صحت من النوم وهي تشوف الساعه بدري جدًا على دوامها وانسدحت تكمل نومها بس فزت من سمعت صوت صراخ ، راحت للحمام تغسل ولبست السكراب حقها ولبست البالطو عليه وحطت مكياج خفيف ولبست عبايتها واخذت شنطتها ونزلت بسرعه تشوف ايش سبب هالصراخ ، شافت شهد واقفه تناظر امها وابوها الهاجدين وهمست لها : بنت شصاير!
سحبتها معها للخارج ونطقت بحماس : فاتك يبنت فاتك وربي
رحيق : اخلصي قولي
شهد : شفتي هالصراخ كان بين زوجة عمي سراب وعمي عبدالعزيز ، لان اخت زوجة عمي سراب نوير تذكرينها؟ بتجي للسعوديه بعد ماقعدو في لندن عشرين سنه
رحيق : طيب ليش الهواش؟
شهد تافافت : يوه رحيق استيعابك بطيئ دايم ، مو عمي عبدالعزيز وابوي متهاوشين مع زوج اخت عمتي سراب؟ بيجي هنا وبيسكن بحارتنا فهمتي!
رحيق بذهول : انتي كيف عرفتي كل ذا!
لعبت بشعرها بغرور ونطقت : حبيبي اذا ابي شي اجيبه غصب
رحيق ضحكت ونطقت : تعجبيني
شهد : اي انتي وين رايحة تو الناس
رحيق : قررت اروح بدري اليوم احسن
شهد : طيب افطري
رحيق وهي تركب سيارتها : لا باخذ قهوه
ارسلت لشهد قبله بالسماء ونطقت : انتبهي لنفسك
هزت راسها بالايجاب وهي تضحك ودخلت تكمل تسمع
-
نوير : تكفى ي سعود لاتسوي شي!
سعود : انا قلت ماني مسوي شي ، لكن ان قربوا مني بنهيهم!
عزام : خلاص يبه تعوذ من ابليس شفيك!
سعود : متعوذ لكن انا عارف ان مطلق وعبدالعزيز مابيسكتون
رهاد : تو ماتش على فكره! قفلوا ع الموضوع مليت!
افتخار رفعت راسها من على ايبادها ونطقت : الحمدالله احد تكلم ، ماطفشتوا!
سعود نطق بهمس : خيّال وين؟ طيارتنا مابقي عليها شي
عزام : دقيت عليه جاي
هز راسه بالايجاب ودخل للغرفه ولفت نوير عليهم ونطقت : لاتضايقونه هو متضايق لا تزيدونها عليه
هزوا روسهم بالايجاب وكل واحد رجع لجواله
-
دخلت رحيق للمكتب وناظرت فيها بصدمة : رحيق جايه بدري! معجزة
رحيق جت وسحبت المرسي قبالها ونطقت : خليك مني شصار ببيتكم بس؟
وريف : قامت الحرب
رحيق : عارفه يبنت شصار قولي
وريف : يعني عشان خالتي وزوجها وعيالها بيجون السعوديه وتعرفين ان ابوي وابوك مايطيقون زوج خالتي
رحيق رجعت لمكانها ونطقت : عبالي بيصير شي
وريف : لا عاد كل ذا ومو عاجبك ، جوي انا المشاكل
رحيق : مثل شهد نسخ لصق
وريف : يحلوها خويتي يارب تتخرج بسرعه عشان تجي معنا المستشفى
ضحكت بخفه ودخل فهد ونطق : محد مداوم غيركم؟
وريف : اي دكتور فهد شتبي
رحيق بصدمة : انتي تقولين دكتور فهد! معجزه
وريف : اسكتي مالك دخل ابي اتعود عليها
ابتسم ونطق : امشوا لي حاله بتجي
هزوا روسهم بالايجاب ومشو وراه للاسعاف
-
كانت تتجول في البيت بملل ونطقت الهنوف : تراك ادوختيني اجلسي مكانك
جلست جنب امها ونطقت : يمه طفش طفش شسوي يعني!
الهنوف : تزوجي
شهد بذهول : تو ماتش!
