Dalidali ko niadtug syudad ug gipangita ang kuya ni Iya, si Iyan Katigbak. PNP Chief sya sa amoang lugar ug kabalo ko naa gyud syay matabang, labaw na iyang manghud ang issue.
Taod-taod lang ko naghulat ug niabot nasad siya. "Yan, si Iya." Wala panahuman akong iingun naghilak nakog ayo. Di nako kaya mawala ang kasakit ug kahadlok nga nakita nako gipusil sa akong atubangan akong uyab. Di japon ko katuo sa nahitabo.
"Santiago, na unsa akong manghud?" Gipugos nako akong kaugalingun nga eestorya tanan nahitabo. Deritso niya gipatawag iyang sakop ug nagsakay sila sa police car dala ang daghan armas.
"Santiago, lead the way. Ayaw pag sigeg hilak diha! Kung naay mahitabo sakong manghud, wako kabalo unsa akong kaya mahimo saimuha." Gikwelyuhan ko niya. Kita nako sa iyang mga mata ang kaulit sa akoa. Bugok kaayu ka James, bugok!
"Yan sorr—ry! Nahadlok lang sad ko, getestingan nako na makuha pud siya per—" Isa ka kusog na sumbag ang nadampi sakong nawung.
"Unya? Kabalo naka nganung dili ko ganahan sa imuha?! Bisag paglikay sa disgrasya di gyud nimo mabuhat? Ug sa tanan lugar pwede laagan, didtu pajud mo giagi? Ikaw ang laki sa inyu Santiago, dili akong manghud!" Niginhawa syag lawun ug gituunan kog pusil. "Wala na kay nabuhat na maayo, mag sige pajud kag hilak? Mutindog ka diha o pusilon ko nang utok nimo?" Deritso ko nitindog ug gapugson na di mutulo akong luha.
"Lead the way. Dali!" Niadto kos akong motor ug gipadagan kini padulong sa lugar asa mismo gipusil si Iya.
Hadlok ug kaulit akong gibati tung nag-agi mi utro sa lugar asa gipusil akong uyab. Gabei na kadtung niabot mi. Gisuroy sa mga kaubang pulis ang lugar while iyang kuya nagduko, nagtan aw sa dugo nga naas dalan. Dugo sa iyahang manghud. Bisag nakatalikod si Iyan sa akoa, nakita nako nga naghilak siya. Gipunit niya ang helmet daw gigakos.
Sakit kaayu makita ang mga nahitabo karun. Sakit kaayu hunahunaon na naa rako dri nagtindog, walay mabuhat kay wala koy kaya.
"Sir, ang tulo sa dugo nihunong dri rang dapita, pero naa koy nakita nga cellphone sir," niduol ang pulis iya Iyan. Gitan aw niya ang selpon nga naay itom nga casing ug kabalo gyud ko nga iya Iya tua. Wala nako niduol sa ilaha kay kabalo ko nga makadisturbo rako. Nagtabang nalang kog pangita sa pwede ma ebedensya. Sa sige nakog lakaw naa koy nakit an nga murag gi agian gikan sa motor.
Dili kaya iya Iya ni nga motor? Labaw na nakit an nako nga gidrivban sa mga lalaki ang motor ni Iya.
Walay pagduhaduha ako kining gi sundan ug gitawag ang uban pulis. Nagsearch mig ayo sa lugar ug naa mi nakita nga pwede makuha as ebedensya pero maskin anino, wala japon nako nakita akong uyab. Ayha rami naghunong ug search tung nag ulan na. Tan awa, bisag ang langit gahilak run.
Pila pud ka adlaw nag sige japon ug search ang mga kapulisan sa lugar kung asa nahitabo ang pagpusil. Walay hunong japon ang kuya ni Iya ug pangita sa iyaha, ug ako? Naa ko run sa balay ug namasin lang ug mouli si Iya. May nalang pag uli niya naa rako. Pagmakauli siya ako agad iyang makita.
"Don't touch me!!!" Nakurat ko kay nakadungog kog tingug sa gawas. "Kuya! Ayaw na lage ba! Uli nata!" Dalidali kog gawas ug nakita nako sa bintana si Iyan ug isa ka igsuon ni Iya, si Ivan. Maklaro nako na hubog si Iyan. Nanasad ta ani. Murag ika-lima na ni niya gibuhat sa akoa where mahubog siya daw magsulong dri sa akong balay.
"Santiago!!! Abrihi ni! SANTIAGO!" Gi abrihan nako ang puertahan ug usa ka kumo ang ni bungad sa akoa.
Wala ko ka balance ug deritso ko nakalingkud sa salog. Iya pa unta kung gambahan pero gipugngan syang Ivan. "Tungod gyud saimuha ning tanan! Kung gibulagan lang nimo akong manghud, di ni mahitabo!" Gapugson niya na makawala sa pagpugong ni Ivan arun iya kung mabun-og. Ambot ba, wala koy maingun kay naa sad syay point. Naghilak nalang ko sailang atubangan ug wala na sila balibaliha.
