عٌيَوٌنِجّ جّنِ وٌطِنِ وٌبًلَآدٍ
وٌنِضرآتٌجّ سِوٌآلَفُ بًغُدٍآدٍ ✨
.............
رواسي:
فتحت عيوني جسمي متكسر وعيوني تأذيني وكفت اريد اروح للحمام عرجت بمشيتي
باوعت لروحي بالمرايه نازل دم من خشمي ومتجمد نزلت راسي عل مغسله وغسلت وجهي وخشمي طلعت شهكه من حلكي وبعدها دموعي كامت تنزل
صفنت على نفسي بالمرايه همست: ماچان حلم رواسي ماجان كابوس الصار كله حقيقه
نشفت وجهي وطلعت عيوني صارت على مكان الحادثه والمزهريه المكلوبه بالكاع فزيت من سمعت صوت الباب
لميت شعري وطلعت صحت من ورا الباب: منو؟
اجه صوته الهادئ الي خله كلبي يدخل بضجيج: انه رواسي
فتحت الباب واشهك بالبچي شمرت روحي بحضنه حسيت بي تشنج طلقت صرخاتي وبكائي بضلوعه دكات كلبه تضرب براسي كد ما سريعه
سيف علي: رواسي ابوي شمالج شووو شوو رفعي راسج خل اعاين بوجهج
رفعت راسي وشفايفي ترجف: ع عليي ع علي لو تدري شصااار بيه
سيف علي: هش اهدي ياروح علي روحي بدلي حتى نروح لمكان عام وسولفيلي مااكدر ادخل للبيت
هزيت راسي ودخلت سريع للبيت لبست الصايه على ملابسي وطلعت مشينا سوه ومخليته يصعد للسياره لان ردت اشتم هوه
سيف علي: سولفيلي شبيج؟
كعدت عل مسطبه بالشارع وهو بصفي بيناتنا مسافه
باوعت بعيونه وصعبت عليه كلماتي: ش شون اكلك؟ شكلك حروفي عاجزه تطلع
سيف علي: رواسي لتخوفين كلبي شبيج شجرالج؟
رجفت شفايفي: ز زياد راد يعتدي عليه
توسعت عيونه وحلكه انفتح حجه بصوت مبهوت مامستوعب: ش شنو؟
نزلت راسي ودموعي توكع بحضني: ا اي ر راد ياخذ شرفي تخيل علي؟ اخويه تدنه نفسه عليه؟ وين صااايره وين عايشين احنا لحد هسه مامستوعبه ومتمنيه كل الصار كابوس واصحه منه
سيف علي: شحَـسيـتي؟
رواسي: متمنيه اموت ولا اعيش بهيج دنيا حقيره هسه عرفت مقصد إيليا من جان يكلي وين اضمج من هالوحوش كل هالناس وحوش وتريد تنهش بيه ليش؟
سيف علي: يومين امهليني بس يومين
رواسي: شتسوي؟
سيف علي: اخذ حقج
رواسي: تأذي؟
سيف علي: خايفه عليه؟
هزيت راسي وشهكت: مدااكدر اكره كلما اتذكر هوَ اخووويه كلبي يحن عليه مدررري ليش
سيف علي: شهالحِـنيه؟ گـلبچ مـثل ثـياب اهـلنا مشگـگ وشـايل مَـحَـنه
ابتسمت بحزن : شسوي؟ مو بأايدي علي اني احس نفسي تايهه إيليا عافني عاافني بنص الطريق
سيف علي: انه ما عايفج، رواسي
باوعت عليه: ها؟
سيف علي: ادري وضعچ صعب وماردت احجي هالشي بس انتِ عايشه ويا واحد حيوان مو إنسان ليش منتزوج؟ اطلعي من يمه يوم عن يوم جاي يطغى اكثر
أنت تقرأ
قلائد النار
Romanceاحـدثـكِ عَـن شُـعـوريّ عِـنـدَمـا ارىٰ عَـينـيـكِ؟ عَـيـنيـكِ عِـنـدمـا اراهُـمـا ارىٰ اروَع مَـا خَـلـق الـلـه فـيـهـا ...عَـينـيـكِ دِجـلَـة وأنـا الفُـرات ...لِـنَـلـتقـي مَـره اخـرىٰ لـكـي نُـكَـون شَــط الـعَـرب! عَـيـنـيكِ عِـراق وأنـا ... أ...
