الكاتبة: غرام العليان
سلاسل السوداء
لا تنسون التصويت + التعليق + متابعة حسابي
قراءة ممتعة
ـــــــــــــــــــــــــــــــــــــــــــــــــــــــــــــــ
"غرام"
كاعدة كل عادة اشتغل واليوم يجوز مارجع للبيت ابقى هنا خفر واسد وياي اكيد وعقيد رضا كاضم و ملازم اول رانيا
اي هانت ما بقه بس مسك الختام وتصعد رتبتي واصير "رائد غرام"
بعدين من اخلص هاي المهمه تجيني ترقيه!!!!
ضلت حسرة ب كلبي اعرف اذا اهلي درو بيه اشتغل استخبارت شيسوون؟
كملت شغلي واسد هم كمل شغله حرفياا هنا القضايا توكف شعر الراس كلشش اتعجب وصدك الضابط شايف اشكال وانواع،
خلصنه شغلنه ونزلنه للبيت رحت لغرفتي اخذت قيوله بعدين كعدت جهزت نفسي اروح للسوك اشتري ملابس للخطوبه رحت ركبت ب سيارتي وانتضرت امي وغدير يجن وياي ركبت واني اتذكر سلاســــــل الماضـــــــي!!!
جنت العب ويه حسين وفجاة سمعت صوت امي تصرخ وتبجي رحت ركضت لكيتهه تنزف معرفت شسوي اني كلنس طفله رحت حاجيت بابا و كال شويه واجي بس ابويه مارفله جفن وما اجه بقيت محتارة شسوي خابرت خالي واجه خالي ركض علمود اخته اخذهه للمستشفى جانو اخواني مموجودين ب البيت دائما هيج وقت العصر يطلعون للشارع يلعبون طوبه، اخذ امي وبقيت وحدي ب البيت الخدامات جان وكت اجازتهن ف مموجودات من اجت امي ركضتلهه وجان تكولي
-يمه اخوج الزغير مات
اي من بعدي امي حملت بطفل ولد جان لازم يكون اخويه بس الحظ جان ابويه متزوج الشريرة بيداء وبيداء حطت ادويه يسقطن الطفل ب اكل امي وتحقق مرادهه و خلت امي تنقهر!!!!
فززني من صفتني واسترجاعي للماضي صوت الباب ينسد باوعت امي ركبت ب صفي و غدير ورايه سقت ورحت جدمت يم بيت اخويه علي الاكبر جته اخذ زهراء ويايه دكيت الباب طلعت زهراء كتلهه
-يلا عينايي لبسي وجيبي حمودات وتعالي
-زهراء: اي تعالو اتفضلو علما ابدل ملابسي
صحت ل امي وغدير وهم جانت فرصتهن يشوفن البيت شافنه وصلن على محمد جان الاثاث حلوو ما شاءالله طلع علي الاكبر مبين جان ب الحمام طلع كالعادة بالبرنص الاسود سلمت علي وسلمن عليه امي وغدير ردن السلام شويه واجت زهراء وحمودي وصاني علي الاكبر على كم شغله انو لا تتعاملون ويه ولد واذا واحد اعترض طريقكم جري سلاحج واكتلي وافقت اني وطلعنه ركبت ب سيارة وسقت ب اتجاه السوك نزلنه
-زهراء: غرام شرايج ب هاذ البدله الحمرة مو تصير حلوة عليج؟
غرام: ماريد بدله منفوشه، ارضه حتى لو بـ فستان هم راضيه
أنت تقرأ
سلاسل"السوداء"
Romanceعندما ننظر إلى الماضي البعيد نرى الكائنات البشرية مثبتة في أوضاع وأماكن محددة وبصفات شخصية ثابتة. من يسيطر على الماضي يسيطر على المستقبل، ومن يسيطر على الحاضر يسيطر على الماضي. تمسّك بالآن، بال هُنا، حيث يغرق كل المستقبل في الماضي.
