My Father's Son | A KENTIN AU

MFS 20

[Time Skip]

Jashem's POV

Nasa huling araw na kami ng aming practicum. Hindi na namin namalayan ang mga araw. And guess what? Nanliligaw na si Stell kay Paulo! Officially! Ayieeh!

Though hindi pa sila pero masaya ako dahil alam kong gustung-gusto rin ni Stell ang kaibigan namin. Si Paulo? Hmm. Nasa stage na yata siya ng acceptance ngayon. Haha. In denial kasi masyado. Halata naman. Akala niya kaya niyang iwasan si Stell. Nilagyan yata siya ni Stell ng GPS eh. Parating nahuhuli.

I hope that my friends are going to be happy. Kung sila man, sana sila na. Ano daw? Sana gets niyo. Anyways, I hope they find happiness with the company of each other. Deserve naman nila ang isa't isa.

"Tara?" Tumayo na ako at isinukbit ang braso ko sa braso ni Kyler.

"Kailan mo gustong umuwi ng bahay?" Tanong niya sa akin habang naglalakad kami papuntang parking lot.

"Bukas? Okay lang ba? Namimiss ko na si mommy eh."

"Okay, your wish is my command." Ginulo pa niya ang buhok ko habang sinasabi niya 'yon. Pagkatapos, pumasok na kami sa kotse at pinaandar na niya ang sasakyan.

Nagkukwentuhan lang kami sa mga naging experience namin during the whole month dito sa company hanggang sa makarating kami sa opisina.

Naghanda rin ng munting salo-salo ang opisina namin para sa aming mga interns. May program din kaya wala na kaming trabaho ngayon. May mga umiyak pa dahil mamimiss daw nila kami.

"Jah mamimiss kita." Gaya na lang ni Ritchie. Mangiyak-ngiyak pa siya habang sinasabi 'yon sa akin kaya niyakap ko siya.

"Magkikita pa naman tayo eh. Para ka naman taga ibang planeta." Sabi ko sa kanya para pagaanin ang loob niya.

"Okay lang bang pumunta sa school niyo?"

"Oo naman. Sabihan mo lang ako." Tumango siya saka pa ngumiti. Nagpaalam na rin kami sa iba naming kasama pati na rin sa mga naging boss namin dito.

"Nag-aantay na ang darling mo sa'yo. Umalis ka na." Bulong ni Ritchie sa akin.

Nasabi ko na rin kasi sa kanya na kami na at hindi magkamayaw sa kilig. Talagang sinadya ko na 'wag munang sabihin sa kanya kasi baka madulas at masabi kung kanino. Mas kinilig pa yata siya sa akin eh. 'Di joke lang. Mas kinilig ako syempre.

Pinagalitan pa nga ako kasi nilihim ko raw sa kanya kaya todo explain na naman ako sa kanya.

Niyakap ko siya sa huling pagkakataon pagkatapos ay nagpaalam na kami sa isa't isa.

"Bakit kailangan may payakap?" Bungad ni Ky sa akin habang nakakunot ang noo nito nang makalapit na ako sa kanya. Tinawanan ko lang siya.

Vocal naman siya kapag nagseselos siya kay Ritchie. Lalo pa't naging close na rin talaga kami. Alam naman niya na wala akong gusto kay Ritchie pero hindi parin talaga niya maalis-alis ang selos niya. Actually, inienjoy ko rin. Haha. Gusto lang naman niya na lalambingin ko siya eh kapag nagtatampo or nagseselos siya.