أروَحٍ مُـرهَقه
بقلمي: - الگاتبه مريـــــــّام
لا تنسون تعليق بين الفقرات +تصويت + متابعه
____✧✧✧____
فوزيه:- حَسـيت نَفسي راح اطلگ بال 11 بليل گمت أصيح أجاني وجـع فَضيع ولك خضيررر أخ يماا الحگيلي ولك گوم أگعد راح أجيب
خضير:- شـنو ها شكو شبـيچ قابل أول جيابه لـوما جايـبه " ٢ "
فوزيه : - ولك گوم بسـرعه راح أجيب أخخخخ ياالله ولك خضيررر مي رأس طفل طگ ولك خَل نالحك بسـرعه (ببچي وصياح)
خضير: - (بأرتباك) هَسه هَسه أصيحـلچ أم ندى
خضير: - رحـت أركض هُـمه بِيـتهم گبال بيـتنه بِيت أخوي هَذا دگيت ألباب بقوة ولَـكم أگعدوا مَـرتي راح تجيب يـامُصيبة ألمُصيبة وينـكم يَمـعودين.
ام ندى: -خَير ياستار شَكو
مُرتضى:- (أبو ندى) خير أخويه هسه تجي ام ندى
مرتضى:- بسـرعه لحگينا هناك لا تتـأخرين
ام ندى:- أي أي جـايه
ام ندى:- رحَنـا لگيـناها متـخربطه عزا جبـت مي ورشيـته ؏ وجها وفَـزت ورجعت تـعيط
ام ندى: - طلعوا بسـرعه طلعوا كُلـكم
فوزيه: - ولچ فاطمة أستعـجلي راح أموت
ام ندى: -أي أي هَسه أهـدي أسحـبي نَفـس وعيـطي وأدفعي بكُل قـوتچ
فوزيه:- سويت مثل مگالت ألي وگبل طلـعَت چنت أفكر وأگول والـد ألا من تجيـبه وشفـتها أبنـيه فَرفحت روحي
خضير يريد والـد هَسه لـو شافها شراح يگول أويلي عليچ ياأبنيتي
خضير: - ها بَشـري مَرت أخوي شجابت؟
ام ندى:- بالخَير عَليكم أجتكم أبنـيه مثل الگمر
خضير:- شنووو لااا لا مُستـحيل
مُرتضى:- أبو سُهاد شسـالفة ترا نَعـمة الله هـاي تدفـرها والبنات مؤنسات وغاليات هنه يدارنك لو وگعت
خضير: (ببچي هو يباو؏ ؏سماء) ربي تمنيت منك ولد چبيره عَليك
مُرتضى:- گول ياالله وكبر بأذن أطفلة
خضير:- رحت كبرت بأذنه وگتـلهم بصوت راح أسميها عتاب وأعاتب بيها رب العالمين
مُرتضى: -ليش تظلم ألبنـيه بسمها
خضير: أريد أعاتب بيها الله لأن مانَطـاني والـد
رجوع للوقت الحالي ٢٠٠١
ــ أعرفكـم ؏ نَفـسي أني عتـاب عاـيشة بَـريف ظَمن أثنـين أخوات وأخ.
