مَساء الخير.
#عين_وهدب
بقَلمي انا : مَرايم رعــــد 🤎.
______________
وإبتِدت أول حكايتنا بتَموز 😂❤️.
:
-اول يوم من شهر تموز الي هوه شعر ال٧
اكثر شهر قلقانه بي
لان النتائج هاي الايام جانت الدنيه
حيل حاره تسمط سمط.
:-فتحت الكنتور وبديت اطلع ملابس شويه خفيفه وبارده رحت خليتهن
ب الحمام وأخذت شغلاتي والغسولات وهاي لان حاره ف البشره تتعب
لازم كل خمس دقايق اغسلها بمَي بارد.
:-دخلت للحمام فتحت المَي البارده جان
دافي من الحر حيل ضجت منا حاره والمَي حار
شني هاي الواحد شوكت
يبرد طلعت بسرعه بدلت ونزلت واني اصيح،
- شنيي السالفه الدنية تسمط سمط وفوكاها المَي حاغ شوفولنة چاغه امشوا نشغد للشمال
- وسمم لهلصوت تردين نشد سبالت بالجو ام الچاغه
- اي والله شجاج تذكرين بالشتاء من تتمنين الصيف وبذات تموز هاج اكليها
سويت روحي ابجي
- والله بعد مأكول هيج بس خلي يجي هئ
:-عفتهم ورحت لأبوي اخذ منه فلوس
- بابا اغيد خسمسيه
- شني بوية
- خسمسيه خسمسيه
- شنهاي الخسمسيه فلوس جديده
- بابااا خمسميه
- اي كولي هيج من البداية، هااچ
- اويي اغوح فدوه للينطيني خسمسيه
:-درت وجهي واني رايحه لأخوي يشتريلي، اوو نسيت اعرفكم عليه اني سغسغ ههههه ساغه"ساره" عمري حاولو تعرفو لان ذكرته فوك بس ممنتبهين يمكن خواتي ثنين واني الثالثه "سولاف، وسدغا" سدرا" ثنينهم اكبر مني سولافه عمرها ٢٢ وسدغا ١٩ وعندي اخ واحد اسمه سيف عمره ٢١
اخيرا واخرا وياكم ساغه، وين جنت اي
- سيييييييييييفف
سيف: وسم لهلصووت شتردين
- اغيد اشتغييي
- شتشتغين
- لتعيب جيبلي اندومي وشغبت
- شربت شنيي عود من بغداد انتِ كوليي عسيرر
- دغوح جيبلي اندومي وشغبت
- اي عود الله كريم
- والله ماغوح منا اله تطلع كدامي
- استغفرالله العظيم أمري لـ لله
- عفيه هيج اغيدك من البداية
:- طلعت بالحوش واني انتضره يجي تأخر ساعه ساعتين ثلاثه ماكو شويه
وسمعنه هوسه بره، بابا طلع وامي متوفيه
من اني صغيره بس اني واخواتي بالبيت، گمزنه للحوش شفنه سيف الدم تارسه
من فوگ ليجوه دخل للبيت طلع مسدس صوتي راد يطلع لزمته من ايده،