الهنوف : شسويلك يعني كل ماقلت لك شي قلتي لا
شهد : شرايك نروح نسوي شوبنق
الهنوف وقفت : روحي لحالك انا بروح لبيت عمك
شهد : خذيني معك!
الهنوف وهي تلبس عبايتها : اسرار كبار اقعدي بالبيت
ابتسمت من عرفت انهم بيتكلمون عن جية نوير وعيالها من لندن ونطقت : يمه شدعوه اقعد لحالي بهالبيت!
الهنوف : اوف شهد خلاص تعالي بس يويلك تتأخرين!
هزت راسها بالايجاب وراحت بسرعه للدور الثاني تبدل وتلبس عبايتها
-
كانت تتجول في البيت بملل ونطقت الهنوف : تراك ادوختيني اجلسي مكانك
جلست جنب امها ونطقت : يمه طفش طفش شسوي يعني!
الهنوف : تزوجي
شهد بذهول : تو ماتش!
الهنوف : شسويلك يعني كل ماقلت لك شي قلتي لا
شهد : شرايك نروح نسوي شوبنق
الهنوف وقفت : روحي لحالك انا بروح لبيت عمك
شهد : خذيني معك!
الهنوف وهي تلبس عبايتها : اسرار كبار اقعدي بالبيت
ابتسمت من عرفت انهم بيتكلمون عن جية نوير وعيالها من لندن ونطقت : يمه شدعوه اقعد لحالي بهالبيت!
الهنوف : اوف شهد خلاص تعالي بس يويلك تتأخرين!
هزت راسها بالايجاب وراحت بسرعه للدور الثاني تبدل وتلبس عبايتها
-
فهد هز راسه ونطق : بسيطه ان شاءالله ، رحيق ووريف روحو للمختبر وسوو الفحوصات حقين المختبر باجازه
هزوا روسهم بالايجاب وانطلقوا للمختبر ، نطقت رحيق بورطة : تعرفين للمختبر!
وريف ضحكت بسخرية : لعبتي بيبي
رحيق : نشوف
وريف : جيبي العينه بس
عطتها العينه وبدت تحطها بالمجهر ونطقت رحيق بصدمة : شدخل المجهر!
وريف : مادري
رحيق : مو تقولين لعبتي! يلا
وريف : المفروض نروح قسم سحب الدم صح؟
رحيق : شعرفني انا!
دخلت وحده باين عليها الكبر ونطقت : انتوا بتعملوا ايه!
فزوا يناظرونها بخوف ومسكت قلبها وريف ونطقت : اوف ريحاب خوفتيني!
ريحاب : رحيق ووريف؟ عايزين ايه؟
رحيق : ريحاب تكفين ساعدينا فهد عطانا عينه دم وقال افحصوها بالمختبر وحنا مانعرف شي!
ضحكت ريحاب ونطقت : فهد دا مشكلة ، هو انتوا بتعملوا ايه بقسم المقاهر؟
وريف : عشان نفحص عينت الدم!
ريحاب : ينهار ابيض ، هو المطلوب بتروحوا لقسم سحب الدم
رحيق لفت لوريف ونطقت بغضب : مو قلت قلت لك!
وريف : انا قلت يا كذابه ، واصلا عادي الانسان يغلط ترا!
ريحاب : تعالوا بقا هافحصه
وريف باستها بقوه بخده ونطقت : اعشقكك
ضحكت ريحاب وتوجهوا لقسم سحب الدم
-
~ مطار الملك عبدالعزيز الدولي بالشرقيه ~
سعود : نريح هنا وبكرا نحرك الرياض امشوا
عزام : ابشر يبه
ضحكت افتخار ونطقت : يمامي عزام علطول اقترنت
عزام غمز لها ونطق : شفي كيف
خيّال : علمني بس عشان ماتفشل
عزام : تمرجل بس وبعدين
رهاد : حبيت القفص
ضحك عزام ونطق خيال : حنا عيال الغرب وش جابنا للبدو
نوير : خيال ترا بفصل عليك
سكت خيال وضحكوا عليه ونطقت رهاد : خلاص حرام عليكم
خيال : اسكتي انتي بعد
ضحكت رهاد ونطقت بصدمة : هذي جزاتي!
