وبعد خمسه وثلاثين سنه وكان تحديداً عندي خمسين سنه جالي حلم وكان عباره عن طريق ..
احكي يا جدو بالتفصيل اكتر
"بيتهم عباره عن تلات طوابق معلومه مهمه "
في الحلم كانت امي ماشيه في الطابق الاول من البيت ووصلت تحت السلم وزاحت بلطين بحركه دائريه وبعدين شالت البلاط ومن ثم ظهر طريق مظلم طويل نزلت فيه ووصلت لباب المغاره فتحتو وهيا بترسم عند المقبض الحديدي الشكل الدائري نفسه ومن ثم فتح باب المغاره
كان عباره عن ظلام لا اكثر ولا اقل
وانتهي الحلم
ومع نهايه الحلم صحيت من النوم مفزوع واول ما صحيت كان اخويا محمد واختي فاطمه وكل اللي كان في البيت مشيو علي اشغالهم ومتفضلش غيري مروحتش الشغل في اليوم دا ونزلت من الدور التالت للأول وجريت علي تحت السلم ولفيت البلاطين مافيش حاجه حصلت .... جربت كل البلاط لحد ما ظبطت البلاطه اللي تحت السلم
كان في بين البلطين علامه دائريه علي حواف البلطين
لفيت البلاط علي طول في اتجاه دوران الدوائر وبالفعل اتفتح الطريق الموصل إلى المغاره
جريت علي المطبخ اخدت شعل نار وعصيان نار ونزلت الطريق
ومشيت شويه لقيت الطريق اتقفل ورايا خوفت ساعتها بس كان لازم اكمل
مشيت شويه وولعت عصايه من العصيان الاربعه اللي كانو معايا وفضلت ماشي لحد ما وصلت لباب المغاره
بصيت حواليا لقيت جثث كتير متراكمه فوق بعضها
من كتر الخوف رجعت جري لحد الطريق تاني واللي كان مقفول بالفعل لفيت البلاط بحركات دائرية اتفتح علطول
ساعتها محكتش لاي حد علي اللي حصل غير عبد الغفار صاحبي واللي كان بيحب المغامرات وشجعني ننزل انا وهو
وبعدها اتفقت علي كل حاجه انا وهو وجينا نفتح الباب مفتحش فضلنا كل يوم نحاول لحد مافتح بعدها بسنتين بالظبط وهنا عرفت ان المغاره بتفتح كل سنتين عملت الحركات الدائرية واتفتح الباب ونزلنا المغاره وفضلنا ماشيين لحد ما وصلنا للجثث وشاف الجثث عبد الغفار واترعب زي اول ما شوفت الجثث لما نزلت المغاره اول مره من كم الجثث الموجوده واللي كان لسه عظمها موجود واللي كان المفروض يكون تراب (اتحلل )حاليا لكم السنوات اللي فاتت عليها
استغربت انا وهو اوي
بس كملنا طريقنا
وفضلنا مكملين لحد ما شوفنا باب المغاره ومسافه ما شوفناه كان غفار ميت جمبي بدون اي سبب
بكبر سني وعيطت وصرخت زي الاطفال علي صاحب عمري اللي مات قدامي نطق قبل ما يموت وقالي
كمل الطريق يا سعد وفعلا بقيت امسح دموعي وأكمل الطريق اللي كان خلاص باب المغاره
علي بعد اقدام
فتحت الباب زي ما شوفت امي بتعمل في الحلم وبالفعل فتح ....
3
أنت تقرأ
أرض جلاجولاس green Of Glagolas
Adventureما وراء المغاره ؟! الروايه 140 صفحه كل صفحه فيها حكايه مختلفه اول صفحه بتكلم عن أرض جلاجولاس ما هي أرض جلاجولاس ؟ ولما سميت بهذا الاسم ؟ وما طبيعتها وطبيعته أهلها ؟ هنتعرف مع الاحداث كانت مجرد خيال ولكنها تحولت لحقيقه.
