داتني دنيا

الحلقة(1)

#دٍآتٌنِيَ_دٍنِيَآ♥️🩸:

#بقلمي_ميميش♥️🩸:

#الحلقة_الأولى♥️🩸:

.....في وسط قلب دوار صغير تابع لولاية سطيف وين بلاد نيف ولحرمة وين يسيل الد/م على الشرف قاعدة في شمبرة وحدها وجهها ولحمها كامل مشوه بضر/ب لي كلاتو من باباها وخاوتها قاعدة فوق فراشها تستنى في مو تها لي أكيد محتم وراح تخلص غلطتها دخلت عندها يماها بشوية بعد ما كامل رقدو جبدت دراهم من عبونها ومدتهم لبنتهم حاطتهملها في يدها وشافت فيها بعينين دامعين وهدرت بهمس حنونة ودافي

كريمة :هذو دراهم باش تسلكي حوالك يا بنتي اهربي منا راهم ناويين يزوجوك لولد عمك لمهوبل راح تدمر حياتك وتروحي للانسان هذاك علاش درتي في روحك هكذا يابنتي وعلاش مديتي روحك برخيس
بثينة :ماشي لغرضي يما والله ماهو لغرضي غير كلش بسيف عليا
كريمة :مبقاش وقت ضك لازم تهربي بنتي قبل ميشدوك خاوتك وباباك لازم تبعدي بنتي باش ميلقاوكش
بثينة :لوكان نهرب يما غير نزيد على روحي  لهم لوكان يلقاوني يقتلوني وميرحمونيش يا يما
كريمة :اهربي وبعدي واياكي ترجعي هنا ولا تتواصلي معايا ولا مع ختك من ليوم روحي وانساي لي عندك عايلة انتي غلطتي غلطة لي متتغفرش روحي منا ومترجعيش راني ليوم لقيت هذاك لي ميتسماش وقتلو وضك راهو يستنى فيك في سانتيفي (محطة الحافلات)روحي ازربي وروحي معاه وهنينا من همك
بثينة :كيما تبغي يما ميكون غير خاطرك نروح وكوني متأكدة مراحش نرجع لهنا الا بلكفن
كريمة :بلكفن ومترجعيش هنا بثينة حكايتك خلاصت في هذي دار لميتلك شوية حوايج اديهم معاك واخرجي من لكوري (اكرمكم الله يعني الاسطبل)واهربي من فما باباك وخوتك كامل راهم راقدين ضك
بثينة :كيما يحب خاطرك يما راح ندير غير متنساينيش ميمتي
كريمة :جامي ننساك يا كبدتي مي اذا قعدتي راح تدمري ودمريني انا وختك معاك روحي ومتشوفيش من وراك نتي طعنتيني في ظهري وطعنتي ثقة لي درتها فيك بكيتيني وشمتي فيا العديان باباك ضر بني علجالك وضرب ختك خوك لوكان منحيتلوش لمو س من يدو راه صلاو عليك في هذاك نهار
بثينة :يا يما صدقيني كلش سيف عليا راه اغتاص/بني كلش كان سيف عليا انا كنت حاسباتو راجل وهو خدعني في شرفي حابتني نهرب مع واحد دمرلي حياتي
كريمة :مكانش حل آخر منقدرش نسمح في أي واحد من ولادي يضيع نتي تتهناي تروحي لقبر وانا نتكوى عليكم في زوج و تضيع حياة وليدي وحيدي في لحبس

_______________________________

اراءكم وانتقاداتكم صوتولي سيتوبلي هذي بداية جديدة معاكم حباباتي ان شاء الله تعجبكم ❤️