Aashram:
Evening time:
Bhabhimaa and Raj banna return from temple.
Bhabhimaa ➡ Raj banna! Ye le prasad, sabme baat dena. Main apne kamre mein aaram karne jaa rahi hoon. Dhyan rahe ki koi meri shanti bhang na kare.
Raj shekhar ➡ Jo aagya bhabhimaa!
Bhabhimaa chali jati hai, Raj shekhar rasoighar ki taraf jaate hain jahaan Muskan aur Devyani khana bana rahe hote hain.
Devyani ➡ Aree aap aa gaye! Pooja ho gayi na achhe se?
Raj Shekhar ➡ Haan Devyani ji!!
Raj Shekhar ➡ Muskan! Beta ye prasad le aur sab mein baant de. Sabse pehle Guruji ko dena.
Muskan ➡ Theek hai bauji!! Laiye.
Muskan leaves.
Devyani ➡ Main khana lagati hoon.
Raj shekhar ➡ Rehne dijiye, mera mann nahi hai.
Devyani ➡ Kyun ji? koi baat aapko pareshan kar rahi hai kya?
Raj shekhar ➡ Devyani ji! Bhabhimaa kitni sakht dil ho gayi hain.....mujhe toh yaad bhi nahi ki maine unhe aakhiri baar haste hue kab dekha tha.......na woh theek se khana khati hain, na theek se baat karti hain.....bas ek kamre mein din bhar band rehti hain.
Devyani ➡ Humara swabhav hamare jeevan mein beeti ghatnaon ka pratiroop hota hai.........Mohit ji ki maut, Nandini ki waisi haalat, parivaaron ke beech ladai-jhagde, bachhon ke beech an-ban, humse humara ghar chinn jana........inn saari ghatnao ne bhabhimaa ko aisa bana diya hai.
Raj Shekhar ➡ Sach! Bhabhimaa khud ko sambhal hi nahi paa rahi thi isliye unhone aashram aane ka faisla liya.
Devyani ➡ Aur hum bhala bhabhimaa ko akele kaise aane dete, isliye hum bhi unke sath chale aayein.
Itne mein hi Devyani ke phone📱 pe kisi ka message aata hai, Devyani phone check karti hai aur message padhte hi uski aankhon mein chamak aur chehre pe hasi khil uthti hai.
Raj shekhar ➡ Kiska message hai? Kya baat hai? Bataiye na.
Devyani ➡ Khushkhabri hai ji!! Naitik ka message tha, Nandini theek ho gayi hai aur bachhon ne bhi aapas mein suleh kar li hai.
Raj Shekhar (smile) ➡ Kyaa?? Aap sach keh rahi hain Devyani ji? Agar aisa hai toh ye toh bahut achi khabar hai......jay ho Mahadev ki.
Devyani ➡ Suniye ji! Mera bahut mann ho raha hai Nandini ko dekhne ka.....par kya bhabhimaa ghar jaane ke liye raazi hongi?
Raj Shekhar ➡ Main kal iss baare mein bhabhimaa se baat karunga.
-----------------------------------------------------
Delhi: (Evening)
The grand hotel.
Sunaina pooja ghar mein baith kar lagaatar 'Om Namah Shivaye' ka jaap kiye jaa rahi hai, Jasmeet usey dekh rahi hai.
Jasmeet ➡ Apne potey ke theek hone ke liye maa ne purey saawan subah-shaam 1008 Shiv naam jaap aur upwas karne ka sankalp liya hai.....unki arzi sun lo bhagwan🙏🏼🙏🏼, mere Nannu ko theek karr do.
Rehab Centre:
Sameer and Anshu are talking.
Anshu ➡ Nannu kaisa hai ab?
Sameer ➡ Jis speed se woh recover kar raha hai, mujhe lagta hai ki agle ek mahine mein woh ekdum normal ho jayega.
Anshu ➡ Yeh toh bahut achi khabar hai.
Sameer ➡ Haan par......
Anshu ➡ par kya??
Sameer ➡ Iss ek mahine mein usey extra care ki zaroorat padegi. Hume uska aur jyada khayal rakhna padega. Par tum tension mat lo, main hoon na.
Anshu ➡ Thank you Sameer ji!
Sameer ➡ Thank you bolke paraya mat karo.
Anshu (smiles) ➡ Acha! Maine sabke liye raat ka khana bana diya hai...ab main nikalta hoon.
Sameer ➡ Suno! Logon ko yahaan tumhare haath ke bane khane ki latt hai, isliye kal se time pe aa jana.
Anshu ➡ Ajib hai na! Drugs ki latt choot rahi hai aur khane ki latt lag rahi hai
They both laugh 😁 😁.
------------------------------------------------------
Aaj ki kahani yahi khatm hui. Kya bhabhimaa ghar jaane ke liye manengi? Jaan-ne ke liye padhiye 'Rishtey dilon ke' kal raat 9 baje.
YOU ARE READING
Rishtey dilon ke 💞
FanfictionThis story is a complementary story for 'Yeh Rishta Meetha Sa'. Here, the parts will be short and their reference will be used in the main story (YRMS). Both these stories are interlinked, so please read this story also, to understand the main story...
