جيهان ــــــ لا هوا سوا كل هذا لخاطري
ساهره ــــــ اي صحيح انتي متعرفين سلطان يضحك بعرفتج لج سلطان يوميه يخابرني يگولي سويتلج هالشي بس ارجعي وجبت هالشي و راح اغير ديكور البيت گلتله مو مشكلتي البيت مشكلتي جيهان گال اني هم ماگدر اخلي وحده ساحره ابيتي يگول يكبر طفلي ويعيرونه ابن السحاره
جيهان ــــــ مارديت بس بجيت هيه ثردت حجي وراحت متت من البجي اجه سلطان طبيت للبيت رحت لغرفتي اجه صديت عنه
سلطان ــــــ شبي صديقي زعلان مني ها
جيهان ــــــ اجه يمي ضربته على صدره
سلطان ــــــ شبيج
جيهان ــــــ انته تلعب بقعلي جذاب انته ماكفاك السويته بيه بالماضي
سلطان ــــــ كافي اتمضرط شبيج شصارلج
جيهان ــــــ خليت اديه على راسي وابجي
سلطان ــــــ جيهان
جيهان ــــــ اكرهك
سلطان ــــــ جيهان شبيج
جيهان ــــــ هئ مرتك مرتك تجي تگولي سلطان يسوي كل هذا علمودي ويريد يصبغ البيت علمود يغير الديكور علمودي
سلطان ــــــ اي اريد اصبغ البيت وتدري لان اريد اجيب اخوانها يصبغونه بدال مانفع الغريب انفع ولد عمي والاقربون اولى بالمعروف اما عنها ف استغلت هالجذبه وانتي صدگتيها
جيهان ــــــ وتريد اتريد اطلگني هئ لان لان اني مانفع اصير ام تدري ليش لاني ساحره ويكبر طفلي يگومون يعيرونه ابن الساحره هيه هيج گالتلي
سلطان ــــــ انتي حماره يولي
جيهان ــــــ هئ
سلطان ــــــ ليش اني من شوكت اهتم بحجي الناس حبيبتي حجي الناس عندي والشحاطه وبعدين شمدريها بيج گلتيلها شي مرا
جيهان ــــــ لا والله هئ
سلطان ــــــ كافي والله لروح اليوم ولخلي الجلب يبول على راسها بنت الجلب فوگما انفع اخوانها الكلبه
جيهان ــــــ صح اني مافلح ام سلطان هئ
سلطان ــــــ كافي هالحجي انتي احسن ام بالعالم
جيهان ــــــ حضني غفيت بحضنه گعدت مالگيته موجود اجه انطاني بوكيه ورد احمر يجنن والورد حقيقي جان بيه ورقه
سلطان ــــــ عسى ان تكرهو شيء وهوا خير لكم
اني اسف ادري خربتلج حياتج بس اريد اصلحها ماعرف جاي احس الله دزني حتى يختبرج بيه ويخليني عوض.
سلطان ــــــ احجيلي اذا مقصر وياج بشي گوليلي بس كافي زعلانه مني
جيهان ــــــ حيشاك من التقصير
سلطان ــــــ تسلمين حبيت افتح وياج صفحه جديده جيهان
جيهان ــــــ حتى اني،،، حضني و گال
سلطان ــــــ احبج
جيهان ــــــ احبك
سلطان ــــــ انتي مرضي
جيهان ــــــ اسم الله عليك
سلطان ــــــ لا لتگولينها
جيهان ــــــ مرا الايام حلوه واني وياه سعيدين هوا مابطل يرسم البهجه بوجهي صرت احس نفسي اميره سلطان ماخلى شي ماسواه بس حتى يسعدني دللني حيل جنت اني وياه گاعدين بالمرجوحانه
سلطان ــــــ تخيلي احنه نگعد اهنا وجهالنه يگعدون جدامنه يلعبون
جيهان ــــــ اي ههههه
سلطان ــــــ احبج
جيهان ــــــ حتى اني احبك سلطان ياعوضي
سلطان ــــــ تخيلي بنوتتنا تگمز وفرحانه
جيهان ــــــ اي ان شاء الله تجي بالسلامه
سلطان ــــــ ان شاء الله
جيهان ــــــ سلطان خايفه من الولاده
سلطان ــــــ ماعليج شي حبيبي
جيهان ــــــ اخاف اموت
سلطان ــــــ اش اسم الله عليج عفيه لتخوفيني عليج اسكتي
جيهان ــــــ سكتت باس شعري انفتح الباب لحگ الشال على راسي
سلطان ــــــ اهو شجابها اني خيرتي اتعذر ابوها
جيهان ــــــ اجت سلطان راد يروح بس بقيت لازمه ايده وهوا حاضني سلمت وگعدت
ساهره ــــــ شماعندج كرامه
