قناص بغداد ( مهمة وطن )

المُـهمة الثلاثون

#قناص_بغداد(مُهمة_وطن)

البارت الثلاثون

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

اباب گلبك كون أموت ..
هناك جنّه
حبني ياأول محطّات المحنّه

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي ...

شهگت بعصبية وحطيت أيدي على حلگي
-الـجـازي: صخام يعني شنهي ولچ كتله خلاص موته لو هيچ طگ

گالت ودموعها تنزل
-هَـمم: لو كاتله اموته أحسن من هاي الحالة الي شوفنياها بالمستشفى مكسورة أيده والأيد الثانية أصابع إثنين كاسرهم وثلاث خياطات برأسه وخشمه ينزف وجهة ما ينشاف عبارة عن زراگ الجازي ثائر مايسكت الله أعلم شراح يصير والله مايسكت

گلت الها بصدمة أحس عقلي مايستوعب
-الـجـازي: مستحيل هَـمم ديوان ماعنده هيچ طبع عدواني ويضرب وأحد يتعدى عليه ديوان مو همجي

باوعتلي بستهزاء
-هَـمم: لعد بعدچ ماتعرفين ديوان عدل ديوان ويانه مثقف و واعي برا ينگلب غير شخص وخاصة إذا واحد تخطه الخطوط الحمر بحياة ديوان راح يصير بي أكثر من ثائر ديوان يسوي ايَّ شي في سبيل محد يطلع من جوه جناحة

ظليت اعاين عليها متفاجئة همست
-الـجـازي: يعني شلون فهميني

گالت بقلة حيله وهي تريد تطمن على ثائر عينها بتليفونها
-هَـمم: يعني كلشي يسوي كلشي يخطر على بالچ و أشياء متتخيلها لا تتوقعين ديوان بس هيچ عنده جانب مختلف محد يعرفه ومحد أصلا يريد يعرفه نظام الدكتاتورية أرحم منه

اجه بالي السبب الي زوجت بي ديوان بس هسه انه احبة مو علمود الثأر انه ويا كلشي اختلف هسه صرت احبه من كل گلبي ومستحيل افرط بي لو انه علمود الثأر چان هسه عفته خلص أوراق أبوي وعندي بس لا انه احب ديوان واموتن عليه هم

شفتها رفعت التليفون حطته على اذنها ونزلت دموعها الصوت چان عالي أكدر أسمع

-ثـائـر: اششش احبچ عادي الخاطرچ كلشي يهون انا بس اطلع من المستشفى اخطبچ من أبوچ هالمرة مستقتل عليچ هَممي

شهگت حيل وگالت بانهيار
-هَـمم: مستحيل بعد ماريد ثائر أهلي مستحيل ينطوك خلص شوف حياتك بعيد عني راح تلكه الأحسن مني ماريدك تتأذه روحي توجعني عليك

صاح صوته عالي
-ثـائـر: اسكتي شجاي تحچين مستحيل أتركچ بعد هذا كله انا اعترفت بنفسي مريض واتعالج وماظل دكتور نفسي ما تعالجت يمه بس حتى اكون استحقچ وأخير شي تكولين اتركچ مستحيل انا احبچ أنتِ ليش متفهمين عليه