-
كانت على جوالها وتسمع كلشي وتخفي ضحكتها
سراب : والله اخاف تصير مشكلة عاد تعرفين عبدالعزيز ومطلق مايسكتون
الهنوف : هوينها وتهون معليك ، عبدالعزيز ينفعل على اي شي تعرفينه بس بعدين يرجع حنين
سراب تنهد ونطقت : ماضنتي
رفعت انظارها الهنوف لشهد الي تضحك على جوالها ونطقت : وش الي يضحك؟
شهد ابتسمت ونطقت : لا بس شفت شي يضحك عيب اضحك؟
الهنوف ناظرت فيها بشك ونطقت : تسمعين من اذن وتطلعين من اذن فاهمه؟ لاتصيرين ام زكي
ابتسمت ونطقت : شدعوه ازهليني سرك في بير
سراب : الله يعين بس لا ينهدم ذا البير
شهد : تشكين بقدراتي يعمه؟
سراب : روحي روحي بس عندنا اسرار
شهد : ابشري من عيوني الثنتين مثلك تلبى مطاليبه
سراب ضحكت وهي ترمي عليها المنديل وصعدت شهد لغرفة وريف وانسدحت ع السرير
-
وريف : فهد طلع مابقي الا انا وانتي بالقسم
رحيق : لو صار شي بحطه براسك سهله
وريف : وش الخيانه ذي ، شكلي انا بعد بطلع
رحيق : حطيتك بالشفت معي
ناظرت فيها بصدمة وضحكت رحيق : وش اسوي يعني اقعد لحالي
وريف : حيوانه طيب استشيريني!
رحيق : تعيشين وتاكلين غيرها
وريف : عيونك الزرق تغفر لك
طلعت وريف من غرفة الانتظار تحت ضحكات رحيق
شافت شخص والواضح عليه تايه وتقدمت له : لو سمحت
لف لها وانصدمت من شافته ونطقت بصدمة : نواف؟ عسى ماشر؟
لف لها ونطق : لا بس واحد من اخوياي سوا حادث وجيت اشوفه
هزت راسها بالايجاب ونطقت : تبي شي؟
نواف : لا
وريف : تمام
مشت من عنده ونطقت تحت انفاسها : يع شفيه ننفس ذا!
راحت لاحد الحالات تتفحصهم
-
دخل البيت بعد يوم متعب وناظر امه وعمته ونطق بابتسامه: سلام عليكم عمتي شلونك؟
الهنوف : وعليكم السلام بخير جعلك بخير
فهد : الحمدالله
سراب : ولد ماشفت اخوك من طلع ماعاد رجع
فهد : لا والله يمه
سراب : طيب خلاص رح نام انت
هز راسه بالايجاب وطلع لغرفته ، كان يدور الشاحن بغضب ونطق : اهخ من وريف
مشى يتوجه لغرفة وريف وفتح الباب وانلجم من شافها منسدحة على بطنها وفوق جوالها ، سحبت البطانيه بسرعه ونطقت بصدمة : فهد!
كان يناظر فيها وساهي وفز من رمت عليه علبة المويه ونطق : وجع!
شهد : يوجعك اقولك شتبي؟
فهد : لا بس كنت ابي الشاحن
شهد : عسى ماشر اخوي ماعندك شاحن؟
فهد : شاحني هو ذا
شهد : اوكي خذه
رمت عليه الشاحن وصقع بجبته وفز بالم : وش فيك بتقتليني اليوم!؟
ضحكت بخفه ونطقت : شدعوه بس انت ماتعرف تمسك
طلع وسكر الباب وراه بغضب ورجع لغرفته وكل تفكيره فيها ، من يومه صغير وهو عاشق لها وصعب عنده الاعتراف ، يموت اذا شافها جنب اي ذكر ، ينخنق اذا شافها تكلم ذكر ، كيف لو تزوجت؟ يخاف من مشاعره ومن احساسه بنفس الوقت ونطق بتوتر : استغفرالله خلاص اعترف وفكنا
كان يقصد فيها قلبه ، يبغى قلبه يعترف انه يحبها ويفك عقله وتفكيره ومخاوفه واحاسيسه وضميره و يبدا معاها بداية جديده ، هو عارف انها ماتحبه لكن هو ضميان ولو قالها بترويه بحبها وجمالها وحضنها
-
سعود : ها جهزتوا؟
نوير : اي يلا مشينا
ركبوا السياره متجهين للرياض ونطقت رهاد بقرف : ليه مارحنا ع الطيارة راسي صدع!
