بقلم الكاتبه عشعش ال حمدان
باذن الله نبدأ البارت
. . . . . . . . . . . . . .
اخل بابل
عشق/كملت دربي ووصلت للصيدليه اشتريت بس حب وجع راس لان فلوسي ماتجيب هذاك العلاج الزين المهم اجت ايام وراحت ايامم المهم بيت صديقتي امجاد جان قريب على بيتنا
بعد شهر ونص
عشق/طلعت من البيت حتى اروح لامجاد المهم دكيت الباب طلعتلي شبكتها لان اسبوع مشايفتها قدمتلي عصير وكيك
امجاد/اي عيني ست عشق شلونج
عشق/والله مثل لونج الحمدالله انتي شلونج اخبارج
امجاد/عوفج مني منو هذا الي صاحلج آخر يوم امتحانات ها(تحجي وتغمز)
عشق/(بتوتر)هاا رجال ما اعرفه اي ما اعرفه
امجاد/متعرفي عليه عشق تكدرين تقشمرين عل كل اله اني بابا اني عاجنتج وخابزتج تحجين صدك بعدين متعرفي ويصيحلج باسمج
عشق/على كيفج امجاد اكلتيني بكشوري انطيني فرصه احجي
امجاد/احجي
عشق/باعي حجيتلج من اخوي راد يقتلني وصلنه للجزء المهم ودك الجرس مال مدرسه مالحكت اكملج وين وصلت
امجاد/من اخوج راد يضربج وطبكت بصفكم سيارة
عشق/اي رحم الله والديج منو صاحب السيارة الرجال الي صاحني لزم اخوي وكتله وطلع حركت كلبي وصلني بطريقه طلع عنده تفتيش بالمدرسة مالتنه تمام وصاحني حته يسئل شلون رح ارجع للبيت وخلص
امجاد/الصراحه هو كلش مرتب
عشق/اصلا يلعب النفس وكلش سئيل شفتي اصلا شطوله عيع
امجاد/اصلا ميلوك للرجال بس الطول
عشق/يابا دطيري وكفت يمه طلعنه جنه رقم عشره
امجاد/هههههه صخام بكصتج
عشق/يلا اني حروح اذا تأخرت يشعلون شيب ابوي
امجاد/خلي يشعلو يطبه ستين مرض
عشق/هيوو هيوو تره بيقى ابوي
امجاد/يلا انلصمي وادعبلي ولاتكطعين بيه
عشق/الله كريم
رجعت للبيت جانت الدنيا عصر صليت وصار العشه كملوا وغسلت المواعين اصلا صرت كلش متعوده يعني عل سريع اكمله كملت ورحت للمخزن صارت الساعه بال١٢ ما اكدر انام شسوي طلعت للحديقه واحس گلبي كلش يوجعني ومختنكه ضليت فتره بالحديقه ومگدت وگمت ابجي واشهك وابجي بكل حرگه مدري ليش وگلبي يدگ بسرعه والوجع زاد لدرجه وبعد ما احس على نفسي والضلام احتاجني گعدت لگيت روحي بغرفه المستشفى اخوي گاعد يمي عل كرسي ويبجي عشق/اخخ شكوو شبيك تبجي اسلام شصاير
اسلام/ابوج مات مات عشق
عشق/الصدمه كلش جبيرة ضلت بس عيوني تجري دموع بدون اي رده فعل صح هوه مسوالي شي حلو بحياتي بس يبقى ابوي ضليت ابجي اخوي رجعني للبيت لگيته مگلوب گلاب امه لا الاه الى الله موجودين حرفياً حتى اكو نسوان اول مرة اشوفهن بحياتي بقيت بس ابجي رحت يم امي كعدت بالضيم كل ساعه وجايه وحده جاي تبوس شگن خدي شك وامي
نجمه/يبوووو راح عزيز روحي راحح راححح الغالي صخام بوجهي سوده بوجهي لو اني رايحه ولاهوة تعزيتي وتلطمتي ينجمه الله ياخذني والحگه (وتلطم)يمااا راح الغالي يمهه وين اولي انيي وينن
عشق/خلصت الفاتحه وبيوم الاربعين رحنه للنجف حتى نزور ابوي صح احنه سنه بس ماكو فرق سنه شيعه كلنه اخوان المهم وصلنه للسيطرة يردون الهويه واني صافنه بغير عالم
اسلام/هيو هيو عيني عشق الهويه وين رحتي
عشق/هاا هاك خويه
اشو باوعت للضابط ورا اكو جندي هاذا الجندي باقي صافن عليه عينه كلش زايغه المهم وصلنه ورحنه گبل للمقبرة لقبر ابوي گعدوا وحجوا ويا بس صارت عبرة بگلبي من امي حچت لابوي عل كل الى اني المهم لان امي شيعيه كالت تريد تروح تزور ضريح ل
الامام علي ابن ابي طالب زارت ورجعنه لبابل وكملنه عادي بس بين فتره وفترة يخطر الداهيه على فكري وگبل اغير تفكيري
