بين طيات الضحية والحبيب

البارت الأول

- فرحان داويت الغصن ، ثاري المرض بالشجرة .
________________
قبل 30سنة...
اتذكر الدنيا جانت تمطر واني احب المطر
ولج حنان : ها يممممة ولج دخلي لا تتمرضين وابوج يبقى يلوم بيه
حنان: طفولتي حلوة بوجود امي وابوي بعدهم حسيت ضعت بسبب نسوان اخواني بقت بالگلب الحجايات
عدا الوقت ومر الزمن وظلن يلجمن بيه لا كملت مدرستي ولا عشت طفولتي وتزوجت واني صغيره
________
حنان : ها يممة تعرفين اني اخاف عليج اريد احط راسي وانام مرتاحة من اشوفج كاعده عندج بيت ومستورة ماريد ارحل من الدنيا وتبقين هناا
حنان: يمه يا زواج اني عمري 13 ماريد جنت مجبورة شفت امي مامرتاحه
صح جان بعمري البنات مايعرفن يسون شي اني جنت اطبخ واعجن وانظف واخيط واطرز اعرف كلشي تعلمت من امي
واجه الوقت وشفت
_________
حكيم : جان شخصية حلوة وطول وهيبة ويبقى ابن عمي احنه ما عدنا اخذ الغريب وبت الغريب عدنا كلمن لأهله
مايروح لحمنا لغيرنه ومشت عادات وتقاليد ماتغيرت
شافني ومن رجع رجعوا خبر يريد يشوفني مامنتبه عليه
جان يريد يباوع عليه أكثر
_______
حنان: اني حلوة كل وحده كالت عندي وجانن عندي عيون بيضة وعيوني خضر وشعري كلش طويل احنه طلعنا على امنه بالشعر الطويل وكلنا معدلات ب شغل وترتيب ونظافة والشرف وكلها تحمد ب أخلاقنا تربيتنا
الدنيا بخير جانت والناس طيبة وكلها كرم وتعرف الأصول....
- المواسمّ تايهه بعمُري ، وخريفك عمُر ما يگضي.
بقت امي توصي بيه احترم بيت عمي وما اغلط ب حق أحد
اني رحت لعائلة كلش جبيرة ماعدهم بنات بس 2 ومتزوجات وعدهن بس  ولد
________
حماتي خديجة : متزوجة وزوجها استشهد بالحرب وبقت كاعده ربت ولدها وزوجتهم وشافت جهالهم
ونورية: متزوجة وجانت مريضة كلش وعدها 2 ولد
________
- يا ليّرة ذخرنة شبدلاك تراب ؟
خديجة/ عفت حنان تغسل بالاماعين ورحت  وخذت سهام وصلنا للصالون ومن طبينه سألتنه ام صالون  ياا جا خيه وين العروس؟! ضحكت ضحكة ههه عفتها تغسل الاماعين ياا وين اكو عروس تغسل الاماعين بيوم عرسها؟! خيه شبيج ام حيدر غير بت عمي هي جا غريبه هي بيتها صار ولجن ما صايره عروس بعرسها تنظف يا دسكتي تتعلم عمي الله يساعدها من هسه..
________
سهام: بقيت صافنه وهي تحجي وي خديجة وبالي مو يمهن بالي يم ابني صارله يومين ماكو
سهام (جنة خديجة مرت ابنها الجبير)
________
حنان: عبالي راح ارتاح طلعت من ضيم اهلي طبيت ب ضيم ثاني يمه مجان راح ارتاح ومامكتوبلي بس التعب
وردت سهام وخديجة : الوجوه من مكياج ماينعرف حاطات كلشي وما طلع ب وجه شوفه
ما خلني ارتب بس اخلي حمره وكحله وخلصنهه عليه انتي بيضه وعيونج خضر
خلصت كلشي ولبست بدله عرسي المنها بدا بيها كل تعبي وهمي ومر اليوم ونزفيت لابن عمي حكيم الما شايفته بس مرتين من رحت للفاتحه مال عمي ومن تقدملي
________
حكيم/يروح ١٥يوم ويرجعلي اسبوع من جبهة مرت الايام وراحت حبلت وجبت ولد مثل الورده مابي شيء بس تعبي لبيت عمي وتنظيف خلاني اعوف ابني بسببهن يحطله مي غريب وينام ابني كبر بس عقله وتفكيره مو شي نص لسان أخرس وتعبت ب تربيته وراها حبلت وجبت بنيه وبقيت بهل تعب انظف واطبخ ويخلص عمري ركض صارن عندي 5بنات مو العمر بسرعه مشى وكثر همي وحملهن ثكل عليه علمود الولد حبلت ب توأم وب حادث  ومشكلة وي حكيم مات طفل بطني وثاني عاش رضا مشت الايام وگونت ولميت وامي اشترتلي شقة محد يعرف بيها وسجلتهه ب اسمي گالتلي يمه
حنان انتي عندج بنات ومشوارهن طويل يا يمة وصدك مرت الايام لميت العندي وبعت الشقه وطلعت بيت وعزلت الحمدلله كلت بلكت يعقل حكيم ويبطل سوالفه زاد ما نقص يكتل ويضرب ويطرد لااكدر ارد لأهلي وضيم اخواني ونسوانهم ولا اعوف بناتي اني ماكملت دراسه بسبب اخوي الجبير يشك واني جنت حلوة بطلني ومرته تغار شلون اروح للمدرسه ومااكدر  جنت اقري بناتي جنت اخيط والف كبه وسويت كلشي حتى اوصلهن...