بَالشـت مُـعاناتي ويه أهلـي مَـن چان عُمـري ١٥ سنة چَنت بداية مُرهقه وكُلـشيء مااعـرف بَـس أگعد مَـن ألصَبح أفلح وأداور ألبـقار وأرجع ؏ الغَده أكمل أغسل المواعـين وأخلـص
أبوي وأمي مَمتـفاهمـين كُلش ، أمي فَـوزيه وأبوي خضير
فَـوزيه :- هَايمه داورتي ألبـقار؟
عتاب :- أي يمـه أني حروح وَرا ألبزل أحوش وأجي
فَـوزيه :- أي يمـه روحي و ديربالچ ؏ روحچ
عتاب :- رحَت أمشي للبزل داأمشي وفجأة طَلع گدامي أنصدمت ومشيت بسـرعه خَجلانه منه
بَـس هَوه ظل كُل شـوية يباو؏ كَملت ورجعت بسـرعه للبيت ورحَت الأمي گَلتلها ؏ لصـار ويايه
فَـوزيه :- مابيه شيء يمـه ألحُب لاعَيب ولاحَرام
عتاب :- يمـه لو شـوفي شلون يباو؏ لي كُل شويه أنوب حلو
رحت حتى أنام بَـس مَنمت ضَليت أفكر بي ياربي من نَظره وهِيچ أنعجبت خَلي أوصفـلكم شَـكلي أني بيضه أبيض من أخَواتي كُلهن وأحلى عَـندي شامه بخدي وحده جوه شَفـتي ألمُهم
گعدت الصَبح ؏ أمل أشوفه أليوم بَـس مَشفته وظَليت أنتظر هَـواي وأني أباو؏ مَن
لشباك شَفته أجهزة
فَرحت كُلش بَـس هَوه باوعلي وأبتسم گبل سَدين ألبرده يمـه گلبي يرچف ، وأستمريت وياه أنظرات بَدون كلام عيونه هَيه ألتحچي
مَرت سنة ودَخلت أل ١٦ بيوم چنت بالحَديقة أشر هـدوم حَسيـت ؏ أحد وراي أنداريت وفَزيت طَلع هَـوه
قُصي:- السـلام عَليكم
عتاب :- وعَليكم السلام بخجل وأني مدَنكه رأسي
ظَال واگف صافن عَليه خجلت كُلش
وبعدها ضلينه هِيچ
وبالشت بهَل فَتره مَشـاكل أبوي وأمي
بسَبب أبوي
فَـوزيه :- ليش تخونيي شسَويتلكك
خضير :- مالچچ عَلاقة گتلچ أنطنيي أفلوس يلاا بسرررعه
فَـوزيه :- ماأنطيك ولافلس والله وخَررررر عَنيي هَـدنيي حَق**يررر ألله لاينطيك
عتاب :- گام جَر أمي من شعرها أني مَتحملت جَريتها من دشداشتها وگعت بالگا؏ وجَريتها ظَل مَصدوم لاياخذ ولايَنطي گبل رحت الأمي حظَنتهاا
خضير :- بَنت الک** عَليمن تمدين أيدچ
عتاب :- ظربني راشدي ورأح
ظَلينه مَنتحاچه أني وأبوي
أمي راحت حت لاأهلها مَقبلت تظل بسَبب أبوي زعلت عَليه
وگع ألبيت برأسي والطبخ والأبقار چَنت ماأخلي أخواتي (أيمان وداد)
يشتغلن لأن يدرسن وأريدهن يصلن وأخوي (زياد) هَم خَليته خَليتهُم كُلهم يدرسون
ــ عانيت كُلش بهَل فترة كُل مايجي أليل أبچي وأتوسل بـ أمي تَرجع مَتـقبَل
سَديت ألفراغ بغيـبتها چَنت أني لأخبز ولأطبخ ولأمسح ولأنظف وأروح للأبقار أبوي صَح مَيحاچيني بَـس يساعدني
ألۍأن بيوم رَجعت أمي
فَـوزيه :- أنتِ ليش تشتغلين مَـن وراي ألمَفروض تَهملين لشغل حتى يلاحض غيابي
عتاب :- يمـه من كُل عقلچ بَعد مَخانچ ترجعـيله وهَسه يطَلع هَـوه مَزوجها هَم ...
يتبع.......
ـــــــــــــــــــــــــــــــــــــــــــــــــــــــــــــــ
وألى هنا ينتهي البارت ادري قصير بس تعبانه💔
وعد البارتات الجايه اطول
شنو رأيكم بالاحداث؟
توقعاتكم للبارت الجاي؟
شكراً الكادر روايا
أنت تقرأ
أروَحٍ مُـرهَقه
Mystery / Thrillerأروَحٍ مُـرهَـقـه أرهَـقت مـِنَ الأذۍ ألـذي قَـد تَســببَ بـِه هَــؤلأ ألــظَـــلَمه والطُــغَاة لـيَخـلَـقوا منـي مَـخلوقً لَـم يــَسبـق لـهُ عَـهداً
