الكاتبه:ود الباشا
سلام عليكم حبايبي
اتمنئ الروايه تاخذ حقها وماتنظلم بسبب الحساب
نشروها بلـ بيجات اذا كدرتو لانها تستحق الدعم و اكون ممنونه منكم
-مُنذُ الأزل والرياحُ تسيّر عكس مانشتهي..!
تدعس أحلامنا في طريقها، وتأتيّنا بِأُخرى،
فالعالم مُتجبِّر أن يمضي كما يشاء،
أما نحنُ فنُجبّر على التأقلم..!
جُلّ ما عليك فعلهُ، أن تخدّع عقلك اللعين،
بأن مايحدث، مُجرد روايةٍ حزينه..!
وسينتهي البؤس ذات يوم،
يومٌ ما ستنهي الأفكارُ مِن نهشِ عقلك،
أو رُبما عليك البوح بالحقيقة،
بِأن الحياة لا تُناسِب الجميع.
شذر: خليني اروح والله تگسب اجر بيه
ولا كانو حجيت ويا سحبني من ايدي يسحل بيه ورجلي دمرتني وصلنا لـ سياره زمخ بيه
رفعييي رجلج
شذر: سحب الكلينكس ضغط علـ جرح
مبينه راح تشلعين كلبي واني خلگ روحي ماعندي
شذر: عوفني لعد اروح حباب لا ترجعني عدهم خليني اروح وكللهم شردت باوعلي صفح طبك باب السياره وركب شغلها
وكت والله بنت جواد تبيع شرفياات
شذر: شقصدك؟
ماقصدي يلـ عفيفه
شذر: بقيت ساكته اكل بضافري
وصلنا لبيت نزل ونزل ويا غراض اشرلي نزلي
رجعني حباب فتح الباب دخل الغراض واني بعدني على وكفتي باوعت ردت اشرد بس منطقه بيها قليل بيوت وكل بيت بعيد عن الثاني بمسافه جبيره
دخلي
شذر: دخلت اعرج بسبب رجلي باوعت على البيت طابق واحد مكدرت افتر بي كعدت علـ تخم هو نقل الاغراض للمطبخ واجه بايده گطن ومعقم
مدي رجلج اعقمها
شذر: مابيها شي مجاوبني سحبها شغل فلاش الموبايل وبقى يعصر بيها دتااذيني
اشوف بيها كزاز لو لا اتحملي
شذر: بقيت ابجي بهدوء خايفه من الديصير اني ليش اهنا بابا ليش هيج يسوي بيه
عقمها وكام غسل ايده مسحت دموعي
دگ جهازه مرتين هو بهلـ مرتين يفصله كعد كدامي
شسمج
شذر: انت شسمك ابتسم صفح
انه سألتج اول
شذر: شذر
حلو شنو معنى اسمج تعرفين
شذر: هزيت راسي لا
قطع الذهب واللؤلؤ
شذر: انت شسمك
مو ضروري تعرفين اسمي صيحيلي عمده
شذر: ليش كلكم اسمكم عمده؟
التفتلي عيونه تخوف خازرني
أنت تقرأ
شذر ايـــوب
General Fictionخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
