The Millionaire's Matchmaking

Chapter 3

Ilang minuto ang byahe bago kami huminto sa labas ng venue. Isa itong hotel na ilang floor rin ang taas at isa sa pinakamahal rito sa bansa. Sa pagkaka-alam ko ay kadalasan nababalandra ang pangalan ng hotel sa Television at article.

Nakadungaw ako sa labas ng bintana at iginala ang mata hanggang sa makita ang marami-raming tao sa entrance. Halos lahat ay naka formal attire at may ilang paparazzi rin ang nakatayo lang roon sa labas.

Gusto kong malaman ang detalye ng pinasukan kong event or tamang sabihin ay nagpasok sa akin ngunit wala namang masabi si Shena dito. Normal event lang daw 'yon at kahit nag alinlangan ay pumunta parin ako dahil matunog naman ang pangalan nito kaya lang ay doon lang. Walang ibang detalye na mas nagpacurious sa isip ko.

The driver opened the car door, and at the same time, I felt a rush of anxiety. Parang hindi ako mapakali hanggang matapos ang event. Bakit nga ba ako pumunta? I've probably regretted my decision many times. Like, maybe a hundred times.

"Thank you Mr." Pasalamat ko sa lalaking sumundo sa akin nang pinagbuksan niya ako ng pinto.

Pormal siyang ngumiti at bahagyang yumuko bago ulit pumasok sa magarang kotse. Hindi ko maiwasang magtaka kung bakit kailangan pang sunduin ako lalo na't sa pagkaka-alam ko ay kadalasan na umatend sa event ay halos mayaman. Wala ring binanggit si Shena pero alam niyang may susundo raw sa akin. Nawala sa isip kong magtanong kanina.

Huminga muna ako ng malalim nang umakyat na naman ang kaba sa systema ko lalo na at may halo itong hiya. Nahihiya ako dahil ang raming tao.

Nagsimula na akong maglakad papalapit at unti-unti naman akong nilingon ng mga tao lalo na ang mga nakahawak na camera. Gabi na ngayon kaya ay malalaman talaga kung saan nag fa-flash ang camera at alam kong nasa akin ang ibang atensiyon nila na mas lalong nagparamdam sa akin ng hiya.

Huminto lang ang aking sapatos nang mapansin ko ang pulang carpet.

"Excuse me, nakaharang ka."

Kusang tumagilid ang katawan ko at nilingon ang taong nagsabi no'n sa likod ko. Kumikinang ang fitted gown niyang pula at kita talagang mayaman sa dibdib dahil tube type. Tiningnan ko ang mukha niya at tumaas na pala ang kilay nitong nakatingin sa akin. Nasa pulso nakakabit ang maliit niyang pulang bag habang ang isang kamay naman ay nasa baywang.

"Tsk, first time," May bahid na inis niyang sabi at nagsimula ng maglakad sa pulang carpet. Umismid ako at pinagmamasdan siyang confident na rumampa. Napakamot nalang ako ng pisngi bago ko tinahak ang loob ng hotel.

Habang naglalakad ako sa red carpet, kada hakbang siguro tumatambol ang puso ko sa kaba. Iyong takong pa ng sapatos ko ay mataas. Dinahan dahan ko nalang ang pagtapak ng paa ko kahit na para akong pagong kung makagalaw ngayon.

"Nyeta ng sapatos. Bakit kasi ito ang ipinasuot ni Shena? Kung alam ko lang na ang taas ng lalakarin ko, sana nag paa nalang ako." Bulong kong reklamo.

Pero dahil kahit anong dahan-dahan ang ginawa ko, natapilok pa rin ako. Namilog ang mata ko at habang pabagsak na ako, naramdaman ko ang isang malakas ngunit maingat na pagkakahawak sa braso ko. Sa isang iglap, nakatayo na ulit ako, at tumingala para makita kung sino ang tumulong sa akin.

Isang matangkad na lalaki ang nakatayo sa harap ko, suot ang itim na tuxedo na tila sadyang sukat na sukat para sa kanya. Nakasuklay pabalik ang kanyang buhok, at ang kanyang mga mata ay nagningning sa ilalim ng mga ilaw ng hotel.