نور

الالم

هاي انا نور اتمني تكونوا لسه فاكرني يلا بينا نكمل
دخلت مبسوطه علشان افرح بابا و بقوله
بابا انا اخدت شهادة تقدير علشان متفوقه
بابا ضحك و فضل يتريق عليا و يستهزأ بيا ان ازاي انا اخد شهادة تقدير و اني مستحقش ده
طبعا كسر فرحتي بعد ما كنت عايزه افرحه معايا زعلت و بكيت كتير بس بعدين قولت مش مهم انا هثبت للعالم كله اني شاطره و متفوقه بدأت ثانويه عامه عمري ما اخدت دروس قبل كده قرايبنا قالوا اني لازم اخد في 3 ثانوي علشان صعبه المهم الدراسه قربت و المفروض ابدأ انزل دروس و علشان كده كان لازم يكون في وسيط طبعا يقنع بابا اني انزل الدرس و كان الوسيط ده عمتي اخت بابا اصغر واحده في اخواته كنت بحبها جدا و بعتبرها صاحبتي علشان بتحبني و تخافي عليا و حنينه المهم كلمته وجات قالتلي انه وافق و ابدأ انزل الدرس من بكره فرحت و صحيت تاني يوم و رحت الدرس طبعا هو كان نايم علشان بيصحي متأخر و كان عندنا ضيوف رجعت من الدرس لاقيته بيزعق و يشتم و نزل فيا ضرب كل ده قدام الضيوف و انا مش فاهمه في ايه لحد ما عرفت السبب هو اني نزلت الدرس معقول طيب ما انا استأذنت اهو كده بقي و خلاص اه والله زي ما بقولكم كده و استمرت الحياه و المواقف دي بتتكرر كتير لحد ما الاذي النفسي وصل لمراحله الاخيره معايا و علشان انا من النوع اللي مش بيتكلم كتير كنت بكتم جوايا اختي الكبيره قررت تقاطعه و متتكلمش معاه نهائي و ماما نفس الكلام منفصلين بقي مكنش في غيري يخدمه اتأذيت منه نفسيا كتير جدا لدرجة اني كان بيمر عليا اوقات كتير كنت بفكر يا اما اموته و يا اما اموت نفسي اه والله انا في يوم من كتر ما خلاص بقيت مش قادره استحمل اخدت السم من ورا ماما اللي كانت اشترته علشان تقتل بيه الحشرات و خبيته و فكرت اخلطه مع السكر اللي بيشرب بيه الشاي علشان يشربه و يموت و كنت دايما اتراجع في اخر لحظه و مقدرش انفذ الخطه هتقولوا عليا قاسيه صح طيب و هو مكنش قاسي لما كان السبب ان ماما تشرب السم ده و احنا صغيرين و كانت هتموت و انقذوها في اخر لحظه مكنش قاسي لما حرمنا من احساس الاب مش مهم المهم اني دايما مكنتش بقدر انفذ خططي و كنت اقعد ابكي بحرقه لدرجة اني قلبي بيوجعني من كتر البكا كنت دايما ابص لاصحابي كل واحده عايشه في عيله سعيده عندها اب حنين بيخاف عليها لما يقعدا يحكوا بابا جابلي بابا احتفل بعيد ميلادي بابا خرجني ولما اشوف اب بياخد ابنه او بنته في حضنه اقول اشمعنا ليه انا كمان معنديش اب كده و كنت ابكي شويه و بعدين ارجع اقول الحمدلله مش مهم المهم اني انجح و اكون حاجه و اسعد ماما و اعوضها عن اللي مرت بيه بسببنا و بعدين عدت الايام و السنين و هو زي ما هو معانا يمكن معاملته كانت اسوء تعبت خلاص مبقتش قادره وقفت و قولت لا خلاص مش هكمل انا هبعد عنه مش هعمله حاجه تاني و قاطعته و لا بكلمه و لا بعمله حاجه اختي بدأت هي اللي تدخله الاكل تنضف الشقه و انا رافضه تمام في يوم تقريبا مكنش لاقي حاجه يعملها نادي عليا انا واختي شتمنا و ضربنا و قالنا انتوا عندي مجرد خدم تعملولي اللي انا عايزه اكل شرب تنضيف الشقه انتوا خدم و انا هوريكم من هنا ورايح و فضل يشتم تصدقوا انه ذنبنا علي الحيطه زي الخدم فعلا لحد ما خلص اكل هههه اه والله حصل بس ايه خلاص كنت من كترت قسوته ما بقتش بهتم كنت بعامله علي انه مجنون كنت بتمني اليوم اللي اصحي فيه يكون اختفي كنت دايما احلم احلام هو بيموت فيها المهم كبرنا و دخلنا الجامعه و اتخرجنا و بدأنا نشتغل كل واحد بشهادته انا و اختي طبعا اخويا لسه بيدرس هو طبعا شايف كل ده يسبنا في حالنا لا ازاي كان دايما ياخد من جدتي فلوس كل يوم او يومين و لما اشتغلنا في يوم نادي عليا و طلب مني فلوس ههههه بعد كله ده و مع ذلك صعب عليا و اديته كان بيعمل ايه بقي ياخد مني و من جدتي و من اختي و اخويا كمان لما كان بينزل يشتغل في الاجازه و فضل كده لحد ما بدأت اقوله لا مش معايا فلوس و رفضت انا و اختي انه ياخد منا فلوس تاني كان اخويا وقتها بيدرس في الكليه و في يوم من الايام..................
يتبع
تفتكروا حصل ايه؟ 🤔
استنوني الفصل الجاي و انتوا تعرفوا