داتني دنيا

الحلقة (14)

#دٍآتٌنِيَ_دٍنِيَآ♥️🩸:

#بقلمي_ميميش♥️🩸:

#الحلقة_الرابعة_عشر♥️🩸:

أسامة:في الزواج ولعرس

....شافت فيه بثينة متبسمة وعيونها تلمع وسقساتو مستفسرة ومصطنعة عدم الفهم وخدودها توردو

بثينة :وشمن عرس ؟؟
أسامة :عرسي
بثينة (وهي تشوف في عينيه بفرحة) :يعني راح تعقد عليا ونديرو لعرس !!!
أسامة :اوووو بشوية ابنتي وشبيك تحمستي هكذا
بثينة : فهمني
أسامة :عرسي سمانة لجاية راح نتزوج

.....شافت فيه بعدم فهم عقلها مقدرش يتقبل هدرتو حست ضبابة دموع تشكلو على عينيها وطاحو لا اراديا تحاول تكذب وش قاللها ناضت من عندو مركزة عينيه في عينيها تحوس على ذرة تمسخيير مقابلوها غير نظرات جدية وحازمة هدرت وذقنها يرجف مش قادرة تتحكم فيه وفي اطرافها لي يرجفو

بثينة :قصدك عرسنا انا ونت ياك أسامة
أسامة :لا بثينة عرسي مع مروة وحدة خطبتهالي يما هي عاجبتها وهدرتلها عليك وهي قابلة بشرط تبقاي نتيا طول في سر
بثينة : أسامة علبالك وش راك تهدر ؟؟
أسامة :بلا هذي دراما يرحم والديك قلتي ازوج بيا تزوجت بيك ضك نعيش حياتي كيما كنت مديسيدي في لول بلا متكسريلي راسي
بثينة :وانا مخممتش فيا جاي تقلي رايح نزوج ونتي تبقاي في سر راك عارف روحك وش راك تهدر !!!!
أسامة :علبالي وش راني نهدر بثينة كون حافضتي على روحك كيما حافضت هي راهو نورمالمو عرسنا مش جايبها هي

....ناضت من قدامو لحمها يرجف ودموعها شقو طريق على خدودها نازلين كيف الويدان الجارية وصدرها تقبض عليها مخنوقة وحلقها مرار من الغصة لي شدتها مقدرتش حتى تبلعها كلشي بناتو وعلاتو تحطم في جملة وحدة قالها هو عقلها مش قادر يتقبل فكرة زواجو يعني هو يزوج ويستقر وهي تبقى غير مكب لشهواتو الجنسية يقضي حاجتو منها ويرميها وتبقى ديما هنا تحت رحمتو شافت فيه بقوة معارفاش منين استمدتها اما خلت لي في قلبها على لسانها بلا ميزان

بثينة :خلاص أسامة كلش بيناتنا خلاص منقدرش نكمل معاك نت انسان رخيس ومتسواش ستغليتني وضك جاي تعاير فيا حسبي الله ونعم الوكيل فيك دنيا وآخرة ماكش راجل
أسامة : انا ماشي راجل ؟؟
بثينة :وي ماشي راجل وكون جات فيك ريحة رجلة برك يا أسامة مديرش هذا شيء اسم أسامة وخسارة فيك وين تبان نت مع الأسد
أسامة :استناي ضك نوريلك راجل هذا لي مش معمرلك عينك ولي اسمو خسارة فيه وش يدير فيك يا ل......

______________________________

اراءكم وانتقاداتكم صوتولي سيتوبلي ❤️🫀