جيت من الشغل متاخر كنت تعبان اوي وزهقان قبل مدخل سمعت صوت اهات و ضحكات عالية الصوت ده مش غريب عليا دي مراتي بس بتضحك مع مين؟ حسيت ان الدم نشف بعروقي وبخطوات مترددة دخلت البيت ماشي على اوضة النوم وكانت الاصوات بتعلا وتوضح اكتر وبسرعة فتحت الباب واتسمرت بمكاني لما شفتها باحضان راجل غريب.
اسمي فتحي عندي 28 سنة الحلم المستحيل لكل بنات حارتي رغم وسامتي واناقتي بس كنت فقيرآ جدآ وعاطل عن العمل بس الحمدالله اتممت خطوبتي من البنت الي بحبها
صحبي لقالي شغلانتين الاولى بايع في بقاله
والتانية زواج التحليل يعني اي حد طلق مراته بالتلاتة وعايز يرجعلها بجيلي وبديني مبلغ اتجوز مراته وافضل معاها شهر وبعدين اطلقها بس بصراحة شغلة مش جايبه همها وفين وفين لما الاقي اتنين عايزين يرجع لبعض
بس في يوم جالي واحد اسمه مهند ومراته اسمها لبني باين عليه مليونير قلي انه غلط وطلق مراته بالتلاتة وعيزني اتجوزها وقبل متكلم معاه اترجاني اني اوافق
انا استغربت اوي واضح جدآ من تصرفاته ان محدش قبل يساعده.
قام طلع شيك وكتبلي نص مليون وبصراحة مبلغ زي ده حلم اي واحد عاطل زيي اخيرآ هقدر اعمل المشروع الي بحلم بيه.
تم الجواز ورحت مع مراته بشقة تاجير مؤقت مراته اسمها لبني ست جميلة جدآ وحلوة اوي انا معرفش ايه السبب الي خلاه يطلقها.
كنت بنام عالارض وهيا بتنام عالسرير ومكناش بنتكلم مع بعض كتير بس في يوم من الايام غيرت هدومي ورحت انام لقتها عاملة جو رومانسي جدآ شموع وبرفان ولابسه ملابس مثيرة كانت طالعة حلوة اوي للغاية انا متاكد لو كان حد غيري معاها كان وقع بالمحظور بس انا وعدت جوزها اني ملمسهاش اطلاقآ.
قلتلها ايه كل ده قالتلي نوع من التغير ايه مش عجبك
قلتلها وبمناسبة ايه بقا قلتلي انت هتستعبط
قامت ماسكاني وحاولت تبوسني قمت زقيتها وقلتلها انتي اتجننتي ولا ايه؟ انا وعدت جوزك اني ملمسكيش انا دلوقتي بس عرفت جوزك طلقك ليه قالتلي ملكش دعوة بحياتي الخاصة انت شغلك محلل وبس مش مرشد اجتماعي
قلتلها وانتي ملكيش دعوة بيا متقربيش نحيتي خالص انتي فاهمة
شلت المخدة وانا طالع قامت ندهتلي