_________
مشت السنين وما اجاني خبر اله هد حيلي هد مرض بتي الوسطانية /سرطان الدماغ وياها بدا التعب والركض جنت ماعرف اسوي شيء ومن وراها تعلمت كلشي الابر وكلشي بتي راحت من ايدي بسرعه نكسر حيلي وراها وعفت المنطقه وبعت البيت وكل غراضي وشلت لبغداد كلت يم اهلي بلكت أكدر انسه واعيش وحكيم يعتمد ع نفسه ويعوف كلشي تالي شحصلت بس التعب والشكا....
_______
نكبر وننسه؟
وكبرنه وما نسينه
تالي حتا اهل المثل ضحكو علينه!؟
_______
.... ومرت الايام وبناتي كبرن وابني هم جان رضا مدلل عليهن مخليته ب مرتبه الأولى بعد صار بعد تعب دلللته هواية حكيم مااتغير بس صار بمرحلة العمر اله حوبة وكبر لا اله خلك لنفسسه ولا المشاكل بس ما بطل من سوالفه العياط وميعجبه شيء تحملت لخاطر بناتي بلكت تجي قسمتهن ويرحن بعت كلشي العندي حتى يكملن دراستهن....
________
ميلاد :يمه بيت ام ابراهيم جايين ع نارين وانتي تعرفيهم وخوش قسمه امي اشوف ابوج ونرد الهم خبر
________
اجتني ميلاد /اكلج نارين بعد لازم تتزوجين شعندج ظاله وخوش ناس قنعني واني لاخر لحظه ما مقتنعه اني طالبه اعداديه ودا اروح بدربي وارجع بدربي وما اشوف اله مشت الأمور بدون موافقه مني غصب صار واجبار كلت بلكت احبه انخطبت اله ومشت الأمور طبيعيه بعدين بين وليد ماما تورطت بي وعشت وي اخواته وحده منهن مطلكة وثانيه ما متزوجة معنسه جبيره كلش يغارن عليه عبالك مو اخوهن وهو ماعنده شخصيه طلع فد يوم من الايام اني جاي اصلي واسمع عمتي ولج ناررررين وينج طلعتي حيه من رأس تبن من كلج تسوين هيج فزعت وكمت من مكاني ها عمه شكو انتي سوين نفسج خيره تروحين دكليله اريد اخذ راحتي ماكدر كتلهه عمه صبري بس خلي افهمج مانطتني مجال وكالعاده اجاني مدفوع وضربني وكلي متبقين بعد يمي ماريدج كلي اختي متتعوض انتي تتعوضين وهنا اخذت صفنه هذا شخص ميتساهل اكمل ويا بدلت وكوا خلاني البس شي كلي طلعي مثل مااجيتي سحلني لبست ملابس اختي مقبل اخذ من ملابس العندي واجيت لبيت اهلي وصارت هوسه وطلكت ومنا بدأت أخطائي وكل معاناتي..
_________
نارين : رجعت لبيت أهلي يمكن صح ما بجيت ومن اطلگت هلهلت ما دمعت عيني وبقيت وبينت اني فرحانة وخلصت من عدهم لان ما شفت شيء عدهم تعبت نفسيتي يتحكمون بكلشي وتدخلات وبس انظف وغيره من حمواتي وهو عربانة بلا شخصية ونظلمت وياا...
