الالتزام ليس عائقاً للحب ❤️

البارت الثاني 🧡

( ومن يتق الله يجعل له من امره يسرا)..
. . . . . . .. . . . . .. . . . . . .. . . . . .. . . . . .. . .
عند صالح الي كان بيسمع للأولاد..
الولد ١/ استاذ ممكن اسأل حضرتك سوأل؟
صالح/ اتفضل يا حبيبي..
الولد ١/ انا دلوقتي عندي ١٧ سنه دلوقتي انا بنت خالي بتيجي عندنا وطبعا من زمان انا بحبها اوي
واتعودت عليها انا بكلمها علي الواتس وهي بتحبني وانا عايز اتقدملها بس علي الجامعه
عشان نبقي نروح مع بعض وكده يعني..
انا الي بعمله حرام ولا لا ؟
صالح/ طيب يا حبيبي بيبقي فيه ناس تقول
اصل انا بحجزها عقبال ما اتقدملها اصل انا بحبها
وحاجات من الكلام ده طيب بتحبها عايز تتقدم
ليها بس مش في معاده اعمل ايه؟
عندك ممكن تروح تتقدم ليها وتخطبها وتكون كده حجزتها محدش هيقدر يتقدم ليها..
او انك تسيبها خاااالص لغايه ما يجي وقته
وادعي ربنا في الصلاه وبالذات في صلاة الليل..
صلاه الليل دي معجزه اعرف ناس كانت بتدعي ربنا يكرمها بحببها وناس يرزقهم ربنا وناس يفرج ربنا همهم والحمد لله الي عايز اتجوز والي عايز ربنا رزقه والي عايز وربنا خلاه يسجد بدموع فرح
لكن حجه بحبها ده حب حرام لأنك بتكلمها وانت اجنبي (غريب) عليها يعني مينفعش حب باطل..
ولو فعلا بتحبها تتخلي عنها عشان بتحافظ عليها مش عشان انت بتكرها عشان المفروض تصونها
بس يا حبيبي كل ده الي عايز اقوله ليك
ولو فعلا خير ليك ربنا مش هيخيب ظنك ابدا..
وربنا يكرمك بيها بالحلال يارب..
الولد ١/ جزاك الله كل خير يا استاذ..
حاضر انا بأذن الله هقطع علاقتي بيها..
وادعي ربنا تكون ليا انا وبس..
صالح/ برافو عليك يا ماجد..
.. . . . . . . . . . .. . ... . . . .. . . . . . . . . .. . . . .. .
‏عند صالح.. ...
صالح/ ‏اقدر كده بقي احكيلكم قصه تمام..
‏الاولاد/ ياااريت يا استاذ..
صالح( قصه علي بن ابي طالب واليهودي..)
رُوي أن علي بن أبي طالب -رضي الله عنه- كان قد افتقد درعه المفضلة عنده، فوجدها في يد يهودي كان قد عرضها في السوق يريد بيعها، فلمّا رآها -رضي الله عنه- عرفها، فقال لليهودي: هذه درعي كانت قد سقطت عن جمل لي في مكان كذا، فأنكر اليهودي عليه قوله، و طلب أن يحكم بينهما قاضي المسلمين، فقبِل علي -رضي الله عنه- فلمّا صارا عند قاضي المسلمين وكان وقتئذٍ شُريح -رحمه الله-؛ قال شريحٌ لعليٍّ -رضي الله عنه-: لا أشك بأنك صادق يا أمير المؤمنين، ولكن لا بد لك من شاهدين يشهدون معك أنّها درعك، فأراد عليّ أن يشهد له قنبر وولده الحسن. فأجابه القاضي شريحٌ بأن شهادة الولد لا تجوز لأبيه، فقال عليّ -رضي الله عنه- يا سبحان الله! رجل من أهل الجنة لا تجوز شهادته؟، أما سمعت رسول الله صلى الله عليه وسلم يقول: "الحسَنُ والحُسَيْنُ سيِّدا شَبابِ أَهْلِ الجنَّةِ"،[١] إلّا أنّ القاضي شريح أصرّ على موقفه بأنّه لا تجوز شهادة الولد لأبيه، عندها التفت عليّ إلى اليهودي وقال له: خذها؛ لأنّه لا يملك شاهدين غيرهما، فتعجب اليهودي من الموقف. وقال لعليّ: أشهد أنّها درعك يا أمير المؤمنين، ثم قال مُتعجبًا: أميرُ المؤمنين يقاضيني أمام قاضيه، وقاضيه يقضي لي عليه!، أشهد أن لا إله إلا الله وأن محمدًا رسول الله، فأسلم اليهودي لِما رأى من العدل في القضاء، فكان موقف شريح وقضاؤه بالحقّ وقَبول أمير المؤمنين وخضوعه لحكم القاضي دون اعتراض سببًا في دخول اليهودي الاسلام)..
الاولاد/ الله القصه جميله جدا..
صالح/ عشان التعاطف والتسامح في ديننا الحبيب
الرجل اليهودي اسلم عشان الدين الاسلام مفيش
زيه في التعاطف والتسامح وقبول الاخر..
(اللهم يا مقلب القلوب ثبت قلبي على دينك) ..
الاولاد/ يا رب اللهم امين يارب العالمين..