عزام : كلها ست ساعات
افتخار بصدمة : وتقولها بكل برود!
خيال : خلاص عاد عن الدلع
رهاد ضحكت : على طول انت وعزام تتمسكوا باللهجة حبيت علموني
خيال : رهاد ارقدي
رهاد : سوري بس ايش يعني ارقدي؟ سبه!
خيال : لا حول ولا قوة الا بالله
سعود ضحك ونطق : يعني نامي يرهاد
رهاد : خيال بليز انت الي اقرد
خيال : اقرد اجل نامي نامي
ضحكوا عليها بعلوا صوتهم ونطقت بورطه : ايش قلت انا؟
نوير بضحكة : اسمها ارقد مب اقرد
افتخار : على فكرة كلها نفس الشي
عزام : اشتغل موكل الدفاع
رهاد حضنت افتخار من جنب ونطقت : ايش دخلك؟
ضحك بخفه وكملوا طريقهم بالسوالف والضحك والاكل
-
سراب : مو كان اخوك وزوجته تأخروا؟
عبدالعزيز : والله منك فجاه صقعتيهم وقلتي تعالوا المزرعه استقبل اختي
طنشته ولفت على غياث ونطقت : كم باقي ي غياث
غياث ضحك من تجاهل امه ونطق : باقي ساعه ونص
هزت راسها بالايجاب ولفت وريف بغضب : يمه شوفي فهد خلص الاكل!
سراب بحده : فهد! منت بزر اتركه
فهد واللقمه بفمه : يمه جوعان!
عبدالعزيز : لانك تتغذى قهوه جوعان اكيد
ضحك فهد بتسليك وكمل ياكل تحت صراخ وريف ، انفتحت بوابة المزرعه ودخل مطلق ، نزل مطلق ونزلوا البنات ونواف والهنوف وتوجهوا للقعده ، سحب مطلق عبدالعزيز على جنب ونطق : لاتسوي شي
عبدالعزيز : بحاول اتماسك عشان سراب ولا كان قمت عليه
مطلق : خله انا اعرفه بيقعد طول الجلسه يحاول يستفزك بس طنشه تكفى
هز راسه بالايجاب ورجعوا يقعدون ، نطقت سراب لغياث : كم باقي يولد؟
غياث : باقي ساعه يمه
شهد ضحكت بصدمة : منجدك عمتي تحسبين الوقت!
فهد ابتسم ونطق تحت انفاسه : يحظ امي بس
ناظر فيه غياث ونطق : اثقل
فهد ناظر فيه ونطق : تكفى كيف تبيني اثقل وقدامي ملاك!
غياث : هذي هلاك مو ملاك
فهد قرصه من تحت ونطق : انكتم
فز بالم وهو يضحك ونطقت شهد : يبه بروح عند لورا " فرسها " عبال مايجون
هز راسه بالايجاب وتوجهت شهد للاسطبل ، راحت لغرف التبديل وبدلت وتوجهت للورا ، صهلت لورا بفرح من شافت شهد ونطقت شهد : يامي انتي اشتقت لك!
فكتها وتقدمت لورا تمسح راسها بحضن شهد واحتضنت شهد راسها وهي تبوسه وطبع روجها عليها ، ابتسمت تركبها ونطقت بخوف : لي ست اشهر ماركبت تهقين نفلح؟
صهلت لورا بفرح وانطلقت للميدان بسرعه وتمسكت شهد باللجام بخوف وكانت لورا تمشي بالاسطبل بسرعه كبيره ووقفت من كانت بتصدم بالعامود ومن وقفتها السريعه طاحت شهد..
