حسن...
كعدت الصبح الساعه 6دحجت عله مكانه ماكو شفته
تحضّر ملابسي وتخليهن ع تخم هاي شلون وياها
شافتني بتسمت بوجهي اخذت ملابسي ورحت الحمام
شويه وطلعت شفته ماكو ماهمني تعطرت وشلت جنطتي ونزلت شفته تخلي الريوك ع ميز الطعام وامي يمه رحت بست راس امي
حسن: صباح الخير يمه
شيخة: صباح النور اكعد سجى مسويتلك ريوك
حسن: اي
كعدت وهيه جيب وتحط جدامي اكنه كملت رحت عله امي بست راسها
حسن: يله يمة ثيملا
شيخة: الله وياك يروحي ديربالك عليه نفسك سجى اطلعي ويا الباب
لبست شاله وطلعت وياي شالت الجنطه فتح باب السياره هي خلت الجنطة الي وره اني رحت فتحت الباب البيت البره محد ماكو بشارع رجعت اله قبل لا افتح الباب السياره كتله ثيملا الزمت ايدي
سجى: الله وياك اتصل عليه من توصل فدوة
حضنتي وذكرتني بسارة من جانت توصي بيه وتحضن ما فشلته شويه وخرت مني دحجت عليه
سجى: حته لو متحبني حبي الك كافي ديربالك عليه نفسك تروح وترجع بالسلامه
فتحت الباب صعدت نزلت الجامة كتله فوتي جوه راحت كبل المطبخ وطلعت بيده طاست مي اني شغلت السياره وطلعت من البيت نزلت علمود اسد الباب شفته جتي عليه سديت الباب خليت بس واحد مفتوح
حسن: هاا شو جيتي
سجى: لا بس اريد اجب وراك مي حته ترجع
ختلت وره الباب اني صعدت السياره وشغلته شويه مشيت شفته من الجامه جبت المي وراي وطبت وسدت الباب مشيت الدوامي
سجى.....
راح الله وياه طبيت البيت شفت عمتي كاعده بصاله اني شلت المواعين ورحت المطبخ خسلتهن ورتبتهن
رحت يم عمتي
شيخة: هاا يمة راح حسن
سجى: اي عمه راح
شيخة: الله وياه إن شاءلله بنيتي روحي رتاحي ناميلج شويه بعد كله تكعد ب 8 روحي يمه اني راح اصلي وقره قران
سجى: ماشي عمه
رحت الغرفتنه ذبيت الشال كبل رحت المكانه اشتم بمخته اخخ ريحته موتني نمت مكانه مادري شلون راح انام اليوم فدوة لكلبك حبيبي
حسن...
وصلت الدوامي تلكاني نمر صديقي سلمت عليه وسلمت عله الباقين دخلت جوه شفت الامر موجود ضربت تحيه اله هو مصدم من شافني
حسن: شلونك سيدي
الامر: حسن انته شلون نجي اني مو نطيتك اجازة ليش جيت
حسن: سيدي ماكدر اضل بالبيت فكلت اجي الواجبي
اسف سيدي اذا زعلت من جيتي
الامر: لعد ترجع السبوع الجاي
أنت تقرأ
حلمٌ وتَحقق
General Fiction- أبني حسن خما تبقى هيج، لا تعذب نفسك تزوج و أخلص، هذا قدرها و الله أخذ أمانته منها - يمة أني ما أزوج أي وحده بعد المرحومة، لا تجبريني على شيء ما اريدة - أبني إذا ما تتزوج راح اظل غاضبة عليك ليوم الدين - بس يمة - اني كلت الي عندي ~~ بنات أول مر...
