فصليتي المتمرده

Part 1

                                   للكاتبه:• ف᭫ᮥي᪸᪰رٰوٰ໑ٰزٌِ  💞📃 ،

Insta: its.fairouz0

***************************************
.
.
هاي اني اسمي رانيا عمري 25 طبيبة عامة خلي اوصفلكم ويهي الجميل 😂ان شعري اسود فاحم طويل يوصل لنهاية ظهري عيوني سودة ( سود اسود امكحلة هلا وهلا وهلا ) احم احم نرجع اني بيضة ثلج جسمي

كلش حلو لا ضعيفة ولا سمينة خشمي صغير حلكي واو واو واو ويشبهوني بهاي الممثله سيلين جانت تطلع بل

مسلسلات .. وطبعا اني جريئة كلش ما اخاف الا من ربي لساني متبري مني اذا واحد حجه

وياي كلمة أردها بمليون كلمة مو من النوع الي اسكت ع حقي وطبعا اني متعلمة الفنون القتالية يعني اكدر اضرب

الي يتعده عليه ودائما الي براسي اسوي لو احتركت الدنيا وشي اكيد اني بغدادية وووهسه نجي ع اهلي

عندي أخ اسمه احمد عمره 25

هو توأمي يعني بينه تشابه اني اجيت قبله بعشر دقائق واختي ريتاج عمرها 10 وامي تشتغل مديرة مدرسة

واحمد يشتغل ويه بابا لان ابوية عنده شركة خاصة بي هو مديرها عائلتي متحرره طبعا نسيت اكول اهم صفة

بيه اني تجي اوقات اصير ابرد من القطب الشمالي ونادرا كلش ما ابجي مهما صار اكره الضعف واخر شي

اني اكره عمامي بشكل مو طبيعي هم عشاير ( حالتنا المادية ممتازة )

رانيا كعدت الصبح الدنيا طافرة عندي ما بيه حيل ابد

اروح للشغل اففف كمت سبحت نشفت شعري سويته ذيل حصان ويا باف لبست تنورة سودة توصل للركبة

وياها قميص احمر وحذاء كعب عالي لونه اسود ومكياج طبعا بدون مكياج اصير نعجة نزلت لكيتهم كاعدين ع

الميز يتريكون

رانيا . . صباح الخيررر

الكل : . صباح النور

رانيا بخبث : . اكلك حمودي شو اسمعتك البارحة جنت تحجي ويه صديقك ع اوراق مال شركة ضايعة وراح تخسر صفقة وكذا شنو الموضوع

ابوية : . احمد صدك هذا الحجي

احمد بتوتر : اااا والله بابا البارحة طلعت من الشركة بسرعة ووكعن مني وبعد ما لكيتهن

ابوية :  ولك انت ما منك فايدة لو مشغلي حمار جان انتبه اكثر منك

رانيا . شوف بابا والله كتلك هذا مو مال نكبر راسه هو عامل نظافة هواي عليه

احمد : . ولج اسكتي يا مصيبة الله يساعد الي يزوجج كارثه وحلت ع راسي

رانيا . طبعا تحجي هيج انت تغار مني

احمد : . من شنو يمه اغار

امي : . ولكم اسكتو بس تتناكرون شنو توم وجيري

رانيا : . بااايخة

امي :  😒😒😒😒

رانيا . . يله باي يا قوم راح اروح لشغلي
الكل : - الله وياج

طلعت ركبت سيارتي ورحت للمستشفى بعد يوم طويل وتعبت الف واحد مريض خرب بحضي ان رجعت دخلت للبيت لكيته هوسه وعمامي المقرفين كلهم موجودين ببببيع دخلت سألت امي

رانيا. شكو يوم شصاير

امي : . ابن عمج كاتل واحد

رانيا. اني اكرهه واسمع عليه هيج اخبار يزيد كرهي عموما اني راح اروح انخمد اني عندي 3 عمام يزوجون بناتهم من هنه عمرهن 16 سنه فكل بنات عمامي متزوجات بس وحدة عمرها 9 سنوات )

رانيا :رحت نمت 5 ساعات كعدت ع صوت امي

امي : - رانيا رانيا ولج كومي

رانيا . . خير خير خير ما يصير انطمر شويه

امي : لج كومي اكلي

رانيا : . كمت يا عذابي نزلت جوه كلت لبابا

رانيا : . بابا شنو سالف ابن عمي المصخم

ابوية : . متعارك ويا واحد وطالع عند قلب فميت الولد

رانيا : . راح تروح وياهم علمود الفصل مو

ابوية : . اي

رانيا : . زين

رانيا : كعدت الصبح رحت للشغل وبعد ما خلصت رجعت للبيت لكيت امي بس تبجي وابويه حالته حالة واحمد معصب

رانيا : . شكو شبيكم

ابويه : . رحنه لبيت الولد وطلبو فصل 200 مليون وفصلية

رانيا . . وين المشكلة

ابويه : . حبيبتي تدرين انتي عمامج بناتهم متزوجات وماكو غير اختج وبت عمج وهنه صغار كلش و بقيتي بس انتي

رانيا : . بابا قصدك اني اروح فصلية

ابويه : . كلبي ماكو غير حل

رانيا برود . عادي شنو المشكلة اروح

امي : . بنتي شلون اعوفج

رانيا : . يوم انتي تدرين اني قوية واكدر ادافع ع نفسي والله العظيم اشيبهم اذا احد مسني

امي ضحكت : . حبيبة كلب امج اني اعرف انتي قوية بس هذولي ناس . مترحم همج

رانيا : . خلي يولون والي رفع سبع سموات أشرح جثته بس واحد منهم يفكر يمسني بكلمة أو يرفع ايده عليه ويوم حبيبتي كافي تبجين تره والله ازعل مو اهلى الدكتورة رانيا يصيرون اضعاف يله هسه كلها تبدل نروح للسينما لان نازل فيلم رعب الا خرافي

الكل : . يله خلي نروح

.
.

.
.
يتبع....🥀✓

★★★★★★★★★★★★★★★★★★★★★★

لتنسون تصويتاتكم وتعليقاتكم الحلوه

احبكم كرزي 🍒♥️