حكايات من قلب الصعيد

البارت 1

مرحباً أيها القارئ دعني أخبرك أمراً هاماً ، أنا أريد فقط أن اجعلك تعيش معي تلك المغامرة ، خذ نفساً عميقاً أعرف جيداً أنك العقل الناضج ، وأعرف كم تحبون المغامرة ،
مغامرة جديدة من رواية جديدة بين الخيال والواقع
#هل_تعشقون_القوة_التمرد_الجنون_الحب
#هل_تعشقون_الحروب
#تذكرت_جيداً_انكم_تعشقون_القوة_المميزة
#هل_أنتم_جاهزون_سنذهب_معاً
☆رواية☆
حكايات من قلب الصعيد
بقلم : أية علي الشربيني
البارت : الاول
(علي طريق مليئ بالجبال )
عربية فيها بنتين وشاب الشاب يبلغ من العمر ٢٧ سنة
وبنت تبلغ من العمر ٢٤ والاخري تبلغ ٢٠ سنه في طريقهم للصعيد
وقفت العربية فجأة حتي قالت البنت الكبيرة :
في اية يامازن
رد مازن وقال :
هنزل اشوف
ردت عليه ملك الكبيرة وقالت :
المكان مخيف يامازن
رد مازن وقال :
متخفيش استنو هنا وانا هبص علي العربية
نزل مازن من العربية وفتحها لقه دخان بص حوليه ملقش حد بص لفوق الجبال شاف خيال اتخض نزلت ملك ومليكة قالوله :
في ايه يامازن
رد وقال بهدوء :
مفيش بس هحاول اصلح العربية خلينا نوصل بقا ونمشي من المكان دة
ردت مليكه وقالت :
انا خايفه اووى يا أبية
رد مازن وقال :
متخفيش ياحبيبتي ادخلي العربية انتي وملك وانا هصلح العربية
دخلو العربية وهو فضل يحاول يصلح العربية ولكن طلع عليه ٣ رجالة وقالوا :
بتعمل ايه اهنية
رد مازن وهو يبلع ريقة وقال :
انا عربيتي وقفت فجأة وبحاول اصلحها مفيش هنا ميكانيكي
نظر رجل منهم داخل العربية وعيونه لمعت وقال :
والحريم دول عيعملو امعاك ايه
رد مازن بهدوء وقال :
دول عيلتي هو حضرتك بتحقق في ايه ما تساعدني افضل
رد الرجل الثاني وقال :
بهدوء اجده طلع الا معاك وكمان سيب الحورمتين دول وامشي من اهنية
ملك ومليكة خافوا ومازن متماسك علشانهم حتي قال :
انتو حرامية بقا
رد رجل منهم وقال :
لا احنا جطاع طريج
اقتربة الرجالة من مازن ياخدو الا معه ولكن مازن بدأ يدافع عن نفسه ولكن كتفه الرجالة واقترب احدهم من العربية وصرخت ملك ومليكه سمعه صوت فرس ونظر الجميع ولكن التراب يغطي علي الفرس وصاحبها
اما في مكان أخر وبتحديد في الصعيد يجلس همام الهواري وهو الكبير ويبلغ من العمر ٧٥ عاماً
ويجلس بجوارة حفيدة يونس الهواري وهو شاب يبلغ من العمر ٢٧ عام طويل القامه وسيم بشرته قمحي عيونه حاده بني غامق شعره اسود
دخل عليهم واحد من رجالتهم واسمه رماح وقال :
ياسعت البية ياسعت البية
نظر له همام وقال :
انطج في ايه
رد رماح وقال :
جطاع الطريج هجمه علي عربية جاية من البندر وكارم بية أهناك عينقذهم
انتفض همام وقال :
اجمع الرجالة جوام ونظر الي يونس وقال :
هم بينا نشوف كارم جطاع الطريج مش هيجبوها لبر عاد
اما في طريق الجبال سمعه صوت حصان أقترب منهم كارم وقال :
وجف منك ليه وان جربت منيهم هكسر الجبل فوج ادماغكم
نظر له جطاع الطريج وقال احدى الرجال :
هتمشي من اهنية والا
رد كارم بغضب وشال الشال من علي وجه وقال :
اتجننت اياك معرفش عتكلم مين ياود المركوب انت
نظر و اليه وانصدمو وقال احدى الرجال :
كارم بية العفو ياسعت البية الا ميعرفك يجهلك
نظر لهم كارم بغضب وقال :
هملهم واخفو من جدامي احسنلكم يا هفرج الرص*اص دة في جدتتكم
جرو الرجالة ونزل كارم من علي حصانه وأقترب من مازن وقال :
انت مين وايه جابك من الطريج دة
رد مازن بهدوء وقال :
اول حاجه شكرا علي مساعدتك
رد كارم وقال :
لا شكر على واجب انت ضيف اهنية
