#الفاتنة و الذيب
البارت "2"
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo
_________________________
بعد مرور اسبوع ...
جنا كاعدين اني وبان برا بل قسم وجنت كلش ضايجا وحجيت
_بان ضوجه وما لي مزاج احضر المحاضره
بان :اي والله اني هم ضايجا
_خلينا انغوح ابكان
بان :وين نروح
_ما اعرف فكري
بان :تمام هسه اشوف
طبعا بهل اسبوع زادت علاقتنا بشمس لان هي مو كلش تعرف بلجامعه فمرات تجي ويانا او تسالنا
شفتها جايا من بعيد بتجاهنا هي اسم على مسما ما شاء الله هي عيونها صفر وبيضا وجسمها مرتب بختصار هي كلش حلوه عكس اخوها هو اسمر وعيونا صفر وشعرا اسود وهل شي عاطيه شخصه بس شمس مبينا شقرا لان حواجبها صفر
وهي شمس كلش حبابا ومتواضعا عكس اخوها ما ادري ليش حسيته مغرور وصرنا اني وياها نتقابل يم باب الخروج لبين ما يجي الشتراك وهي اخوها احيانا اشوفو واحيانا لا اجت وكعدت ويانا وحجت
شمس :هاي بنات
بان : هاي
_هلا
شمس : اليوم ضوجه كلش
_اي والله عدقلا البان خلي نطلع ابكان
شمس :اي والله
بان : شنو رايكم نروح على قصر الشوكلاته
_اي عادي المهم نطلع
بان:تمام لعد نحنا ما راح نحضر المحاضرا بس خبري اهلج خلي ايكون عندم علم خاف ميقبلون
شمس : تمام هسه اخابر اخويه
بان التفتت علي
بان :لعد اروح اعطي الملازم لجنات لان خالتهن عندي واجي
_تمام
راحت بان واني بقيت كاعده اجت شمس وعطتني التلفون اني باوعت عليها ما مفتهما وهي كالت
شمس :اخويا ايريد يحجي وياج
انا استغربت ليش يحجي وياي ردت ارفض بس هي كالت لو هي تسمعك وخلتا على اذني وما عطتني مجال وسمعت صوتا
الولد : مرحبا خويه
_هلا
الولد :خويه بالله ديري بالج عليا تراها فاهيا ولا اتخليها تطلع الا اني اجي خاف ايصير شي
_لا اخوي لا تشغل بالك اخليها ابطن عيني
الولد : تسلمين خويه ما اتقصرين
