مساء الخير والعافيه عليكم حبيبات قلبي
يوم سعيد اتمنالكم قرائه ممتعه
هنا جنت انشر قصه لكن ماكدرت اكملها فا تم حذفها وتغيرت القصه
لاتنسون
التصويت والتعليقات بين الفقرات
......
ساره العبيدي
ماما الله يخليج خليني اخذ هاي العابة
دامشي يابنتي لو عندي ماخليها بنفسج
كلشي اريده دكليلي لو عندي لو عندي كل صديقاتي
يشترون العاب واغراض بس اني ليش جبتوني
وكلشي ماعدكم
شهد اسكتي والله بس نرجع اخلي ابوج يجوي
لسانج هذا لي اطول من عندج
سكتت واني دموعي تنزل
اني شهد ولدت بعائلة فقيرة جنت اشوف
كل صديقاتي احسن من حالي جنه نلعب
بالشارع كبال بيوتنه جنت اشوف ملابسهم
احلى من ملابسي جان الكل يقلد عليه
شخصيتي كانت معدومه لدرجة كبيره بسبب
امي جانت تمنعني اريد على اي شخص
يأذيني بحجة احنا مو كدهم لاتورطينه وياهم
وحتى لو جانو غلطانين بحقي جانت امي
تعتذر من عدهم ومن امهاتهم هذا الشي
خلاهم يتسلطون عليه اكثر واكثر لحد ما
انتهت شخصيتي وصرت ضعيفه اخاف حتى
من خيالي رغم انو اني طفله بعمر خمس سنوات
والدي جان حنون بس كمية التعب لي يتعبه
طول اليوم حتى يكدر يحصل النه وجبة العشاء
او الغداء كفيلة بانو يكون بعيد عنه كل البعد
اهلي بقو متزوجين مدة ست سنوات بدون ما يرزقهم الله بالاطفال واني جنت اول طفله الهم
لكن الفقر جان اكبر من فرحتهم بوجودي واكبر
من انو ينتبهون على شخصيتي الي جاي يدثروها بأيديهم بسبب ابتعادهم عني وانشغالهم
بالمعيشه
ورغم هذا كله امي ماكتفت بولادتي صارت تجمع كلشي يحصله والدي وبدل ماينصرف علينه
تروح تشمره على الطبيبات حتى تجيب طفل ثاني مااعرف شنو الي جانت تفكر بي
رغم صغر عمري بلشت اكره عيشتي وكل مره اكبر تتفتح عيوني على الناس وحياتهم اكثر
انقهر على نفسي اكثر اغلب الاوقات جانو الجيران لمن تصغر ملابس بناتهم ينطوها الامي
واكيد جانت تلبسها الي بدون ما تنتبه على
الي جاي يصير وياي من اطلع للشارع
واني لابستهم
لحد ما اجه اليوم الي غير كل حياتي
من بعد هذا اليوم راحت شهد واجت
بدالها مشمش الي حجيته هذا الي
اتذكره عن عائلتي غيره مثل اقاربي
مكان سكنه اي شي مااتذكرة ولا ااعرفه
ولو اشوفهم هسه ماراح اتذكر منهم اله
شي قليل جدا الي صار وياي
بوحده من مراجعات امي اكيد كنت وياها
عند الدكتوره لان ماكو احد تتركني يمه
ابويه بالشغل حتى يأمنلها مصاريف الدكتورات
مثل ما كلكلم تعرفون باي مكان يكون
بي عيادات يكون موجود كدامها او قريب من عدها بسطيات العاب وكل طفل بعمري اكيد تغري
هاي المناظر الي بلنسبه اله احلى منظر ممكن يشوفه
دخلت امي للدكتوره وعافتني بالانتظار لسوء
حظي ماكدرت ابقى بمكاني مثل مانبهتني
اخذني الفضول وطلعت حتى اتفرج
اريد امتع عيوني بمنظر الالعاب الي ما
راح يجي يوم ويصيرون من نصيبي
شفت لعابة تشبة لعابة بنت جيرانه ماجاي اتذكر
اسمها هوايه بس اعتقد اسمها سناء قتربت منها
لمستها صاحب لبسطة نتبه الي جاي المس
بيها جان شاب صغير
تريديها ؟؟
هزيت راسي واني ارفض لا عمو ماعندي فلوس
ماما ماتقبل
نزل لمستوايه وحجه بصوت حنون
تريدين انطيها الج بدون فلوس
بتسمت وسألته يعني يصير
اي يصير بس بشرط اذا قبلتي تاخذيها شكلتي؟
شنو يعني شرط
يعني اذا تسوين الي اكولج علي انطيها الج
وبعد عندي هوايه العاب بالبيت كلهم انطيهم الج
فتحت عيوني والابتسامه تارسه وجهي اي اقبل
شنو اسوي عمو
تعالي ادخلي هنا وممنوع تسوين اي صوت اني اكمل شغلي واجي انطيج كل الالعاب لي
ماراح تنباع
موو ماما تنتظرني اخاف تضربني
لااا ماتضربج اني اكوللها بقت يمي لان جانت ضايعه
قتنعت بكلامه وماجان اي شي بتفكيري غير
العبة وشلون راح ارجع وخلي صديقاتي يشوفوها
ويغارون من عندي جان اكو جادر يغلف البسطه
من الاسفل كعدت بلمكان ونزل عليه لجادر وبأيدي العبه بقيت حاضنتها النعاس سيطر عليه
وغفيت
وياريتني ماغفيت
للحكايه بقية هذا بارت صغير تعريفي
ماكو موعد محدد للنشر ياريت بس احدد موعد راح ابلغكم
