اسد واسط

بارت3

متغار اذا تعرفني
خاطب ، مو حاب !
ومن مطرب تحبة ،
اني چنت اتحَسس
ومو بالاذية المشكلة اني اتأذيت
بأكثر وقت محتاج بي اتونّس
-

في مكان آخر :
اسد :رحنا ودينا صابرين للمستشفى وطبعا وضعها جان خطر شويه لو ما الله ستر وديت العناصر يسحلون العائله ال..... ويطيحون حضهم لأن شكولاتهم ما لازم تبقى حتى عدله وتتنفس هوى الله اعصابي جاي تحترگ حرگ بحيث حسيت نار كبت بصدري كلت شوكت يخلص هذا اليوم وانطمر مثل البشر لا ليلي ليل ولا نهاري نهاري وارجع واكول اني وظيفتي هاي جانت حلم عمري اصبر يا اسد اصبر وخل نشوف شغلنا ..
ورا كم ثانيه طلعت الدكتوره
اسد: دكتوره ممكن تشرحين حالتها
دكتوره نرمين: عفوا سيدي المعذره منك بس شتصيرمنها زوجها
اسد: لا مو زوجها إنما جاي امشي بقضيتها
نرمين: تفضل وياي سيدي اشرح الك شنو صار
..وبدت نرمين تشرح وترجع ليوره تكلك اني ع أساس ما افتهم الوضعيه كلها بس اضطريت اسمعها كلت خاف يفوتني شي ووصيتها ع صابرين وطلعت وعفت عناصر يمها خاف كلشي يصير

في مكان آخر :
ماماااااااا ولجج مااامااا تعاي شوفي ابنج وكف كلبي بنص الشارع عليج الله عيطي عليه عبالي واحد دا يتحركش بيه ولج يومم وينج
رواسي ؛شبي صوتج يلعلع منا امة محمد شجاج
غيم: يمه لخاطر الله ترضيها هذا هيج يسوي
رواسي ؛ولك ادبسزز شمسوي لأختك
غيم:صارلي سنه اشرحلك انوب تكول لا تعيطين وهي متسمع
رواسي :مو اگلب عليج انوب انتِ
غيم:لا ماما فدوه والله بس حاجي عيب التصرف هذا
رواسي :مرتضى تعال وياي للغرفه
غيم:لا ماما بهذلي كدامي علمود تروح كرامته
مرتضى :دنجبي لج ويله منا
غيم:مامااااااااااااااااا
رواسي:مرتضى تعال لا اطيح حضك
...
بعد ما خليت امي تطيح حظ مرتضى رحت توسلت بيها علمود نطلع للسوك اريد شغلات كومه للمدرسه والي وهيج وقنعته تشتري كم شغله للبيت وهاي كوه بالف يا علي يله رضت وقنعت نطلع كمت بدلت ولبست بنطرون اسود بوي فريند ويا هودي اسوء وشال وردي فاتح وحطيت واقي شمس ونزلت حتلو شته اهم شي هذا

غيم: يا يمه عزا عزاا
رواسي :ولج شبيج شصاررر يمعوده احجي
غيم: لسه ما كمتي
رواسي : وخري من يمي غيم لا اهبدج وعلي هسه
غيم: طكيته بضحكه ..يمامه شحجيت اني داده
رواسي؛ ضحكتج الفضيحه شوكت تبطليها
غيم: دكومي يا يمه كومي مروتج شوفي الساعه بيش
رواسي :هسه قابل شعندي هي ربطه وعبايه
غيم: يله كومي اريدج تكشخين كشخه زينه
رواسي :غيم يمه الزمي السانج بعد بيتي
غيم: ما ينلزم بعد بيتج ههههههههههه
رواسي : يله جيبي جواريبي
غيم: اخيراا كلللوششش يا الله
رواسي : اش اش اخوتج لا يكعدون
غيم: اي ماما خل نشرد ع أساس حراميه احنا
رواسي :شوكت تعقلين يلذكيه
غيم: هسه ذكيه ومتعقلين ترا ما راهمه
رواسي : عن طول اللسان يله كومي خل نطلع
غيم: يسسسسس

(بمكان اخر )
..واني ماخذ يوم اجازة ردت ارجع للكوت اشوف الوضعيه هناك مريت على نفس الشارع الي اول يوم اجيت منه وكفت سيارتي بي ما اعرف احس مضيعلي شي هلبنيه ما تطلع من راسي جان الجو مغيم رفعت راسي شفت الغيوم تذكرت اسمها غيم وبقيت أردد وادندم باسمها مثل الاغنيه فجأه صحيت على نفسي واني جاي اريد اسد الشباك مالت باب السياره لاحظت بنيه كصيرونه لابسه اسود وشال وردي والجو بارد وخدوده وخشمه صايرات دم من البرد وتباوع بكل براءه وهدوء تام وي مشيتها تمشي وي مره وياها عرفتها امها من طريقتهن بالمشي لازمه أيدها وتمشي فجأه اجت عبرت على الشارع الي صافطه بي سيارتي وصدت وجها وجان ترفعه وتشوفني كدامها جمدت بمكانها عبالك شايفه شبح ووسعت عيونها ..

غيم..
دا امشي وي ماما وهي تكلي عينج بالكاع لا تشركين حلكج لا تحجين وياي احجي ويا بصوت ناصي لا تضحكين لا تلتفتين هاي القوانه بكل طلعه لازم احصلها ف دا نمشي طبيعي وهدوء ولازم نعبر الشارع الثاني علمود نأجر تكسي ونروح للسوك فجأه دا اعبر والجو جان بارد وعيوني تدمع من الهوه البارد جنت منزله راسي ف من دا اعبر رفعت راسي وشفت عمو حديده كدامي جمدت خفت منه حيل وتذكرت الموقف مفتشله منه كلش وتمنيت ما اشوفه مره ثانيه ابد بس حضي سواها وخلاني اشوفه جان شكله حلو كأنو بطل مسلسل تركي
عيونه خضر وابيض وصاحب عضلات وطويل حيل من انصفكت بي لاحظت هلشي وتذكرت الموقف ف حسيت جمدت بمكاني إلا أن
رواسي :غيم لج ماما غيمم غيمم
غيم: ها يوم ها عيني
رواسي :شبيج غيم تباوعين على ذيج السياره شكو
غيم:يا سياره ماما
..حسيت على نفسي صفنت ع السياره وصاحبها بس فجأه الجام لكيته مقفول مالت السياره معرف شلون وعيت كلت بداخلي هسه شيكول عليه والله عيب
رواسي :لج غيم لاكلساع تصفنين شكو شبيج
غيم: ماما شبيج شوفي السياره تخبل هسه لوابوي يشتري مثلها
رواسي : هنيال امج اي والله امشي خوفتيني عليج ولج يمه
غيم:يوم اني قررت اشتغل سلابه
رواسي:هههههههه اي من الدوده تخافين
غيم:ايععع ماما
رواسي؛ يله هذا تكسي وكف النه
ومشينا...

بقلم الكاتبه (تين أسامه)
اني اسفه اذا البارت قصير بس هذا الي اكدر أوصله الكم هسه انتظروني مده معينه دا امر بظروف شوي صعبه نزلت هذا الكم علمود لا يخرب حماسكم وانتظروا الجاي لأن القصه كلش قويه ومتعبه وابطالها دا يحاولون يوصلون الي الكلام بصورة صحيحه علمود اكدر اكتبه ف انتظروا وخليكم صبورين وحاولوا تنشروها بكل مكان
وتساعدوني بيها دعمكم ورأيكم يهمني♥️