بيه شوغه واحد #اخرس
سدوو الباب اعله # صبعه
وبيه خنكَه واحد #اعمى
اعله الشمس غنوله # ربعه
وبيه حسره جامع الله ..
اذن وماشاف واحد بالجذب صلاله #ركعه ....
*************************************
الشاب
اخاف من المخده بساعة الليل
احط راسي عليهه او تبدي الهموم
حسباتي ثكَيله او تهدم الحيل
او بعد ياعين عندي تطاوع النوم
بجفوني دمع مايقبل يسيل
ولحسبات تكَعد بيه وتكَوم
انه اتطشرت بس محد يشيل
ياهو الي يلمني ايحطني بهدوم
انه بختك يكَلبي او عندك ادخيل
اهي مزنه مطر ماضنتي اتدوم
حب الغيوم متانيه السيل
واذ تطلك مطر شتذب الغيوم
البنيه
ندم كلي ندم من جدمي للراس
لان شلتك حلم وبروحي مريـت
حضنتك سيف تذبحني واداريــك
وتكَـص حبل الوصل وتكلي شديت
نطيتك ظهر جرحي وامنت بيــك
وجبت ملح الغدر بجروحي خليت
وتعيرني كَـعدت بفيك سنيـــــن
ياشجرة غرور وبيك ثقـــــــــــيت
اذا ماتت الشجرة تصير تابــــــوت
ولان ميت ضميرك هيجي سويت
الشاب
كل خطوه برحيلك طعنه بالروح
لان كلبي بمحبتك صار طاغي
انه بعدك سؤال املأ فراغات
وجوابي انته تعال أملأ فراغي .
عشر شـيـبات جـانت عندي بالراس
وهسه السود صارن عندي عشرات
ألي شهكه من أحضنك تدري اشلون
مـــثل صايـــم فــطر بأول جكـــاره
البنيه
تـره لجمات گلبك مو هوينات
بس اتسوي روحك عود تحمل
من يحجون عنك هنه مو بيك
بس هوه الحجي الموبيك يكتل
مثل راحة جفوفي راحة البال
ياهو الدله گلبي اعله التعلعل
سبع مرات ابوس شفايف المـوس
ولاابوس الصور واشتاگلي الخل
يـ ابنادم تره عويفتك اترووح
من تشتاگلك لـ ابنادم اتسل!!
ويلاگـوونك او جنهم ما يشووفون
وانت الطيفهم نص عين تعزل
الشاب
والله لو هين علي .. ما جيتلك
لا ولا كل هالمسافه امشيتلك
**********
ما ابالغلك انه بحجم الحنين..
بس امس مر طيفك وحنيتلك
خلينه نتحاســب حسبه مال أحبـاب …..
وأگلك بألأحســــه وأنت هم گلــــي …..
إذا كـل شبــر بية أتحبـه أنت تگـــول …..
آنه حبــــي إلك ينقــــاس بالملــــي …..
وإذا بگلبــك أعيشن فقط يالمحبــوب …..
وألكعبـه أنت كلــــك عايــش بكلـــي ..
مدري شبيه شو #مهموووم ؟؟
هوسه ابالي #ماتصفه ...
ومدري شلون #راح_الحيل
#انفخ_شمعه_ماتطفه
