طبـــع نخلـــه اذا ترمونـــي بحجــــار اذب تمــــري وأخليگـــم تـــــدنگـون .
__________________________________
علي: مات سيف وماتت روحي احس نفسي حقدت على اخو لارين وقل حبي الها مشاعري صارت
بارده تجاهها اخوها اخذ روحي صح هيه مالها
ذنب بس مشاعري متلخبطه ماعرف شنو اريد
بس راح اخذها لارين الي ومو الاحد ادري اذا خطبتها ما راح توافق اقرب فرصه هوه انو
اخذها فصلية واريد اتزوجها.....
____________________________
لارين..
:- كعدت على صوت لارين وهيه تكعدني
:- ولجج لارين كومي راح يجون الناس
:-كمت ضايجه تذكرت راح اروح فصلية بس كابرت
انو مايهمني وراح ارجع لاهلي
دفعتني جوان للحمام
:-لارين سبحي وطلعي راح احضرلج ملابس علمود
احطلج مكياج
:-اوك يلا طلعي شنو تسبحين وياي
:-هههههههه فد وحده انتي يلا يلا سبحي راح يجون
:-سبحت وكملت اسبح وافكر شنو هل حياة
مابيها سعاده يلا نشوف شنو تاليها ويه هذا علي
طلعت لكيت جوان تحضر ملابسي وتعطرها
:- يلا راح اطلع حضرتلج بدلي وصيحيلي
امشطلج شعرج واحطلج مكياج
:- هزيتلها راسي مطلعتلي فستان اسود لبست كلادتي وساعتي ورديه وحذاء وردي وبي ابيض طبت جوان
مشطتلي شعري لبست حجاب جرجيت اسود
حطتلي مكياج واني مطنكره
بس حلفت وقسمت بأيات الله ما تنزل دمعه
مني ابد
خلصت بابا صاحني نزلت رافعه حاجبي
مادري اريد انزل اخذ سجينه واحطها بكلبه
رافعه راسي صارت عيني بعينه
شفت ابو هم جاي ويا ابوي ضل يوصي وهاي بنيتي
ديربالك عليها
ومن هل حجي ضلو يسولفون ابوي وابو علي
علي بس يباوعلي واني خازرته كمت لغرفة ماما
كاعده وصافنه رحت كعدت يمي اجاني شعور
احس من جنت كاعده بالصاله تمنيت
احضنها بس من اجيت يمها استحيت احضنها
منار: انتي قويه دمعه متنزل منج خوش
ترجعيلي واريد زلمه ابن امه يمنعني من شوفتج
لارين: اي يوم اني بنتج طبعاً قويه واوعدج
متنزل دمعه مني وهسه اني رايحه بالسلامه
منار: انصدت من تصرفها لا حضنتني لا باستني
احسها مو لارين الجانت مترتاح اله تنام بحضني
لارين: طلعت شفتهم بره اجيت لزم ايدي نترتها
واردفت:
:- ممنوع تلزمني خوش
ابوي صفن وابو علي ابتسم وارتبك علي خزرني