الگلت ميخيب بيهم مرة ظني شفت منهم سوالف مرضني!!
.......
مرت الايام اني من نخطبت اله جنت طالبه ونجحت بس تركت لان ماخلاني اكمل وافق على شروط اي اخليها تدرس وبعدين كسروا بيه ومخلوني اكمل
قررت ارجع لمدرستي واكمل حتى اتخرج جان همي اشوفهم اني نجحت بحياتي وما خسرت شيء لكن العكس
اخر فتره بحياتي تعبت نفسياً من ضغوط وملامة انتي بسببج ومتعرفين تتصرفين وصرت اتعير بالبداية نلگا كل الناس الي ساندتنا ب محنة ودگت صدر بالوكفة وراها نلگا نفسنا بنص طريق مظلم موحش تعتلي العثرات الحسرة أكبر كسرة مرت بيه الضغط والحجي الجنت اسمعه من اهلي
وامي وابوي واخواتي مرات مهما كان يبقى الشخص عباره عن احساس اككيد يتأثر
______
ومرت الايام واني اقرا وجبت كتب وملازم وشديت العزم انو لازم أنجح واشد حيلي وكلت بلكت أكدر  انجح واوصل والله يوفقني واتخرج
________
نارين /فد يوم جنت طالعه وي امي اني هواية انخطبت بعد طلاگي بس مجنت مقتنعه ارجع ازوج اله شخص يحبني واحبه ف لاگينة واحد امي تعرفه خوش ولد من منطقتنه القديمة يساعد وحباب حسيته جان ويا احد عاكد الحواجب وما عاجبه الوضع لمحني بطرف عينه حسيت بشعور مدري خوف مدري حرت ششلون اوصف شعوري بلحظتهه مامرن عيونه حاله حال الناس هذا الجان كاسر كل القواعد بحياتي الخليتهه سلمنه واصر اله يوصلنة ما قبلت امي بس بعد ملحة هواية صعدنا وصلنه ظل بالي أثر عيونة ونظرته الحاده واني اعرف انو هو حاط عيونه عليه بس مجنت اعرف شيصير منه من خلال الحديث بين هو اخو
من يمي خفت كلت هذا مبين واحد عصبي واني بعد المر بحياتي اكيد مراح اتقرب لهيج ناس وجنت اجذب على روححي وماشيتها وهو اثنينهم مبين نفس شعور بس اني ما مركزة ب ازهر بكد ما ركزت ب اخو الي ما انطه مجال مبين شخص مكسور من داخله شعوري الما راح مني خلاني اتصرف هل تصرف....
ورجعنه اني وامي بس بالي وين يم عيونه ونظرته البحة الگالت / ادللي تأمرين أمر خاله مبين من شخصيته ب الأمن ب دولة لا شكله ولا طولة يبين شخص عادي اكو فرق بين وبين ازهر بس هو يختلف ازهر نسونجي متزوج ويعلق ويتغزل غزل سطحي... عفت بس بالي وين كلت خلي ادور عليه...
دخلت لحساب ازهر من فيس مسوي ظهور ب الأصدقاء.. وادور مسوي تاكات لبعض ب صفحة دخلت عليه..
جنت قاصده اخلي بالي ويتعلق بس مجنت اعرف هو شمر عليه واني كملتها... ماعرف غرور ردت اكسر خشمه لو جان إعجاب المهم
ودخلت خاص وكتبتله خاف عبالك الناس من طين وانت من ذهب كلنا نفس الطينه ومسحتها جنت خايفه وجريئة مدري شسويت بروحي
ورا ساعتين مر وقت وجان يرد عليه
اذا انت ما واثق من روحك ليش دزلي ولو اعرف منين اجيتني بس هلا بيك كول أأمر بيش اساعدك
الرساله اخذت عليها صفنه ويطلع يمه جاي اشوف خفت أكله اني فلانة ويحجي ل ازهر وتوصل لامي واني ماعندي موبايل وخفت ارد وبعدين ابوي يصيح ع تلفون ومااكدر كتله شدخلك انته ب الغلط باي وخليته ب أرشيف وطفيت نت واسمع صوت جواااا
_________
لارررررين وين خرااا اسمعها دكللهه يمه اني شعليه جاي اقرا شوفي نارين وين وجان صاحت اني جم مرة كتلجن الخرا لا تلزمنه وجان ابوي كال اني موكتلج مايصعد جهازج حنان فوك كلتله شسوي مللني بناتك ابوي تلفون فوك مايصعد بعد فتهمتي كتله اي بابا ونطيته لأمي واني اسمع صوتهم ورزايل مستمره...