-
سراب : ها كم باقي؟
غياث ضحك بصوت عالي ونطق : يمه تكفين
سراب : اخلص كم
غياث : باقي ربع ساعه
رحيق : يعني مع الوقفات والمحطات نص ساعه
سراب زفرت بتوتر ونطق فهد : انا بروح للاسطبل طفشت
مشى يتجاهلهم ووقف باستغراب من ماشافها بالميدان وتوقع انها تبدل ، مشى لغرفة التبديل الخاص بالرجال وتفاجئ من جاته لورا تصهل بقوه وتناقز ، زفر بتوتر من عرف ان فيها شي ومشى خلف لورا وشافها طايحه عند العامود والدم ينزل من راسها ، فز بخوف يركض لها وحط راسها بفخذه ونطق وهو يضرب خدها : شهد تسمعيني! شهد!
بدأت تبكي من سمعت صوته ونطقت بصوت واطي : راسي
زفر براحة وشالها بين يدينه ونطق : سامحيني عاد
مشى فيها لـ الجلسات الداخليه وسدحها وغسل وجهها بمويا عشان توعى ، بدا يضمد جرحها وحط لها لصقه ونطق : خلاص كذا ، تحسين بوجع
هزت راسها بالنفي ونطقت : بس صداع
مسح على شعرها ونطق : طبيعي
وعت من شافت قربه ومسحته على شعرها ونطقت : خلاص شتبي الحين؟
فهد : تبيني اخليك كذا يعني؟
شهد : اي خلاص برجع
وقفت تمشي وتمسكت فيه من اختل توازنها وجلست ونطق بابتسامه : يلا روحي
شهد : تافه وغثيث وخر عني
فهد : بس انتي جمليه واروع من كل رائع
ناظرت فيه بصدمة وكمل : مغرم بنبرة صوتك بطريقة كلامك بضحكتك حتى بأنفاسك ، حددتي إقامتك بين قلبي ونبضي ووجداني وكل همسه عشق بكلماتي اعترف اني اعشق وجودك في حنايا روحي واعترف اني نظمت من عطش حروفي قصيده عشق وزينتها بأحرف زاهيه انثرها و اجمعها ثم اجمعها وانثرها على صدري حتى تذوب وتجري في عروقي وتنساب لـ قلبي عشان تجيب الدفء في جسدي يا من تسكن بين ضلوعي ، احبك واحب ابتسامتك واصغر تفاصيلك اللي مو متوقع اني منتبهه لها انا جدا مهتم فيها
كانت ساكته تناظره فيه بصدمة ، كان ممكن تبين كمية الكره الي بداخلها لك بهذي اللحظة تبخرت الـ ٢٨ حرف كلها من عقلها ، هز راسه بالايجاب ونطق : يعني ماعندك جواب ، تمام واسف اذا ضايقتك
مشى تاركها وهي لا زلات تحت صدمتها ، كيف شخص تكره كره عظيم يخبي كل هالمشاعر تجهها؟ زفرت بضيق وتيهان تمنع دموعها وقامت وهي ماسكه راسها بالم تتوجه لغرفة التبديل
-
غياث : ها يمه شوفي خلصت الربع ساعه ولا جو
سراب : اكيد زي ماقالت رحيق نزيد ربع ساعه
ضحكوا على حماسها وانفتحت البوابات ودخلوا سعود وعياله ، نزلوا من السياره وتوجهت سراب تحضن نوير بقوه تحت بكائهم الثنتين ونطقت سراب بدموع : عاش من شافك يختي!
نوير : ياحبي لك يختي
بعدوا عن بعض بعد مده وسلمت الهنوف سلام عادي وبعدها رحيق وبدها وريف الي حضنت خالتها ونطقت نوير : وريفي كبرتي!
وريف : ي حياتي ي خالتي حتى انتي كبرتي
ضربتها بخفه على كتفها وهي تضحك وتقدموا غياث وفهد يسلمون عليها ويبوسون راسها ، نزلوا رهاد وافتخار وعزام وخيال وسلموا عليهم سلام عادي بسبب ان مابينهم ميانه ابدا ، نزل سعود وناظر مطلق لعبدالعزيز الي صد بانظاره على صحنه يكمل اكله ، سلم مطلق على سعود سلام عادي ونطق سعود : ماودك تسلم يعني ترا السلام لله!
