عن طريق الصدفة

الماضي

آليس قبل لا نبدي بالصار بالمستقبل خلي ارجع شويه بالزمن وشوفو شصار ويايه حتى تفهمون كلشي

بيوم جنت نايمه بوقتها جان عمري 16 سنه فجأة فزيت من نومي على صوت بجي وصياح وصوت نسوان ديبجون گمت مصدومه ورحت اركض نزلت جوة حتى اشوف شكو وياريت لو مگاعدة ياريت لو ضليت نايمه

ياريت لو بعدني طفله وما افتهم شفت نسوان ملتمين على تابوت وهالنسوان همَ امي وعماتي اثنين واختي صغيره جان عمرها 6 ونسوان غريبات معرفتهم جانو ملتمين عالتابوت ويبجن بصوت عالي رحت اني ودارجف گلت منو هاي وجاوبتني وحده تگول

" سندج يايمه سندج ابوج راح قتلو يا بنتي قتلو"

من سمعت هالجمله تهسترت گمت اصيح وابجي واگول لا لا جذابين وين ابويه ابويه وينن جاوبونييي ابويه ميعوفني ويروح بس گلولي وينه

حضنتني امي هي ودتبجي وگلتلي: واحد يطلب ابوج فلوس بس ابوج مگدر يجيبهن وقتله

المهم سوينا فاتحه وخلصناها وامي بعد ما صار كلشي اتمرضت متگدر تتحرك وعلاجها غالي ماگدر اجيبه ومحد يقبل يشغلني يمه وجانت عمتي تجي عدنا تنطينا خضروات شويه وتروح وجنت اگلها اريد فلوس وبعدين ارجعهن الج تضربني وتگول ماانطي واهل امي ماعرفهم ليش لحد يسألني

بيوم جنت دااوكل اختي الصغيره وكلتها وغسلتلها ورحت نيمتها ورجعت على امي اني عبالي نايمه گعدت اسولف وياها واضحك وابحي واتذكر شلون چنة نلتم اني وهي واختي وبابا ونضحك ونتفرج فلم وابجي استغربت لان مدتتفاعل هي بالعادة تگول ايي وتخليني اكمل بس هسه مدتجاوبني

گمت تقربت عليها شفتها مغمضه حاولت اگعدها ومگعدت وطلعت امي ميته..... واني عبالي نايمه واسولف واضحك وياها نعاد كلشي صار ويه بابا نعاد بأمي ومرت عالحادثه شهرين وگلت الة اعرف منو قتل ابويه گمت كل يوم احط اختي عند الجيران واطلع ادور وادور واحقق واتبع وضليت سنين على هالحال لحد ما صار عمري 20

وعرفت منو الي قتل ابويه وبسببه امي ماتت جنت فرحانه ضليت ارگص واهز واهلهل واختي الصغيره صار عمرها 10 ضحكت ويايه وهي متدري شكو ضلينا نركص لحد ما تعبنا وجانت الساعه 12 بالليل فا گلت من تطلع الشمس اروح ابلغ عليه وما انتظر اكثر يجوز يطلع خارج البلاد وينهزم

اخذت اختي ورحنا نمنا فزيت على صوت المنبه جانت الساعه 12 الصبح گمت گعدت اختي رحنا اكلنا وسبحنا غيرنا ملابسنا واخذت العابها وراحت عند الجيران تلعب واني رحت على مركز الشرطة

دخلت لمركز الشرطه وقابلت واحد گلي شتريدين

آليس: اريد ابلغ على شخص

ابتسملي وگلي تعالي دخل المكتب وضرب تحيه

"سيدي اكو بنيه تريد تقدم بلاغ"

دخلني للمكتب وگلي اگعدي واشرلي يعني احجي العندج

آليس: سيدي ابوي قبل اربع سنين قتلو وعرفت القاتل منو واريد اخذ حقي منه

محمد: وسبب قتله شنو؟

آليس: جان مطلوب فلوس ومگدر يجيبهن وقتلو مع انو جان محضرهن بس ما نطو مجال

محمد: تمام بابا انتظري شويه

گام وصاح "امير تعال شويه"

دخل هذا الي اسمه امير جان طويل وضخم معضل وحلوووو حلو حلو ضرب تحيه وگال

"تفضل سيدي"
"اخذ البنيه وخلي تنطيك كل المعلومات وارجعلي"
"امرك سيدي"

رحت وياه گعدني بمكان اضلم يخوف وضل ياخذ مني معلومات تخصني وتخص ابويه وتخص القاتل من كملنا

گام وگمت وياه داطلع جان يگول هو وديضحك

"جمالج شگاگي"

امير الشگاكي😂🤍

رحت وياه گعدني بمكان اضلم يخوف وضل ياخذ مني معلومات تخصني وتخص ابويه وتخص القاتل من كملنا