الاشيب .🤍

بارت 3

أريد أصفُن بوجهك صفُنت الميتين ♥.

------------------
صعدووو صوتولييي

بارت 3

...بقيت ساكته ما حجيت شي رجعنه للبيت وامي سألت شنو سوينة كاللها بابا
:-يراد اكبر عمرها شهر يلا تتسجل
رونق: وشكو مكبرة خليها ع سنه الخ
رِسن: لا ليش حرامات شغلتها بسيطه
رونق: متكبر عمرها لا خليها ع سنه الخ هم تكبر شويه هم عقلها يكبر تستوعب اكثر
...اردفت بضوجه
:-بس اني اريد السنه يمة
رونق: وحمة كلت ماكو شكو مستعجله ع ضيم
4
...سكتت عنها وبابا هم سكت ما ناقشها لان يعرف اذا عاندها راح تسوي مشكله تقرب باسني من خدودي وكال
:-لا تضوجين باجر اروح اجيبلج كتب ونقرا اني وياج بالبيت شدكولين
مورفو: صدك بابا
رِسن: اي حبيبتي
...طرت من الفرحة بوكتها لان بس اريد اقرة ماعرف شنو هل شغف الجان عندي وكتها للدراسه
...وصدك ثاني يوم راح بابا جابلي كتب وصار بالبدايه يعلمني الاحرف والارقام شويه شويه لما ضبطتهن كلهن وبعدين علمني اتهجىء الكلمات حتى ما تصعب عليه كلمه
5
...الصبح بابا بالدوام وامي تستلمني شغل واني جنت بس اريد اكعد ع كتبي واقرة وهي متنطيني مجال ابد ودوم تكلي
:-ديلا ع شنو اموته روحج عود شراح تصيرين
22
...بس ما جنت اهتم جنت اخلص الاشياء الي تطلبها مني واكعد اقرا والعصر من يجي بابا مرات يكعد يقرة جريده واني اكعد يمه اتهجىء كلمه كلمه واحجيها اله وجنت اطير من الفرحة من يكلي صح ومن اغلط يكعد يعلمني ويذكرني بالاحرف شلون نلفضها
...ثاني يوم طلعت كعدت بـ الباب العصر اباوع ع الاطفال والعالم الي تروح وترجع بالشارع شفت عمو عثمان من بعيد جاي يمشي باتجاهي كمت من مكاني ورحت اركض والضحكه شاكه وجهي ابتسم وفتحلي اديه شالني كبل باس خدي بقوة وكال
:-شتاقيتلج وينج مختفية
24
مورفو: امي متقبل اطلع هسه بابا موجود وسمحلي اطلع
عثمان: تدرين جنت يوميه اجي اكول بلكت اشوفج وانتي ماكو
مورفو: تعال هسه نكول لبابا ونروح للشط حباب
عثمان: ههههه تدللين
...نزلني من حضنه كدام الباب وكال
:-روحي كولي لعمي رِسن وتعالي
...هزيت راسي ورحت اركض ع بابا شفت امي كاعده يمه خفت اكول كدامها و تمنعني تقربت منه همست بـ اذنه
:-بابا اريد اروح وي عمو عثمان
...ابتسم بابا وهز راسه موافق رجعت اريد اطلع صاحت امي
:-خير وين
...بقيت واكفه وساكته اباوع عليها باوعلها بابا وكال
:-ماعليج بيها
...رجع باوعلي وكال
:-روحي بابا
... طلعت اركض واسمع امي تصيح ورايه ما لتفتت عليها اصلا وصلت يم عمو عثمان واردفت
:-بسرعه بسرعه عمو قبل لا تطلع امي
4
...ضحك بثكل وشالني ومشى بيه سريع ابتعدنه عن البيت باوعلي وكال
:-ليش هيج تخافين من امج
مورفو: تمنعني الطلعه وتضربني اذا طلعت
عثمان: وهسه اذا رجعتي ما راح تضربج
مورفو: اذا بابا موجود لا بس اذا ماكو تضربني
عثمان: هسه يقبلوج بالمدرسه وتطلعين وتلعبين هوايه
...نزلني من ايده كعدنه بالكاع مقابيل الشط باوعتله واردفت بحزن
:-ما قبلوني بالمدرسه عمو
عثمان: ليش؟!
...رفعت أكتافي بـ معنى ماعرف واردفت
:-يمكن ما يحبوني همه هم
24
عثمان: لا تحجين هيج مروفو انتي منو ما يحبج
مورفو: امي ما تحبني
عثمان: ماكو ام ما تحب بنتها بس امج هي هيج طبعها
7
لا تضوجين منها حبيبتي وبعدين اني هم احبج وابوج وراح يصير عندج اصدقاء بالمدرسه سنه الجاية وهم راح يحبونج
...ابتسمت لكلامه واردفت بحماس
:-راح اصير شاطرة كلش لان بابا علمني اقرا واكتب الاحرف من هسه
عثمان: صدك تعلمتيهن بهل سرعه
_اي اي وبعد الارقام كال هل فتره نتعلمهن
_عفية الشطوره ع هل خبر الحلو راح اجيبلج هديه
...كمزت من مكاني فرحان واردفت بصوت عالي
:-صدك عمووو
1
_هههههه اكيد واذا تردين اجيبها ع ذوقج هم شنو تحبين اجيبلج
_اريد لعابة شعرها بلون شعري
_ماكو لعابة شعرها برتقالي بس اصفر
123
مورفو: لااااا اريدها مثل شعري
عثمان: امممم اذا ما لكينة نجيبها شعرها اصفر و نصبغة
1
مورفو: شكرا عموووو
...ضحك وسحبني عليه باسني وكعدني كدامه وكال
:-كل ما تضبطين ماده اجيبلج هديه
مورفو: انت احسن من عمو عبد والله
1
...ضحك بصوت وكال
:-اني اصير عمج يولي عبد
... بقى يحجي ويايه ويسألني واجاوبه وجنت طفله كلشي احجيله اغلب الي يصير ببيتنه احجي اله وجانت حجاية وحده يكولها الي
:- اني دوم اسمعج واسمع الي تحجينه حتى ترتاحين وما تبقين كاتمه شي بداخلج
93
مورفو: اني ارتاح من احجي وياك عمو
عثمان: روح عمو انتي شوكت ما يعجبج انه اسمعج
...مرت الايام طبيعيه وبين مشاكل بابا وامي الي متخلص وجنت دوم اطفر من البيت اروح لعمو عثمان واسمعه شنو حفظت وشنو تعلمت وجانت رده فعله تشجعني استمر واتعلم أكثر
...مره جابلي لعابة كلش حلوة شعرها اصفر ولابسه فستان احمر بوقتها جنت شايلتها واكمز من الفرحه هو كاعد بالكاع يباوعلي ويضحك تقربت عليه حضنته بقوة واردفت