زهرة " التوليب "

Part (2)

التوليب :
افضل انواع الزهر في تعلم لغة الورد
لغة الأزهار .. لغة سامية

⠀⠀⠀⠀⠀┄༻🤍༺┄⠀
لبست صايتها وقبل لا تلف الشال باوعت مره اخيره على مكياجها والكحل ومسكارا
واي شدو الوردي منطي لون لعيونها ونظره تقتل
حطت غلوس وردي وبلشر بنفس درجة قرت الاذكار والادعية الي تحفظها دائماً
- بنتي هاي فلة مو زينه ليش جايه عليها
توليب : عمو لازم اليوم اخلص كلشي او اموت جوا لازم اخلص
نزلت من السيارة ومشت لباب ودخلت الفله
لازم الليلة غير مليانه بنات واولاد بس اكو شي غريب الرجال لابسين بدل رسميه والبنات فساتين سهره حمدت ربها انو هيه لبست نفسهم واليوم خميس يعني سهرة لصبح صباحي
الخادم عيونه راح تطلع من مكانها من جمالها اخذ عبايتها : حرام والله اني بعمري ما شفت هيج حسن وجمال
توليب بدلعها طبيعي : عجبتك ؟
اجاها صوت ضحكه من ورا
فيصل : حتى الخدم ما سلموا منج
التفت تباوعله بكبرياء جان واكف وياه واحد اجنبي شكله امريكي والثاني ايطالي وثالث فرنسي شكلهم يوحي انو همه اصدقاء جانوا يتاملون جمالها
فستانها الاسود من ديور الي يلف على جسمها وضيق من الصدر مبين مفاتن جسمها وبي اكمام لازمه على الايد بشكل انيق وحلو ويوصل طوله لتحت الركبه وصندل الاسود عباره عن مثل شريط ملفوف على ساقها الابيض جمالها يفوزززز غير وخصوصًا انثويه ودلوعه وانوثتها مزيج بين الانوثه الصارخة والنعومة الذايبه والغموض والدلع الرباني
ركزت انظارها على فيصل لابس بدلة رسمية سوده وقميص اسود وحذاء اسود ولابس كبك الماي والساعه من اشهر الماركات جان وسيم وشكله يجنننننن
ميهاف ببحتها ودلعها التفت عليه : ليش همه مو بشر ؟
جاك بالانكليزي: hello I am Jack < مرحباً انا جاك >
توليب بلكنة انكليزيه: hello I am Tolib < مرحباً انا توليب >
ماركو بالايطالي : Nizza nome < اسم جميل >
توليب بنفس لكنة الايطاليه: Grazie per questa < شكرا>
بيبر بالفرنسي : Parlez vous français aussi? < هل تتكلمين فرنسية ايضاً >
توليب بدلع : Je peux parler couramment quatre langues
< استطيع التحدث باربع لغات بطلاقه >
انصدموا من لكنتها وطلاقتها والكل ملامح الاعجاب على وجههم
فيصل جان يفكر شلون بنت ليل وتحجي اربع لغات بطلاقه
اجه الي يوزع المشروب اخذوا كلهم ماعدا فيصل استاذن منهم وابتعد
( هذا راح يخبلني وين مازن وين وليت )
توليب منقرفه من النظرات الي تلحكها بكل مكان ( ياربي مو متعوده اطلع هيج كدام رياجيل حتى بفرنسا جنت البس حجابي يارب ساعدني يالله )
فزت على صوت فيصل
فيصل : بصراحه تستحقين عشرة على عشرة
توليب : لو سمحت الزم حدودك ووخر من طريقي
( مغرور عباله فلوسه تغريني او توكعني جوا رجله)
فيصل حب ينرفزها ببرود : باعي شلون الاجانب يباعون عليج باعجاب
توليب : شكد قليل ادب شنو احد كالك صير حارس الي وعينك تلحكني ما طلبت خدمتك شعندك لازك بيه وين ما اروح اشوف خلقتك
فيصل : اريد تعلميني وضحك جديده هاي مال اني حارس
توليب عقدت حواجبها : اعلمك شنو ؟
وعيونها دور مازن ما انتبهت الا وفيصل يلزم خصرها ويقربها اله
فيصل : ما جنت ادري زباين مالتج من نوع ثكيل مو اي واحد تستقبلي تحبين الاجانب وعلموج لغتهم ضحك
توليب بقلة صبر : فيصل لو سمحت وخر ايدك مني
فيصل راح بيها بس يكابر : لا عاجبني الوضع كال هيج وهوه يلزم بايده ثانيه خصل شعرها الذهبي حاولت التخلص منه بس ماكو مجلب ماكدرت تضم توترها وخوفها
فيصل : لهاي لدرجه ما تكدرين تسيطرين على نفسج بين ما تنتهي الحفله على شنو هاي رجفه كلها هاي كلها اشتياق لحضني ؟
توليب ببرود : دكول رجفه مال قرف من لمسة ايدك
فيصل زاد من قربه الها ورفع وجهها بيده وركز عيونه بعيونها الي تظهر القوه وهي ميته خوف من جوا
هوه خبير بسوالف لغة العيون الي شافه براءه ممزوجه بتمرد ما يلوك الا بعيونها اسرته
