فتت ارتاحيت وصعدت سبحت وتعشيت ونمت جنت كلش تعبانة من الطريق حلمت اني بمكان كلة دم واني امشي باوعت لابسة دشداشة بيضة على رصاصي ورجلي كلها دم امشي وجانت لكاع عبارة عن شوك رجلية جككن فزيت مرعوبة مر ع وجودي شهر ونص وكل هل مدة امي مسئلت علية... بيوم جاي نتعشة خالتي كالت باجر ان شاءالله نروح للسوك كل عادة كملت ورحت انام صباح ثاني يوم كعدت وحضرت الريوك اكلنة وطلعنة وية خالتي للسوك بهاي الأيام جان الوضع ابد موزين وتعرفون أحداث داعش بالموصل ماحس بس صوت انفجار قوي...

منحس الا هجموا علينة ونزلوا دك غلط علينة وفشار لزمونة احنة البنات وحد وشد عيونة اني هنا محجيت شي شدو عيونة وشمرونة بسيارة ومشت بينة السيارة هناا كمت افكر بأبوي واكول ليش ماخذني ويا قاطع تفكيري صوت طلقة توقفت سيارة بس صوت زلم صاح علية واحد كالة كافي تنزل بنات هذا لعدد لمطلوب بس ١٠ حرك السيارة ومشت بينة مدة طويلة وكف سيارة مرة ثانية وكام يسحل للبنات وهنا اجة دوري بالسحلة🙂💔وصلونة لغرفة فتح الباب وشمرني ورة فترة نفتح الباب وشال الوصلة عن عيوني واشوف واحد ضعيف ناعم لابس ملابس داعش شال الوصل من عيون البنات جان كلش وصخ وكلة تراب اني هناا تأكدت انو هو مو عراقي فات واحد ثاني بيدة علاكة بيها جرك وبطالت مي وزعلنة وكال ازقنبن وطلع جنت جوعانة فأكلت شوية اثناء مجاي اكل اجت عيني ع بطروني جان كلة دم طلعت رجلي مجروحة حيل لعبت نفسي وكمت اتقيئ وبقيت ابجي بصوت ناصي خفت لا أحد يسمعني ويكتلني تعبت من البجي تمددت بالكاع ونمت حسيت ع احد فتح الباب وفات شخص ويا يباوع علينة جان يكول هذن والله حلوات...

بس راح نختار وحدة تكون هدية للزعيم ماننسى وكفاتة الحلوة كال هاي اخذوها جان قاصدني أشر علية أتقدم هذا الوصخ علية سحلني وشد عيوني وشمرني بالسيارة بقيت ادعي رب العالمين ينقذني🙏

انتظرو البارت الثاني ان شاء الله💕
الكاتبة:Shroog wasim