السكرتيرة بصدمة : حضرتك خطيبته
ابتسمت بسخرية ورديت ببرود: لا يا حبيبتى بهزر معاكى ، قوليله بس رؤيا جلال
السكرتيرة : اتفضلى يا فندم هو مستنيكى اصلا
رؤيا باستغراب: مستنينى؟ مش فاهمة
السكرتيرة : ايوة مستر عزيز مدينى خبر ان حضرتك لو جيتى تدخلى علطول ...اتفضلى
"بصيت ناحية باب مكتبه وانا مستغربة وفى تفس الوقت خايفة...ايوة خايفة جوايا احساس غريب لحاجة هتحصل انا مش مستعدالها ابدا ...اخدت نفس عميق وروحت ناحية المكتب وخبطت وسمعت صوته انى ادخل..قلبت وشى للضيق ودخلت ووقفت قصاده واتكلمت بعصبية خفيفة :
ممكن افهم انت عايز منى ايه بالظبط
"رفع عزيز عيونه عن الورق وبصلها وهو بيحاول يكتم ابتسامته ويظهر الجدية وبص تانى للورق وهو بيقول ببرود : اتكلمى بهدوء يا رؤيا
رؤيا بصدمة : اتكلم بهدوء؟
عزيز ببرود : اه تتكلمى بهدوء عشان اعرف اتكلم معاكى
"اعترف استفزنى ببروده وبكل غضب جوايا خبطت بايدى على المكتب وانا بصاله وقولت : انت عايز ايه بالظبط وتعرفنى منين لدرجة تروح تتوسطلى عند مدير المركز عشان ارجع التدريب تانى ، ها
" قام عزيز وقلع جاكت البدلة ببرود وسنده على الكرسى واتقدم ناحية رؤيا ووقف وربع ايديه على صدره وقال بثقة : اعرفك منين دا هتعرفيه بعدين ، اما اتوسطتلك عند مديرك ليه برضو هتعرفيه بعدين..
نوقف الزمن هنا يا جماعة ونقول : عزيز سلطان الملقب برجل الثلج عشان بروده بس على مين دانا رؤيا جلال ومش عشان بحبه يستخدم سلطاته عليا..
نرجع للحظة الراهنة ، ولقيت نفسى بضحك جامد واتكلمت : لا بص هتتعامل معايا ببرودك اللى بنشوفه فى التفلزيون هتع...
عزيز بخبث: يعنى متبعانى على التلفزيون كمان
: ها
قرب عزيز ناحيتها شوية وقال بابتسامة خطفت قلبها للمرة المليون: الحسنة اللى تحت عيونك فى خدك اليمين حلوة اوى يا رؤيا
"رفعت عيونى ليه وانا مصدومة اوى بجد ، دقات قلبى زادت نفس الرعشة والاحساس الحلو جانى ، مقدرتش ارد بكلمة غير انى عيطت ، عيطت جامد وهو اتخض منى..
عزيز بخضة : رؤيا مالك ، بتعيطى ليه ... طب خلاص طيب انا اسف
رؤيا ببكاء : يعم انت مين يعم انت هى حصلت تعاكسنى كمان
" عزيز اتصنم مكانه من هيئتها وهى بتعيط ، وهى بتبصله بعيون بكيانه وبتتنفض من البكا
"اتنحنح عزيز وقال : احم ، انا مقصدش اعاكس طبعا بس بس
رؤيا بترقب: بس ايه
"بصلها عزيز ثوانى وبعدين مشى ناحية المكتب ولبس الجاكت ووقف تانى قصادها وقال ببرود : رؤيا جلال ، انتى رجعتى المركز ولتدريبك وحالاتك وخلاص كدا ، تقدرى تتفضلى لأنى ورايا اجتماع مهم
