الجانب المعتم

المشهد

#الجانب المعتم

المشهد الاول:
اركض ومااعرف وين رايحه وشنو ضاملي المُستقبل اكثر خايفه من المجهول وشنو الكدامي مااعرف مجرد اريد اخلص نفسي من المجرمين الي وراي أسمع صوته يصير
_ وين ترحين منييييي اليوم ماكو مهرب
خفت حيل اطرافي ترتجف خوف والم وقهر ورعب كلشي التم عليه كل حجيهم وتخطيطاتهم شيسوون بيَ كل مااتذكر جلدي يكزبر كدرت اشرد هسه بس يا ترا اكدر اخلص روحي منهم لو ارجع لنفس المكان ونفس الوحوش تنهش بيَ مااحس غير احد لزمني وسد حلكي اريد اصيييح مااكدر شاد ع حلكي بكل قوته متت من الخوف كل بالي واحد منهم لزمني وحـيرجعني الهم مااحس غير همس بأذني
_ اششش هاي أني اهدي اشش

المشهد الثاني:
_ ينتضرج بالاستقبال يلا تعالي
مشيت واني مرتبكه ومستحيه بنفس الوقت لملمت نفسي اخذت شهيق زفير شوي اخفي هالتوتر كلت بسم الله وفتحت باب الاستقبال رفعت راسي لكيته كاعد ع تخم من شافني كام واتقرب مني باسني من راسي وحجه
_ مُبارك يروحي صرتي حلالي واخيراً ، استحيت حيل وتوترت واحنه بهـالقرب بالاخص هالمره غير هالمره اني خطيبته وزوجته بالمستقبل خلص صرت حلاله وهوَ زوجي من صدُك اكثر انسان يختلف عني بكلشي شكله طبعه كلشي حرفياً كلشي بيّ عكسي رفعت راسي التقت عيونه ببعض جانت عيونه بيهم لمعه غريبه عيونه سود ليل حلوين وهاي اللمعه زايدتهم جمال اكثر صفنت شويه بعدين أداركت نفسي وبلـكوه نطق لساني
_ ااا الله يباركلك

المشهد الثالث :
كاعده كدامه وهوَ بدا يحجيلي بطريقه غامضه ونبره تخوف
_ جاهزه تدخلين عتمتي وظلامي للأبد وتنورين حياتي السوده وتلونيها بضحكتج جاهزه تنسيني ماضيّ الموحش وتغمريني بحضنج وحنانج وحبج جاهزه تكونين النقص الي بحياتي آسف اذا راح أذيج أو اجرحج أو امحي ضحكتج الحلوه آسف اذا راح احزنج أو اكسرج بس ثقي بالله حياتي مابيها طعم حلو رغم كل مرورتها وصعوبتها انتِ حليتيها مثل قطعه سُكر بكهوه مُره هيج حليتي حياتي اتمنى اكدر اسعدج ولو شويه وماخيب ضنج بيَ صح غلطت هواي بس حـ أصلح اغلاطي اوعدج راح تشوفيني انسان ثاني اني مو لـ هالدرجه سيء بس الظروف جبرتني اقسى وياج واتمنى تقدرين مواقفي قبل وراح أحاول امحي كل اغلاطي بس كوني وياي ولا تتركيني واوعدج اعوضج عن كُلشي ، رفع عيونه عليه جانّ حمرر ومبينه الكسره بصوته من يحجي ،. باوعتله واني احجي بكلبي من هالـ يوم وعدت نفسي انتقم منه واندمه ع كل يوم اسود عيشني بيّ واخذ ثأر عائلتي منه واطلعها منه وحده وحده مو اني الينضحك عليه اكيد عباله بعدني اني الغبيه الفطيره الثوله الي كدر يضحك عليها بسهوله لا متوهم مو اني الينضحك عليه واسكت ولا اني الي اعوف ثأري واسامحك عليه اله اخليك تعيش مثل كسرتي أضعاف اصبرلي والايام تثبت ..
___________________
صوتو حبيباتي لـتنسون التصويت وان شاء الله مااظلم الروايه لان حرفياً أحداثها تجنن واتمنى عجبكم السرد والروايه ...

جانب المعتم
الكاتبه فرح
frh_2007