عشقت ياسعود وانا جاهلٍ بهالدرب

part : 7

بمكتب سعود
سعد:سعود كلم عمي متعب
سعود:عشان؟
سعد:عشان الزواج وش فيها لو كملت الدراسه بعد الزواج؟
سعود:بكلمه ولاكن اذا شرطت البنت تكمل دراستها والوظيفه اللي تبيها انت مالتس كلمة هنأ
سعد:يعني بالله بمنعها من الوظيفه بعطيها عيوني بعد
سعود:ارفع علومتس
سعد:هههههه
سعود:والله انتس فاضي انا ورأي اشغال
سعد:والله حتى انا
سعود:انقلع انقلع
سعد ضحك:تقلع اخوتس
سعود:انت م عليتس داوم؟
سعد:ذكرتننييي
سعد طلع وسعود يضحك عليه
اما عند جود كانت تطبخ الغداء مع امها
سلمى:وجنى وينها !
جود:نايمه
سلمى:ذي البنت مستحيل تحط يدها بشي روحي قوميها
جود:تم
ناصر: انتظرييي بصحيها معتس
عبدالله:نسوي بها مقلب؟
جود بحماس: عاااشششووو
ناصر:عبدالله بلعنتس لو تفتح الباب انتظرني
عبدالله:اببشررر
جود: مستحيل يكون ذا عمره 27
عبدالله:اسكتي اسكتي بتقوم من صوتتس
سلمى:اخللصيي ي جود
ناصر جا وهو لابس قناع اسود
جود:يمه بتفجع البنت كذا
عبدالله:شدعوه ترا كلها قناع
جود:المهم اخلصو علينا ويلا قولي وش المقلب
ناصر جلس يشرح لهم والكل فهم
عبدالله فتح الباب بخفيف وناصر دخل وتخبى ورا الدولاب
قفلو الانوار كلهاا وطلع ناصر كان يرمي كل اللي لقيه بالدولاب عشان تصحى
جنى قامت وهي مفجوعه بكت وكانت تصرخ تبي أهلها ناصر م قدر يكمل المقلب طلع يضحك وجنى قامت تضرب فيه:انقلعععع يحيواننن
جود دخلت تضحك:بشري كيف المقلب
ناصر:قلبي م طاوعني اكمله
دخل متعب:وش ذا
ناصر:لا ابد جنى قالت تبي تطلع اللي بالدولاب وترتبه
جنى ناظرت لناصر وكنّها تقول له متى قلت
سلمى:قومو قومو الغداء جهز
جود:مسرع يمه
سلمى قلدت بها:مسرع يمه اببد خليتيني بالمطبخ لحالي ومحد جا يساعدني
ناصر ضرب جود:الا امي ليه ما ساعدتيها
جود:لو فيتس خير كان ساعدتها انت ولا رجال
متعب بعصبية:قدامي انت وياها
ناصر:علامتس
متعب:لتس وجه تسأل بعد
الكل ضحك
_______________
ببيت حمدالساعه 4 العصر
علياء:يلا نقوم ننظف البيت
وجد:صدق يلا من الحين
قامو البنات ينظفون البيت
ارجوان:متحمسهه لليل
علياء:مو كثرري
وجد؛بنات تخيلو عمه لمياء انخطبت وما درينا وبرضو زواجها قريب
البنات بصدمه:احللفيييي
وجد:والله
ام سعود بفرحه: ماشاءالله الله يتمم لهم على خير
البنات:امين
ارجوان:انتي علميني من وين تدرين
وجد:عاد تدرين عمه لمياء تحبني واجد وما تخبي عني شي
علياء:حممااااسس زواج عمه لمياء وبعده ان شاءالله  زواج سعد
ارجوان بحماس:تحمسستتتت
وجد:كملو كملو بس اليوم جايين عندنا كلهم
علياء:انا بروح انظف السطح عشان احنا البنات نجلس فوق وانا بطلع الشاشه بعد والحلى وكل شي من بدري
وجد:زييين اصلا باقي الا المجلس والصاله
ارجوان:بيتنا كبير مره يدي تكسرت
وجد:وربي حتى انا
طلعت علياء لفوق ومسحت ورتبت المكان ونزلت تحت جابت المفرش والحلى طلعتها لفوق ورجعت للشموع والحلى الثاني ركبتها ونزلت مره ثانيه بنص الدرج قالت؛ تعبتتتتت باقي كثير
ورجعت جابت الورق العنب والقهوه ساعدتها وجد وجابت معها العصير والقاعده
علياء:جيبي معتس اللابتوب
واشتغلت انوار بيت حمد
الساعه 8
ام سعود:يلا يابنات اخلصو الحين جايين
وجد:انا جهزت
علياء:باقي بس الروج واكمل
ارجوان:كملللتتت
ام سعود:دام كملتو روحو جيبو البخور واستقبلوهم
وجد:من عيونيي
ام سعود:تسلمين
طلعت وجد وفتحت البوابه
الكل وصل بوقت واحد واعتلت أصواتهم بالترحيب ل اهلهم وظيوفهم
ام سعود:ارحبو ارحبو
وجد سلمت على بنات عمها متعب وعمها تركي:تو نور البيت
وراحو الكل يسلم على جدتهم وجدهم
ام سعود:علياء وصلي جدتس لباب المجلس فيه اولاده واولادهم
علياء:سمّي يمه
راحت علياء توصل جدها لعند باب المجلس ودخل
حمد:يالله حيّه
الكل كان واقف يسلمون على بعض وكأن لهم سنيين م شافو بعض
قامو سعد وسعود يقهوون ظيوفهم
تركي:والله انتس ربيت رجال ينرفع بهم الرأس ياحمد
_
طلعو البنات للسطح وكانو يسولفون وجود ودها تشوف سعود مره ثانيه كانت تخفي حبها له لاكن تشوف نفسها كل يوم تتعلق فيه اكثر وتدعي
انه ما يحب غيرها ولاكن م تدري انه يبادلها بهالحُب