المشهد : (القُربان)
.... احس روحي طلعت واني انازع بمكانه ضميته برووحي ما اريدهم ياخذونه جروني قوي من عنده بعد ما ضربوني على راسي جروني من شعري المختلط بدمه انداريت عليه وخليت عيني بعينه
- اخذنني اني اني اخذني واكتلني بمكانه الله يخليك اني اخذني وعوفه والله بعده صغير طفل ما شاف شي من الدنيا ضحكو على عقله وجرو لطريق مو زين اني اخذ روحي بمكانه
.. احس نفسي انتهيت دموعي تنزل بكل هدوء جسمي باد ماكدره افتح عيني واني احس بروحي تنوخذ شويه شويه ابتسمت واخيرا راح اموت !!
-لا تكتلني كدامها لا تحرك كلبها بيه وللله هي ما تستاهل ولك ما تستااااهل والله تاذت من ورانه هواي لا تاذوووهاااا اكثررر
.. جر شعري بقوه وهو يرجعني للواقع المأساوي
- فتحي عينج وانتبهي لمخه شلون راح يتطاير ما اريدج تنسين هاي اللحضه الحلوه
.. رفعت عيني عليه بضعف ما اريد انسى عيونه الشي الوحيد الي مبين من شكله ردت اخزنهن بذاكرتي ما ردت انساهن راح يجي يوم وارجع حق عائلتنه المسلوب وهذا وعد عليه
- ارمي
_____________________
المشهد : (خطيئـة)
.. اللحظه الي انتظرتها سنين واني منتظره هذا اليوم وهاي اللحظه با الذات واكف كدامي بطوله عيونه الي يا ما سحرتني بجمالها مثبتهن عليه لمعه الفرح الي بعينه عكس داخلي الي مليئ با الكراهيه والحقد
- تزوجيني .. اقبلي بيه
..فتحت عيني بصدمه رجعت بخطواتي للخلف خايفة مو جنت منتظره هاي اللحظه الي ادمره بيها ليش تراجعت!! حجيت بتلكؤ وبخوف واني اصطنع القوه؟؟
- انت مسيحي واني مسلمة
.. ابتسم بهدوءه المعتاد وكال
- اشهد ان لا إله ...
.. سرت قشعريره بجسمي قبل لا يكمل كلامه تقربت عليه واني اخلي ايدي على شفته مقاطعه كلامه هزيت راسي ب لا ما اريد ادمره اريد انسحب من لعبتهم هااي !!
- لا تكمل
_____________________
المشهد : (الجلمود)
- ما اتسمينه الجلمود من لا شيئ !!
.. عيني مقابل عينه مايفصلني عنه غير سانتيمترات خليت ايدي على صدره من جهه گلبه قربت نفسي عليه اكثر حسيت با انفاسه قريبه وعيونه رخت ابتسمت باشمئزاز رفعت عيني عليه وبداخلي حقد العالم كله حجيت بصوت
- اذا انتو الجلاميد وماعدكم گلب صدكني احنه الدغفل واي شي كدامنه ندوسه دوس ونمشي ومايرفلنه جفن
(الجلمود) : تعني الصخره الكبيرة .
(الدغفل ) : ويُطلق على صغير الفيل .
أنت تقرأ
القُربان "خطيئه الجلمود"
Romanceكان لابد ان ندرك مُنذ البدايه أن الساكنين لا يلتقيان، وان الموُج مكانُه البَحر ،والشمسُ مَكانها في السِماء ولا مكان للمعجزات في حياتنا ، - وهمس الموت لكلاهما نهاية حبكما هو بدايه قصتي.. (الرواية تحت الحماية القانونية)