جيهان ــــــ صدگ شنو الكرامه ماعرفها حبيبي تعرف الكرامه شنو ميعرف جاوبينه نتعلم منج
سلطان ــــــ اني اعرف الكرامه تلزگين بازلمه مزوج والكرامه راح اگول لابوج اگوله لم بنتك فايعه بالبيوت
ساهره ــــــ حبيبي ادري بيك غاير عليه شفتي
جيهان ــــــ بس ضايج منج مو غيران
سلطان ــــــ اطلعي من بيتي
جيهان ــــــ صارت اتمسلت گمت ابجي راحت مسح ادموعي وحضني
سلطان ــــــ اششش لتبجين حبيبتي
جيهان ــــــ شفت شتحجي عليه سلطان
سلطان ــــــ كافي من شوكت نهتم بكلام الناس ها
جيهان ــــــ هئ هئ
سلطان ــــــ گومي انطب جوا
جيهان ــــــ رحت للغرفه اجه گعد يمي
سلطان ــــــ اريد التحق
جيهان ــــــ
سلطان ــــــ جيهان سمعتي اريد التحق
جيهان ــــــ اخذني وياك
سلطان ــــــ هههه وين اخذج يولي
جيهان ــــــ مو قصدي عالدوام بس اخذني وياك واجرلي وانته من تستريح تعال يمي
سلطان ــــــ لا شيوديج اوديج لبيت اهلج
جيهان ــــــ ماروح سلطان
سلطان ــــــ براحتج يروحي
جيهان ــــــ مرا الايام وجبت بنيتي بس جانت ولادتي حيل صعبه جان گاعد يمي سلطان جابوها
سلطان ــــــ اكبر بأذانها
جيهان ــــــ اي
سلطان ــــــ شسميها
جيهان ــــــ مدري،،، كبر بذنها
سلطان ــــــ مابالج اسم
جيهان ــــــ لا
سلطان ــــــ خوش اني ابالي اسم
جيهان ــــــ شنو
سلطان ــــــ اسميها نور العين
جيهان ــــــ حلو
سلطان ــــــ مو احلى منج
جيهان ــــــ رجعنه للبيت واجت امي تعتني بيه هوا ضل يهتم بينه اكثر شي عالطفله گلت ادلع عليه وله مو غايره من بنتي،،،، يمه
ام جيهان ــــــ ها ييمه
جيهان ــــــ اخذيني وياج اكو ناس نسوني
سلطان ــــــ وين تريدين
جيهان ــــــ لا بس ناس نسوني گلت اخليهم همه والشاغلين بالهم واروح
سلطان ــــــ عمه گليلها خل تنجب
جيهان ــــــ دحگتله بطرف عيني ابتسملي غصب عني ابتسمت لان حركته جانت اضحك،،،،، ضليت فتره بعدها طبت راحت امي وداها سلطان رجع اني سويت نفسي زعلانه لان كل وكته لبنيته ادري جان محروم من الجهال اجه گعد يمي
سلطان ــــــ حبيبي
جيهان ــــــ
سلطان ــــــ اوف اكل منه هالولد اكل منه
جيهان ــــــ شتاكل منه
سلطان ــــــ شحم ولحم اكل گلبه
جيهان ــــــ هوا انته ماكل گلبي
سلطان ــــــ حتى انتي ماكله گلبي
جيهان ــــــ احبك سلطان
سلطان ــــــ مو اكثر مني ياعوضي من الدنيا
جيهان ــــــ سلطان
سلطان ــــــ ابن عمج رجع مرته
جيهان ــــــ منو كنان
سلطان ــــــ اي
جيهان ــــــ اي خطيه عادوهم ابن عمي دعم ابنهم بس والله ماله دخل يگولون هوا الوليد خاطم
سلطان ــــــ ماكو اهل اتلم
جيهان ــــــ اي حتى اني من جنت طفله لو اهلي لاميني ماجان اغ،،،ني
سلطان ــــــ جيهان انضل نذكر والله اسف
جيهان ــــــ لا سلطان اني مو عليك احجي على اهمال الامهات اني خايفه لا اصير ام مهمله
سلطان ــــــ لا متصيرين مهمله
جيهان ــــــ وخر سلطان عيب البنيه
سلطان ــــــ ههههه كل عقلج باباتي البنيه طفله متعرف
جيهان ــــــ دعوفني
سلطان ــــــ اوف منج هيه حضنه حتى هاي مسويتها قصه وكت الحجي انته كل وكتك تهتم ببنيتي وهاملني
جيهان ــــــ مو اتشاقه وياك احبك اني بس احب بنيتي اكثر لهذا ماغار منها
سلطان ــــــ عاشت ايدج لا لا گولي ماحبك من النهايه
جيهان ــــــ هههه احبك اموت بيك ياحلى انسان بحياتي
سلطان ــــــ احبج
جيهان ــــــ اموت بيك،،،، راح ورجع گال
سلطان ــــــ جيهان شو نسيتي