صعدت واني اكول إلى متى ابقه هيج شكبرني وصار شكد من نفصلت ماعندي تلفون مثل بنات جا وحد عن خلك ياربي شكاتبلي بعد حتى اشوف َمر الوقت واني بالي يمه
مدري انزل اخذ تلفون بس ينام ابويه مدري اكعد واستر ع روحي بليلتهه حسيت أريده لازم احجي ويا ماعرف شريد منه بالضبط...
نزلت وتأكدت ابوي وامي نايمين كلت لارين راقبي كلتلي نارين ستري علينه ابوي مايرحم اذا لكفج
______
نارين: كتلهه نجبي صغيره اني قابل بوقتها جانت بان وليال وليان نايمات لان كلهن دوامهم صباحي بس اني ولارين ظهري أخذته ولكيته دزالي ما عايز عطلات اذا جنت تعرفني احجي.. كلت بگلبي شكد مغرور على شنو
جاسر: معقولة هي لااا يمكن هي بوية لو طلعت هي عيد وجابه العباس وين تروحين تاليتج. اجيبج وكل حرف كلته صار وياي بس العكس صار مني الها اني الما جنت احسب حساب لهيج صارت هي كلشي
بعد كسرتي ب زينة عفت النسوان حبيتها 8سنين وتالي خانتني وكسرت ظهري عفت كلشي علمودها وتالي عافتني
نارين /شوف اني ماأحب اجذب على احد بس اخاف احجيلك وتروح تحجي
كتبتهه وحاطة أيدي على گلبي لحظتها مدري اني القوية مدري اني الي اطيح روحي ب طركاعة... رد عليه وكتب
____
جاسر: شفتي مني وكلتي اخاف وليش الزلمة يسوي سوالف نسوان ب قال والقيل اني غير عن الي سمعتي بيهم بحياتج نكسرت مرة بس ما اكسر شخص بمر عليه كولي منو؟!!!
_____
نارين : اني فلانة بت سيد حكيم يابه هلااا وكل الهلا ما يحتاج ادزلج ورود انتي احلى وردة
_____
نارين :اي دير بالك خاف اجرحك يطيب اذا منج كتله؛.. شو عايش اللحظة انت شني تعرفني اعرفك
_____
جاسر: اخاف اكلج ودكولين جذاب كول ونشوف اذا مبالغ بيها اكلك واذا لا طبيعيه اكلك اي
وحگ من خلق كلشي بهل الأرض ظليتي بالي واني ما التفت النسوان صارلي ٤سنين كرهتن كلهن
______
نارين: ايبااااا ظليت بالك كتلي عاد بالك بال ازهر وياريت ما جبت طاريي ازهر عصب كلش ليش شعندج ويااا ومنين ومدري شنو كتله تره اني دخلت من حسابه ولكيتك
______
جاسر :هااا كتيلي من حسابه اي وبعد اكلك تعال شنو انته تحاسبني مثلا بكيفي
_____
نارين: اني جنت شخصيه غير عن شخصية جاسر اني عنودية وماعرف اتصرف طايشة تغيرت بسبب انفصالي وصديقات سوء حتى الفاظي وكل كلماتي تغيرت من اكعد وي لارين كلها تلاحظ علينه انو ما نتشابه حتى بالكلام والاسلوب..
______
جاسر :  اكول ب گلبي منين طلعتي انتي جانت ناقصة وكملت ب شلعان الگلب... - يا مَجرى الشمس گلي ضواك شگد ؟
______
نارين : خلي اروح انام بعدين اكمل وياك تحقيق وتفاصيل اتمنه نهاية سعيده وتخطبني رد بس لحظتها جان الرد غير متوقع ولا على بالي اني احجي واجفص ب الحجي تعودت بس لأن فطيرة ما الاحظ جان يگول..
______
جاسر: هو تاليتج اليه وين تروحين اني مثل ظلج بعد كلمته هزت گلبي هز وخوفتني كلش مدري لازم احسب حساب وابتعد مدري ورطت روححي ويا..
- تالي طبگو بابهم وبنـار فشلتنه انچوينه..