قاعدة فجنينة دارهم تشم فلهوا و مطلعة راسها تشوف لسما وتتخايل روحها عايشة عيشة خير ملي راهي فيها تتفكر معاناتها من نهار اللول لي جات فيه لهاد الدار و تتمنى تكون كيف كامل البنات عايشة تحت سقف مع والديها الحقانيين .
ميار طفلة شابة بزاف جمال رباني لي يشوفها يغير من زينها بنت بشرتها بيضة كي الثلج عينيها و شعرها كي سواد الليل خدورها و شواربها غوز من عند ربي و الحاجة لي زايده فيها ابنص هي لاطاي تعها المنحوتة معمرة فلبلايص اللازمين هي طفلة يتيمة عاشت ربع سنين فلميتم حطوها والديها حدا باب الميتم مولات 15يوم و في رقبتها سنسلة فيها 3 احرف متلاصقين*MHR* داوها عايلة مقدم متكونة من اب و ام عزيز و حورية و بنتهم رحمة كبيرة على ميار ب 3 سنين و عطاوها اسمهم كانو متهليين فيها مي كانت طفله بصح مي كبرت ولات في عمرها 12سنة تبدلت العقلية ولاو يضربوها و حبسوها القرايا ولا روتينها اليومي قضيان الدار و تخمالها و محرومة من الخرجات و اللبسة عنرها ملعيد للعيد لي تشري قش جديد بحكم العايلة متبينش ضلمها لميار قدام ناس لاعبينها متهليين زعما الشخص.الوحيد لي كان حنين معاها هي رحمة كانت مختلفة على عايلتها و متحبش عليها و لكن اذا دخلت روحها راح تدي طريحة من عند باباها عليها خطرات تخاف دخل روحها فاتت سبع سنين و ميار مغبونة في ديك الدار و متنجمش تخرج.منها بحكم معندهاش وين تروح كملت روتينها اليومي فدار و خرجت تشم شوية هوا و تحاول تنسى هدرت عزيز
*Flach back*
كانت عايلة مقدم تتعشى في اجواء صامتة حتى هدر عزيز هدرتو و خلا ميار طيح عليها كي سكل تاع الما
عزيز:نتيا يا وسمك (على ميار ميعيطلهاش باسمها)راه في عمرك 19عام انا منقعدش غي نوكلك و نخدم عليك وليق تخدمي
ميار :كيفاش نخدم انا محبسة قرايتي راح نعيا بزاف باش نلقا خدمة تساعدني
عزيز:بلاماتحوسي هاني لقيتلك خدمة في قصر صاحبي يخدم شزفار تما و قالولو خصنا خدامه و انا عطيتو كلمة راح تخدمي في داك القصر و تولي تصرفي في هاد الدار مشي دار باباك باش تاكلي باطل
ميار:بصح...
عزيز:كلمة مانسمعهاش مي نهدر هدرة واحد ما يتكلم مورايا
وهاكا كان.الحال ماصابت مادير ميار الا انها تقبل بقدرها
*End flach back*
من جيهة في قصر الغالي قاعدين يتعشاو على طابلتهم الكبيرة مترأسها الجد حازم و قدامو ولادو وكناينو و حفايدو متجمعين ياكلو في ديك الطابلة
الجد:سليمة يوسف طول مشي من عوايدو يتأخر علل العشا .
قبل ما تنطق سليمة قاطعها يوسف
يوسف:السلام عليكم...سمحلي جدي طولت بصح الله غالب الخدمة
الجد :ماعليه يا وليدي المهم ياك الاوضاع فالشريكة مليحه
يوسف : ايه جدي كونك مهني كلشي متوازن
الجد:مي تكون نتا متكلف بلخدمة نكون مهني
سليمة كانت فرحانة و مفتخرة هي وراجلها مهدي بنجاحات ولدهم و من جيهة نيران الغيرة شاعلة في سلفتها حنان لي ميتة بلغيرة تشوف ولدها عادل بخزرة وهدرت معاه بيناتهم
حنان:هاه شفت كي ولد عمك رابح جدو و دايه الصفو و نتا قعد في خماجك وصهراتك مع البنات نهار لي تسمع بلي جدك حط شريكاتو كلهم على اسم يوسف ميغيدكش الحال
عادل:يما راني نتعشا مشي وقتها راكي عالتني بهاد الهدرة تعرفيني منحبوش مجال الطب و منعرفلوش
حنان :ايه اقعد.هاكدا حتا تخرج مفلس و ما في جيبك والو
احممم طولنا عليكم نعرفوكم بعايلة الغالي متكونة من الجد حازم كبير العيالة و زوج ولادو اللول مهدي و زوجتو سليمة عندهم يوسف و لينة و الولد الثاني هو منصف و مرتو حنان عندهم مهدي و خته امال
يوسف بطل قصة عندو 28كور و ديكور خمسة و خموس جاي سمر و عينيه نوار شعره رطب حرير و الكور تاعو طابعو الله الله انسان بارد حنين فقط مع العايلة تاعو اما بارا فإنسان يبان مغرور متباهي بإنجازاتو و سيريو بزاف و البنات عندو الكل كيف كيف تاع ليلة وحدة وبس
سليمة ام يوسف مرا حنينه بزاف و نية و متواضعة عكس ولدها مام راجلها انسان مليح
حنان مرا خبيثة ولفعة تبغي الدراهم و الجاه و تكره يوسف خاطرو ناجح على ولدها مهدي
مهدي صغير عل يوسف بعام بصح ميشبهلوش ابدا راجل مهمل تاع صهرات و بنات مشي جايب علل الخدمة من الرغم من هادا امو حنان كل خطرة تسلكو و دافع عليه قدام جدو باش ميسمعوش الهدرة.
