فجر الشاهين

4

فجر الشاهين البارت  💞 4

وضعها على السرير ودنى منها لتلتف وتبتعد عنه بسرعه بعد ان تذكرت فعلته أمس..

اقترب منها شاهين هامسا ماتخافيش..

فجر ببرود حاولت إظهاره مش خايفه بس ماليش مزاج..

ضحك شاهين على كلماتها بتقلديني يابت عبد الجليل..

فجر مش الحجات دي رايدلها مزاج مش ده كلامك..

جذبها اليه ايوواا ده كلامي ...  وماله نخلي ليكي مزاج..

فجر بتذمر طفولى مهو مش… قاطعهم طرقات سريعه على الباب..

شاهين بحده في ايه ..مين .

امينه ياخوي بيقولوا مزرعة الحج نعمان الله يرحمه احترقت ..

نهض بفزع وارتدى ثيابه بسرعه وغادر..والاخرى تراقبه بقلق…

مضى بعض الوقت وخرجت فجر لتساعدهم في اعمال المنزل بعد ان شعرت بالملل لتسمع بكاء طفل ..

ذهبت نحو الصوت لتجد سيف ابن شاهين وهو بعمر السنه ونصف يبكي حملته وحاولت اسكاته حتى دخلت عليها عبله لتقول بانفعال رايده ايه من ولدي يابت الزناتي..

فجر اني سمعت بكاه وجيت عشان يسكت..

عبله بحده متتدخليش بولدي تاني وامشي طلعي براا اوضتي..

وقفت فجر بحرج وهي تفرك يديها.

عبله مالك متنحه كده ليه..اطلعي برراا

فجر رايده اقولك اني مش شايله عليكي ومعايزاش يكون بينا عداوه ويشهد عليا ربنا مكنتش راياده الجوازه دي بس ابويا غصبني عليها ..

عبله والمطلوب مني يابت الزناتي اصدقك..

نزعت فجر عن كتفها لتصدم عبله من منظره كان الدم مختنق بتلك المنطقه..ده اللي عمله  فيا عشان رفضت اتجوز شاهبين.

شهقت عبله وهي تتحسس ذلك المكان وانت اتحملت كل ده ليه.

فجر مكنتش رايده اخرب حياة مره تانيه كنت عارفه ان شاهين متجوز وعنده واد بس والله غصب عني ..نزلت دموعها بقهر سامحيني ومتشيليش مني ..

عبله باختناق على حالها بس انتي خدتي جوزي وحبيبي وابو ولدي..

فجر مخدتوش القدر ساقني ليكم لكن والله مش هكون ليكي الا اخت ومعايزاش يكون بينا مشاكل بعد النهادره اني مكسورة الجناح من صغري وابوي مابيحبنيش..متجيش انتي والزمن عليا..

عبله بحزن على حالها والاخرى تبكي..طب خلاص خلاص اسكتي دلوك هيقولوا عملتيلها ايه عشان تبكي واني كدا كدا محدش هنا بيحبني..

ابتسمت فجر هتقبلي تكوني صحبتي..

عبله صحبتك..

فجر اني ولا مره كان ليا صحاب ابوي كان حابسني طول الوقت بالبيت معنديش الا امي ودلوقتي معرفاش ازاي اوصلها ابويا منعها عني..