.. . . . . .. . . . . .. . . . . . .. . . . . .. . . . . .. . . .
‏بعد نص ساعه...
‏الكل اتجمع في البيت لان المسجد والدار قريبين..
‏صالح والبنات/ السلام عليكم ورحمه الله وبركاته.
‏الام والاب/ وعليكم السلام ورحمه الله وبركاته..
‏هدير/ بجد انا هموت من العطشششش والجوع..
‏صالح/ لا يا حبيبتى متنسيش انك صايمه..
‏هدير/ طب عادي انا اشتغلت انهارده كتير..
‏عادي لو فطرت ده مش في رمضان ده يوم عادي.
‏الاب/ مينفعش يا حبيبتي انت علي كل جهد وتعب بتعمليه وانت صايمه بتاخدي عليه اجر
‏وحسنات كتير عشان استحملتي الجوع والعطش
‏قال اشرف الانبياء ( من صام يوما في سبيل الله بعد الله وجهه عن النار سبعين خريفا)
‏يخبر النبي صلى الله عليه وسلم أن من صام يوما واحدا في سبيل الله كان جزاؤه أن يُبَعِّد الله تعالى وجهه عن النار سبعين عاماً؛ لأنه جمع بين مشقة الجهاد والمرابطة ومشقة الصيام، وإبعاده عن النار، يقتضي تقريبه من الجنة، إذ ليس هناك إلا طريق للجنة وطريق للسعير.
‏تخيلي بس عشان صومتي يوم واحد بس في سبيل الله ربنا يبعدك عن جهنم ٧٠ عام..
‏تخيلي لو بقي بتصومي اتنين وخميس..
‏يااااه احسبي كده في شهر ربنا هيبعدك عن النار  قد ايه ربنا هيبعد عنك النار ٢٨٠ سنه..
‏حد طايل بس يبعد عن جهنم وبئس المصير..
‏شوفتي ربنا رؤوف بينا ازاي..
‏اللهم رحمتك ورضاك عنا..
‏الجميع/ يااارب اللهم امين..
‏. . . . . . .. . . . .. . . . . . .. . . . . .. . . . . . .. . . .
‏عند اسر وياسر.....
‏عصام ابوهم/ ايده جيتوا بدري انهارده..
‏ياسر بخبث/ لا خالص مفيش.. تعبنا شويه..
‏عصام بشك/ والله يعني انتم الاتنين هتتعبوا مره واحده اه انتم توأم بس مش كده برضوا..
‏نيهال/ الا صحيح انتم بتكلموا بعض في ايه بلليل كل يوم كده انا مش مرتاحلكم يا ولاد بطني..
‏التوأم/ كل خير يا أماااه.. بس احنا جاعنين مم..
‏نيهال ضحكت علي طريقتهم/ طيب يا ولاد..
‏. . . . . .. . . . . .. . . . . .. . . .. . . . . . . .. . . . . . .
‏اسر وياسر بعد الاكل..
‏الا صحيح هي اختك وجوزها مش ناويين يرجعوا من الامارات وحشتني اوي خديجه وعبد الرحمن
‏لا ولا انس الي بقي بيكلمنا فيديو كول وبقي ماشاء الله بيعرف يتكلم وحشني حبيبي اوي..
‏ياسر/ وهم كمان وحشوني اووي بالله..
اسر/ بقولك صحيح هو احنا مش هنروح نتقدم للبنات ولا انت حبيت شغل الحرام بقي .
ياسر/ يعم حرام ايه احنا بنبص بس..
وكمان مش وقتو شهرين كده ونروح نكون عملنا قرشين حلوين نزود علي الي معنا..
اسر/ علي اساس الشهرين دول هتجمع ٢ مليون..
وكمان هو الي بنبص بس انت مش عارف ان ربنا قال في كتابه العزيز ( وقل للمؤمنين يغضوا من ابصارهم ويحفظوا فروجهم) لكن احنا كده بنعمل ذنب مهما كانوا محتشيمين بس للزم من الغض..
ياسر/ حاضر يا حبيبي..
عائشه دخلت عليهم/ السلام عليكم ورحمه الله وبركاته عاملين ايه يا ولاد..
ياسر/ الحمد لله يا حبيبتي وانت اخبارك ايه..
عائشه/ الحمد لله تمام..
اسر/ دايما يا قمر وعامله ايه في كليه الهندسه
عائشه/ الحمد لله كله تحت السيطره..
( عائشه اختهم الصغيره اصغرهم عندها ٢١ سنه) .
( خديجه اختهم الكبيره أكبرهم  ٢٧ سنه) ..
. .. . . . . . .. . . . . . .. . . . . . .. . . . . .. . . .. . . . . ‏
سبحان الله 🤎
الحمد لله 💙
لا اله الا الله 🧡
اللع اكبر ❤️
لا حول ولا قوه الا بالله 🤍
استغفر الله العظيم 💜
اللهم صل على محمد وعلى اله وصحبه اجمعين 💛🌸💛🌸💛🌸💛🌸💛🌸💛🌸💛
للكاتبه/ تسنيم محمد...
( والله ولي التوفيق)
ومتنسوش تدعيلو ولكم جزيل الشكر
ولكم بالمثل وزياده يا حبايبي 💖