شضَايا عمق الجحُيم

النهوه(1)

الگلت ميخيب بيهم مره ضني شفت منهم سوالف مرضني

بسم الله الرحمن الرحيم

لطفا لا تنسون التصويت والتعليق بين الفراغات

بقلبي "زهراء احمد"
__________________________________

النجف الاشرف تحديدا قريب الامام علي عليه السلام الساعه 7صباحآ

گعدت الصبح على صوت المنبهه اليوم عدنا مهمه والترقيه مالتي هم گمت سبحت عل سريع ولبست البدله مالتي

مشطت شعري ورتبته ولبست البوت وخذت الجنطه ونزلت رگض صادفتني امي واختي افانا بست راس امي ودعت افانا وطلعت
شغلت السياره وطلعت بوجهي للشغل وصلت وبلشت الترحيبات ومادري من هل سوالف
وكفت يم الضباط نحجي بخصوص الترقيه بعدين علنو الاسما
واني اول الاسما

رحت وكفت بستعداد وضربت التحيه وبعدين جابو رتبه ملازم اول وكال الواء

رنين محمد علي مبروك رتبه ملازم اول

اشكرت منه واجه الضابط خلالي الرتبه واني الفرحه ماسايعتني حققت حلمي وحلم امي
واخيرا

طلعت من المركز وطلعت بوجهي للبيت طلبو مني اضل حتى احتفل وياهم بس ماحب هيج اجواء ابد

رجعت للبيت تلكتني امي بالهلاهل والجكليته واني رحت بست راسهه وحضنت افونه لكيتهه تبجي

رنين:٠شبيج يروحي انتي هياني يمج شبيج

:هسه انتي سنو

: اروح فدوه للسنو مالتجي اني وياج الضابط رنين محمد علي

ضحكت بصوت عالي واني ضحكت عل ضحكتهه

اجت امي عليه وحضنتني وتبجي

ابتسام: يمه رنين شوكت اني اخاف عليج هيج

: لا تخافين عليه يمه اني بنتج شنو نسيتي

: يحفضج الرحمان يمه

: فدوه الكلبج يمه بس والله جوعانه اريد ريوك ممتريكه

: هسه يمه ثواني تعالي طبي جوا الدنيه حاره ليصير بيج تيفوو

مديت ايدي لافانا وگادتني ودخلنا جوا تريكت وخلصت ورحت بدلت لبست تراك ومشطت شعري الاحمر ونزلت غسلت الموعين ولزمت التلفون وكعدت عل كروب مالنه للشغل

ضلينا كاعدين نسولف فقط عل شغل ومن نخلص نكعد نسولف سوالف عاديه موجود 33الف عضو

جاسم: اكول رنين انتي شكد عمرج صار

: 23

: اها

هاذ اني ابد مارتاحله دائما مزعج ويسئل هوايه كلش

تركت الكروب ورحت لماريا عل خاص وكعدنا
نحجي ماريا وياي من جنا بالعداديه عمرهه 24اكبر مني بسنه