شوفي ربج لو ماطالع جان صارت شغلة غفل
سيلين: وانت شمدريك راح تضرب يجوز متضربهم
النسر: لابوية اني اعرف سوالف الطيارة ترصد لمسلحين وتقصفهم
سيلين: بقينة كاعدين تقريبًا ربع ساعة وسمعت صوت الطيارة نصت وفتحت صوت مثل ذيج المرة صوتها مرعب كلش
النسر: سيلين سامحيني خاف نموت
سيلين: نزلن دموعي مسامحتك فتح ايدية رحت ختلت جوا ايدة وضميت راسي بصدرة قصفت طيارة
حسيت ايد تضرب ع خدي فتحت عيوني اذاني ماسمع بيهن
النسر: سيلين بوية شبيج ترة ماكوو شي اصحي
سيلين: باوعت علية نسر شصار
النسر: مصار شي ضربت الطيارة وانتي فقدتي يلااا كومي هسة خلي ناكل
سيلين: رحت للمطبخ جام متكسر ومكلوب تراب كتلة هسة شسوي
النسر: عادي تعاي نظفة اني وياج
سيلين: لامابيك حيل تنظف وياي بس اكعد يمي
النسر: ماشي بوية براحتج
سيلين: لكيت كارتونة سديت بيها الشباج وسديتة بسيم علمود لينفتح وغسلت لمطبخ
النسر: عاشت ايدج خوش تنظيف انظف من بيتنة
سيلين: هههه ولا تبطل سوالفك يلااا كوم وياي نجيب خشب من برة
هاا مكتلكم النسر من طلع راح يدور مسواك والحمدالله لكة
طلع النسر وياي وخلة مسدس بخصرة فتح لباب ورحنة للمخزن
النسر: فلك طرج بوية شدلاج ع المخزن
سيلين: هههههه مو انت من صوبت جنت محتارة شلون احمي لمي وعقم لجرح فتحت شباك المطبخ وشفتة
انت لاشيل ظهرك يوجعك اني اشيلهم
النسر: شنوو السالفة خوو ماكوو شي ترى اني بسبع زلم مو جرح يكسرني
سيلين: لا مو هيج لقصد بس انت مريض
النسر: لامابية شي هاج شيلي لمسدس
سيلين: شال لخشب ورحت ورا وسديت الباب
سيلين: النسر
النسر: هاا بوية
سيلين: انت مو كتلي ماعندك ثقة بية
النسر: يي كتلج
سيلين: لعد ليش نطيتني سلاحك
النسر: يي وليش تسألين
سيلين: يعني يجوز اضربك
النسر: هههه انتي ماعتقد سويهاا اعرفج
سيلين: شلون تعرف؟
النسر: هسة شعليج كافي سيلين
سيلين: لعد شعجب ماعرفت انو اني اشتغل جاسوسة لذولة لوصخين
النسر: منو قصدج
سيلين: داعش
النسر: ههههه حلوة مال وصخين
سيلين: والله صدك وصخين بس انت م وصخ نضيف
النسر: لابوية اني اتخبل من الوصخ احب النضافة
سيلين: سكتنة شعل النار همدت بقى بس جمر فتحت لعلاكة لكيتة جايب انواع المعلبات وعصاير وجاي وبيض النسر شنوو تريد اسوي
النسر: بكيفج كلشي اكل اني ماعندي شي ماينكال
سيلين: هاا تمام طلعت علبة لحم دجاج خليت زيت وقطعت الدجاج وحمستة وطكيت علية بيض سويت جاي وخليتة ع نار حضرت صينية طلعت خبز هم جايب خليت ماعون جبن ومربة ستوة لحم خليتة وصبيت جاي جبت فراش وكعدنة ناكل
النسر: والله لو ادري بيج هيج تعرفين جان من زمان جبت وخليتج اطبخين عاشت ايدج والله
سيلين: وايدك الف عافية
النسر: الله يعافيج
سيلين: كملنة شلت صينية غسلت المواعين عزلت كلشي واجيت كعدت يمة ساكتين محد يحجي سمعت تلفون دك باوعت علية كتلة النسر
النسر: هاا بوية
سيلين: عندك تلفون
النسر: ليش
سيلين: لان سمعت صوت نغمة
النسر: يي عندي روحي جيبي بجيب الجنطة
سيلين: رحت فتحت السحاب وطلعتة لكيت تلفون من هذا الغالي والله هذا الرجال سالفتة غريبة رحت وديتة الة دك مرة ثانية
النسر: هلا ابو حسان شلونك الحمدلله بخير انت شلونك الولد ههههه ان شاء الله اطلع عن قريب مع السلامة الله وياك
سيلين: كلامة جان كلة بي الغاز بس مذكرتهن
النسر: بيج شي بوية
سيلين: لامابية شي والله بس ضايجة
النسر: احمم عندي موضوع وياج
سيلين: شنوو الموضوع؟
النسر: انتي مو تردين اساعدج
سيلين: يي اريد
النسر: لازم أعقد عليج لان يعتبر اني وياج عايشين بالحرام لازم أعقد عليج حتى تكونين زوجتي لان اذا اطلعج وياي ميقبلون
سيلين: باوعت متفاجئة من كلامة بقيت ساكتة ماعندي حل
النسر: شوفي اني اعرف شتفكرين بس صدكي مااذيج لاتخافين بوية بس اعتمدي علية ولتفكرين
سيلين: هزيت راسي بمعنى يي
النسر: تمام راح اطلع اجيب الشيخ
_ ____
إلى هناا يخلص هذا البارت ياترى راح يتم لعقد بين سيلين والنسر؟
وذا تم شراح يصير بالأيام القادمة؟
ننتظر البارتات اتمنى قراءة ممتعة اتركوو تعليق حلوو وصوتو ع نجمة+القصة حقيقية
الكاتبة: Shroog wasam
أنت تقرأ
في جحيم داعش
Romanceالقصه تتحدث عن بنت ذهبت أسيرة في أحداث الحرب ضد داعش ولكنها التقت بشخص غير مجرئ حياتها هل ياترى هل شخص يكون لها قصه حب ام لا
