"ملك الموت"

احذر

تبدأ قصتنا في حي متوسطاً كانت هناك عائله مكونه من 4 افراد الام والاب وفتاتين فقالت الام سعاد: يلا عشان الفطار جهز وتروحو الشغل
فقال الاب محمد: يلا يا حبايبي الفطار
روميساء: حاضر يا ماما جايه اهو هصحي تالي
تمام يا حبيبتي متتأخريش بس وكانت هذه كلمات الام
دخلت روميساء غرفه تاليا حتي تيقظها
يلا اصحي يا رمضان اصحي غلبتني معاك وكانت هذه كلمات روميساء
فقالت تاليا: انا جالي الجاموث
روميساء بعدم فهم: جاموث اي مش كانت جاموسه يا تالي يا حبيبتي
تاليا وأدركت ما تقوله قصدي الجاثوم
روميساء بفهم اه اه طب يلا عشان الفطار ولما نروح الشغل احكيلي
ذهبت الفتاتان للإفطار فقابلا الام فقالوا الاثنين
صباح الخير يا سوسو
فقالت الام بضحك يلا يا مجانين افطرو
ذهبوا جميعاً للإفطار فقال الاب اي يا بنات عاملين اي في الشغل
الحمدلله يا بابا وكانت هذه كلمات روميساء
فقالت تاليا بتمثيل اه يا بابا جتها نيله الي عايزه الشغل
فقال الاب بضحك بس يا بكاشه ويلا خلصي فطارك عشان عايزكم في موضوع مهم
روميساء انا وموضوع مهم لا دا شكل الحوار كبير احكي يا كبير واحنا بناكل
الاب لا يا حبيبتي خلصو اكلكم وهقولكم
تاليا تمام يا بابا
________________
ها اي خفيت الجثه؟
مجهول: ايوا يا باشا الجثه مش باين ملامحها عشان محدش يتعرف عليها
مجهول الثاني: طيب هاتلي قربان بس يكون لطفل صغير يكون في سن 10/9
المجهول: تمام يا باشا خلال الصبح الجثه هتكون موجوده
مجهول ثالث: اي يا شهاب خفيت الجثه؟
شهاب: ايوا وهجيب قربان تاني يا حسن بكره الصبح
حسن: تمام بس احذر احنا هنعمل الطقوس ونشوها شبه الي قبلها متكررش الغلطه
شهاب بضيق: اي يا حسن كانت غلطه وخلاص متقعدش تفتح السيره الزفت
حسن: تمام يا شهاب انا بنبه عليك بس عشان انت ساعات بتنسي
شهاب: خلاص امشي دلوقتي
.................
غيرت الفتاتين ملابسهم وذهبتا للأب فقالت تاليا بجديه: ها يا بابا كنت عايزنا
فقال الاب: ايوا يا حبيبتي حاولي تاخدي اجازه انتي واختك تلت تيام عشان هتزوري جدك
جج ججدو؟ وكانت هذه كلمات روميساء
الاب: ايوا يا روميساء في حاجه؟
فقالت تاليا بتسرع: لا يا بابا روميساء بس جدو وحشها وهي بقالها كتير مراحتش فا افتكرت انه هيزعل منها فا متخليهوش يزعل مننا يا بابا وقوله
الاب: تمام يا حبايبي
وذهبت الفتاتين للعمل
انتي عبيطه بجد عايزه تكشفي نفسك وانتي بسم الله ماشاء الله عليكِ مبتعرفيش تخبي حاجه هتقولي لابوكي اي اصل جدي شغال مع الجن ومسخر جن لخدمته ومفروض حد يورثه؟ ردي كانت هذه كلمات تاليا
روميساء برعب وبعض الدموع: تالي انتي عارفه اي الي حصلي هناك وعارفه انا ليه بترعب اقرب من عند جدك
تاليا وهي تضمها خلاص متزعليش انا اسفه بس انتي عارفه اي الي هيحصل لو حد عرف

_________________
انت ازاي متقوليش انكم جايين النهارده
محمد: اي يابابا هو انا لازم استأذن عشان ازور حضرتك
الجد: لا يا حبيبي بس عشان اجهز الغرف واعملكم اكل واجهزلكم كل حاجه
محمد: لا يا حبيبي متتعبش نفسك روميساء وتالي وسعاد هيعملوا كل حاجه بنفسهم
الجد: لا يا ابني انتم هتيجو من سفر وتعبانين خلاص اقفل دلوقتي اجهز الحاجات واتصل علي البت سميحه تيجي تنضف
تحدث طيف من وراء الجد وقال هل سوف تترك تاليا وروميساء هذه المره؟
الجد: مش عارف هعمل اي بس في حاجه في دماغي لازم انفذها عشان اعرف هما يعرفوا حاجه او لا
.................
عند شهاب قال حسن يلا الشغل لازم منتأخرش ونروح لجدك بليل
حسن: تمام انا هروح اهو اشرف علي الأراضي وانت تروح للحسابات تشوف باقيلنا كام هناك وتوديهم لجدك
شهاب: تمام يلا انا ماشي
___________________

ذهبت الفتاتان للعمل

انا تعبت والله امتي ربنا يتوب علينا بقا ونتجوز وكانت هذه كلمات تاليا
فقالت روميساء بضحك: ياختي اعملي حاجه لمستقبلك ياختي
تاليا بتعب: والله تعبت ومنهكه وعايزه اناااااااااااااام وبجد هموت وورانا سفر اتصلي بأمك تجهز الحاجه عقبال اما نروح
روميساء: مش مستنيه منك ياختي اتصلت عليها وقولتلها متخافيش ركزي في الشغل
انهمكت الفتاتين في العمل وبعد فتره ليست بقليله انتهو من العمل وذهبوا للبيت
الاب: انا حطيت الشنط في العربيه يلا انزلو انتم بس
روميساء: ماما جبتي الاكل صح؟
الام بضحك: ايوا يا حبيبتي انزلي ولما انزل هحطلك انتي واختك
_____________________________

انهم في الطريق الآن هل تريد أن افعل شئ اخر؟ وكانت هذه كلمات الطيف
فقال الجد: لا روح انت شوف هتعمل اي

.............................

لا تنسي أن تقرأ سوره الملك قبل النوم

دمتم سالمين❤️.