وخرها وكال : لا خاف عبالج لزمتج لان اغريتيني او رغبة بيج لا اني مجبور والا جان رحتي ورفع انظاره ياشر بعيونه على شخص واضح الثراء عليه ويدور على وحده لزم ايد وحده لبسها فاضح وراحو لغرفة جانبيه
فيصل : احافظ عليك بين ما يجي مازن
توليب بثقه : اعرف احمي نفسي واطلعها
فيصل : مادري احس وراح مصيبه وسالفه مو هينه
توليب بثقه اكبر : لا مصيبه ولا سالفه ولا بطيخ
- سيدي
فيصل : نعم
- كل شي تمام حسب اومرك
فيصل باوع لتوليب نظرات غريبه وهو متاكد مراح يشوفها مرا ثانيه ورا هاي الليلة بس يحس انو هيه غيرت بي اشياء هيه بنيه خانت ثقة اهلها وسمعتها ودينها واخلاقها بس لازم يرد الاهانه ومدت ايدها امس لازم يدهن اول انسان يرفع ايده ويتجرأ يرفع ايده عليه ..
بس جان مايكدر يقاوم جاذبيتها اللي مثل مغناطيس
يريد يعرف اي شي عليها قبل ما تنتهي المهمة
اما توليب جان همها بهاي اللحظة مازن وبعدها ناوية تعتذر لفيصل عن أي اهانه او كلمة جرحته بيها هذا طبعها ما تحب تجرح اي انسان مهما جان
شافت مازن يركص وهوه سكران اجت وحضنت ايده
توليب بدلع : مازن عيوني
التفت وحضن حتفها بيده
مازن : انتي ياحلوه شنو اسمج
توليب ببحه عذبة : اني توليب وتسبل عيونها .
مازن : هلا بكل هالحلاوه
توليب بمياعه طيرت عقله لمازن وهوه يتاملها: اريد احجي وياك موضوع خاص
مازن تفكيره وسخ والرسالة الي وصلت اله فهمها غلط : زين تعالي وياي للغرفه
توليب : لا خلينا هنا احسن
مازن : علمود ناخذ راحتنا
توليب ومازن صعدوا فوك وانظار فيصل عليهم وتراقبهم الي سبها ( حقيره **** )
دخلوا الغرفة ومازن عيونه كلها شر
توليب : روحي مازن
مازن : عيونه
توليب ضحكت بدلع : خلي نشرب شي
هز راسه وراح جاب كاسين مشروب انطاها واحد وكعد لازك بيها وهوه يشرب كاسه بسرعه وايده تحاوط جتفها
توليب انقرفت بس شنو سوي لازم تكمل
حطت مخدر بالكاس
توليب بدلع : حبي لازم تشرب من كاسي ومن ايدي < يموت بالكلام الحلو كدرت تعرف نقطة ضعفه >
مازن شرب شويه : هاهيه شربت هواي بعدين ما اكدر اكعد
توليب تحجي ويه مازن وهوه يحاول ينزل فستانها ماتتت خوف وما حست الا وكع عليها مغمي عليه خافت ودفعته بخوف
كامت بسرعه دور مفاتيح الخزنه مالكته
وما انتبهت الكامرات الي تشتغل كسرت قفل الخزنه وطلعت الجيس بي سيديات دورت على قرص مكتوب بي حفلة ابرار لكته وجانت لحظة مثل الحلم حطته بين ملابسها وشالت الجيس كله من اجت تطلع بس سمعت صوت خطوات غريبه ختلت وشافت رجال يتعارك ويه مازن ويريد يكعده بعدين طلع مسدس وكتله
شافت وجهه لرجال القاتل بس هوه ما شافها
وبعدين كعدت على قنفه ترجف من خوف تمالكت نفسها وطلعت من جوا وكامت واكفه دخل مجموعة من رجال الشرطه وشايلين سلاح جانوا اربعه بالغرفه طلعت شويه شويه بدون ما ينتبهون بالممر السري
توليت بنفسها ( لا يتهموني بقتله يارب )
جانت تركض بسرعه من درج شافت من الجام العاكس للقاعه رجال كلها شرطه ركضت وهيه ترجف طلعت من الشباك على الحديقه
زحفت على الكاع حتى محد ينتبه عليها ويشوفها
ووكفت بالممر لازم تطلع من الباب شافت سيارة بس الجروح الي بيها من الزحف تموتها وجع وفوك هذا سيارات الشرطه بكل مكان
وكفت شويه شويه وصاحت الحجي
كامت بسرعه تركض لسياره
بس انضرب بشي صلب
رفعت عيونها
وجان فيصل
واكف والدم يجري من وجهه وملابسه تصب دم
فيصل : تعال الزمها بسرعه
جانت لحظة غريبه بعمرها ما حستها ماتتت خوف بس مو على شي على فيصل الي
يريد يلزمها بس ما كدر لان الحجي ساعدها
جنطتها وكعت بيد فيصل
شالها الحجي وركبها السياره وهي عيونها ما فارقت فيصل الواكع بالكاع
كلمات فيصل ترن باذنها
شنو ضامه النا الايام
وشنو راح يبقى من ذكريات
بعض المواقف تتطوى في قيد النسيان
والبعض الاخر يرسخ في الاذهان
هل سيجمع القدر ابطالي من جديد
ام
ان الحياة ستفرقهم في دروبها الغامضة ؟؟؟