رد مازن وقال :
انا جي زيارة هنا لقريبي ومعرفش الطريق لان من زمان مجتش
رد مازن وقال :
الطريج دة واعر جوي وكمان انت امعاك حريم جولي جاصد دار مين واني هوصلك
رد مازن ببتسامه وقال :
انا رايح بيت همام الهواري
ضحك كارم وقال :
يامرحبا يامرحبا وسع اجده اعملك العربية
اقترب كارم وقام بتصليح العربية وركب مازن وركب كارم علي حصانه وهو يمشي قدامهم
نظرت ملك اليه وقالت بحماس :
كلام الصعايدة جميل جدا
ردت مليكه بشقاوة وقالت :
ياخرابي علي قوته شوفتي الرجالة هربو ازاي
نظر مازن في المرايا وقال :
يارب نسكت علشان ممدش ايدى واشلفتك
ردت مليكة وقالت وهي تكرمش وشها :
اوه ماي جاد انت لوكل اووى يامازن اشلفتك ايه
ضحكت ملك وقالت :
هو بردو الا لوكلك يابيئة انا مش عارفه ايه ياربي دة وقعني في اتنين اخوات بيئة وبلدى
ضحك مازن وقال :
شكلي كدة همد ايدى عليكم انتو الاتنين مش عارف بابا وماما سبوني معاكم ليه
ردت مليكة وقالت :
سيب ابوك وامك يعيدو امجاد شهر العسل ياخويا الا غيران منهم يعمل زيهم ولا اي يسطا
رد مازن وقال :
انتي مين واي كلامك البيئة دة يابت اتعلمتي فين
ردت ملك وقالت :
تلوث سمعي دة اوه اسكتو بليز عاوزة هدوء كفاية الناس الا خضونا دول
ردت مليكة بضحك وقالت :
والله حسيت في لحظه اننا في ذئاب الجبل ووه يادبور
ضحكه عليها حتي قالت ملك :
قدامنا كتير
رد مازن وقال :
مش عارف
ردت وقالت مليكة :
مكلمتش ليه حد منهم اقول اي علي سليم هو يدلع واحنا نولع
ضحكه اخوتها وقالت مليكة :
لوكل يامليكه بابي لو سمعك هيعلقك من لسانك دة
ردت مليكة وقالت :
اسكتي ياؤخه بت اي دة الحقي شايفه الرجالة دول وعربيات يانهاري دخلنا علي سلسال الدم ولا ايه
ضحكه عليها
اما عند همام نزل من العربية وبص لقه كارم
نظر كارم وقال :
معايا ضيوف ياجدى ارجعو للعربية ونتحدد في الدار
وصلو للبيت ونزل كارم من علي حصانه واقترب من عربية مازن وقال :
وصلنا اتفضلو
ذهب كارم يغير ملابسة وعرف جدو ان مازن جي لي
نزل مازن من العربية ونظر له همام اقترب منه مازن وقال :
جدي
نظر له همام وقال :
مين عاد
رد مازن وقال :
انا مازن ياجدى ابن سليم ابنك
دمعت عين همام واخذ مازن بالحضن وقال :
حفيدى الغالي ابوك فين وكيف متعرفنيش انك جاي اجده جطاع الطريج يهجموك
رد مازن وقال :
والله ياجدى انا جاي هنا من غير ما بابا يعرف هو وماما برة مصر وحبيت اجي اوصل الود من تاني عارف ان حضرتك زعلان بس لازم نتكلم هترحب بينا ياجدى
رد همام وقال :
همام الهواري ميرودش حفيدة ابدا بس انت امعاك حد اياك
رد مازن وقال :
معايا اخواتي البنات
انصدم همام ومتوقعش البنات يجو الصعيد اخر مرة شافهم كانوا قبل ما يهاجرو برة مصر وكانوا صغيرين ودة سبب زعله من ابنه ان بعد وسافر
نزلت ملك ومليكة من العربية واخذهم مازن واقتربت ملك وسملت علي جدها وقالت :
ازيك ياجدو انا ملك
حضنها همام وقال :
اتوحشتك جوى يابنت الغالي
اما مليكة نظرت اليه وهي بتبعدو عن ملك وقالت :
جرا اي ياسي جدو انا لدرجادى مش متشافة خش في حضن اخوك فواز ياحبيبي
انصدموا اخواتها وخافوا من همام اما همام نظر اليها
متنسوش التفاعل ورأيكم لو الروايه عجبتكم ولسه الا جي أحلي مع الكاتبة يوكا .....♥️
علقو ب20 ملصق وأعملو #متابعة لحسابي ليصلك  كل جديد اضغط هنا 👈👈 👇👇👇👇👇👇👇👇
أية علي الشربيني
أعملو #متابعة لحسابي ليصلك احلى واجمل الروايات من العيار الثقيل 🙈💞😉 اه صحيح بحبكم قد البحر وسمكاته 💞😉🙈