#حـب لـم يكـن بـالحسبان
بقلم :شيراز ـ زهرهُ ♥
حَتى المَحطَة البيّها أناطرّ شوفِتَك ، مَلّت .
ــــٓــــــٓــــــٓــــــٓــــــٓــــــٓــــــٓــــــٓ
رهف ـ دخلت للبيت و سديت الباب بوجها دخلت لغرفتي ذبيت العبايه و الشال و اتمددت ع الجربايـه افكر بكلامه و اردد كل جملـه كالها اتعلكت براسي هلجملـه
ـ تلـوگلـج البرائه و تلوگلج الحَنيـه ..!
اتنهدت و عدلت گعدتي و ذاكرتي تسترجع كُلشي .. كُلشي وصلني لهاي المرحله الي خلاني اتضاهر بانُ انا انسـانه مااعندي مشاعر لدرجة وصلت مرحلـه احس صدك خلاص فقدت مشاعري مااحس بشيء ماعندي شعور اتجاه كُلشي و هلشي متعبني هوااايي!!
بس ماادري شسويي انتفضت من افكاري رحت سبحت و هاي عادتي كل مااضوج اروح اسبح طلعت من الحمام لبست دشداشه قصيرة خليت شعري مفتوح خليت عطري المُفضل شغلت اغنية و كعدت اسمع و ارتب بالمكياج انتبهت للساعه صارت بـ11 و نص سحبت جهازي طلعت حسابه ع الانستا و بدون شعور اتصلت عليـه اجاني صـوته
ـ هـلا بالماينمل
ـ راكان
راكان ـ عيونه
ـ شلون ارجع لـ نفسي؟ شلون ارجع لـ طبيعتي احس مستحيل اكدر ؟
راكان ـ ماكو شي مستحيل و انتِ عندج اراده
رهف ـ شسوي!
راكان ـ حاولي كل الي تسويه حاولي لا تتقيدين ارجعي لـ طبيعتج احجي بطبيعتج اتعاملي بطبيعتج
رهف ـ صعب؟
راكان ـ ابد.
رهف ـ احس مااكدر ماادري راكان انا ضاايعه احس مااكدر اسوي شي ماادري مااادري كل الاكدر اگولـه تايهة مااكو غير كلمة تشرح الانا بيه اكثر من هلكلمة
راكان ـ رهف
رهف ـ ها
راكان ـ ملتزمة بصلاتج!
رهف ـ لا
بس مو بيدي و الله يعني دائما احاول التزم بس فجأه الكة نفسي تاركتها
راكان ـ شنو الي يمنعج
رهف ـ مااعرف
راكان ـ انتِ قريبـه من رب العالمين؟
رهف ـ لا
راكان ـ ليش، لتخلين ملجئج صديق و شخص مقرب و اهل و دفتر؟ خلي ربـچ اقرب شخص الچ هو ممحتاجج انتِ محتاجته. الي يوكع بمصيبه خلي يلتجئ لـ الله قبل الكُل الي يحس نفسه ضايع و تايـه لا يلتجئ لـ اغنية و لا يلتجئ لـ فراش مـدي السجادة و الزمي القـرآن خليهن ملاذج بهلدنيا خسـران بحيـاته الي يخلصها و هو مبتعد عن ربـه ترا رب العالمين قريب منه بـس احنة الي نحدد نقترب منه اكثر لو نسلك غير طـريق و نبتعد .
اندمجت بكلامه و هدوئه و دموعي تجري وقفني سـؤاله
ـ رهف بالله عليج كم مرة ﭼـنتي كاعده و فجأه اجت ع بالج الصلاة و ماكمتي و صليتي؟
رهف ـ اي راكان هوااي تصير
راكان ـ بكل مرة تصير هاي رب العالميـن الي جاي يناديج رب العالمين الي يريد يرجعج للطريق الصح و انتِ التبتعدين و تخيبينه رغم هو يستحي يخيبج بكل مرة تطلبينه و تدعينه مايردج فارغه رهف هسة احنه لو صار ويـانه موقف صغير مثلا نمشي بالشارع مامنتبهين و تجي سيارة و فجأه يجي شخص ينبهج و تبتعدين عن السيارة و انتِ عن الموت شعره ،
YOU ARE READING
حب لـم يكـن بـالحسبان
General Fictionحينما تلتقي الأعيـن يحدث مالم يكن بالحسبان ويكف القـلب عن الحديث ويبدأ كل شي حينها . صديقَتيـــــن منذُ الطفـــوله تــربطــهم قــرابة دم... تربيا في بيـوتً يمـلئـﮫـا الحب والأمان عاشنَ طفــــولة سعيده بين حنان الأم وأمان الأب في وسط عائله سعيده...