وقف عبدالعزيز يصافحه ورجع يجلس ، نطق سراب بفرح : تعالوا تعالوا داخل والرجال برا
رهاد دقت افتخار ونطقت : بنت شوفي ذا ابو دخان عجبني
افتخار بهمس : سمعت ماما تقول فهد شكل اسمه فهد
رهاد عضت شفايفها السفليه ونطقت : خيااالي!
افتخار : بنت اسكتي يمكن متزوج او خاطب اشبك!
رهاد : عادي اخذه منها!
افتخار ضحكت بسخرية : مو صاحيه
دخلوا للجلسات الداخليه ونطقت نوير : هنوف انتي ماكان عندك بنتين وين الثانيه؟
الهنوف ابتسمت : قاعده عند الخيول عاد هي فارسه اسم الله عليها
رحيق عقدت حواجبها ونطقت : بس الاسطبل مقفله انواره
الهنوف ناظرت فيها ونطقت بخوف : تستهبلين؟
سراب : اكيد تلاقينها ورا المزرعه تعرفينها ماتهجد ، ايوا يبنات اختي كم اعماركم
افتخار : شوفي خالتي من تحسين اكبر انا صح؟
سراب ابتسمت ونطقت : اي والله واضح
رهاد بصدمة : خير انا اكبر!
رحيق بهمس لوريف : شفيهم ذول يمونون!
وريف : اسكتي انا يا دوبك متحملتهم يارب شهد تجي وتفكني منهم
رحيق : مو مطمنه على شهد ذي تقول امي بالاسطبل ويوم شفت الاسطبل طلعت انواره مقفله
وريف : معليك ماينخاف عليها
سراب ضحكت ونطقت : عاد والله واضح افتخار اكبر
رهاد : راحت هيبتي
-
جت بتلبس كعبها ومن نزلت مسكت راسها بالم ونطقت : اوف عاد وقتهم يجون!
لبست جنز ابيض مع بلوزه بني ساتان بدون اكمان مع كعب شفاف ، نزلت من الدرج وناظروا فيها ونطقت الهنوف بصدمة : وش جابك فوق انتي ماكنتي بالاسطبل!
شهد بصوت خافت : يمه مو الحين
سلمت عليهم وجلست بين وريف ورحيق ونطقت نوير : مشاءالله هذي بنتك ي هنوف؟
ابتسمت ونطقت : اي بنتي اخر العنقود
نوير : مشاءالله الله يحفظها لك
ابتسمت الهنوف ناطقه بأمين ونطقت وريف لشهد : انتي فيكِ شي لو احد سأل عنك ماسكتي
ورتها شهد الجرح وشهقت بصدمة ، غمضت عيونها من صوتها ونطقت بهمس : الله ياخذك
نطقت بخوف : شفيك!
وريف : شوفي راس شهد!
ناظرت رحيق ونطقت : من وش!
شهد : اوف عاد بنات لا تطولونها طحت من الفرس
الهنوف : الله يهديك قلت لك لا عاد تتليقفين
شهد : اوكي!
الهنوف : الله يهديك قلت لك لا عاد تتليقفين
شهد : اوكي سوري!
نوير : اخر اوجاعك حبيبتي
شهد : وياك
نوير : سراب وين عيالك ابي اجلس معهم
سراب ابتسمت ونطقت : الحين اقولهم يجون
راحت لبرا تناديهم ورجعت وهم وراها ونطقت نوير : يهلا والله يهلا شلونكم؟
غياث جلس جنبها وفهد جلس جنب امه ونطق : بخير والله وانتي؟
نوير ابتسمت ونطقت : الحمدالله ، مشاءالله تبارك الله اخبركم باقي باللهايه والحين كبار ، وش تشتغلون؟
غياث : فهد يشتغل دكتور وتوقعي انا وش
ضحكت نوير ونطقت : وش؟
غياث : رجل اعمال
نوير : مشاءالله ناقصكم العروس
فهد ابتسم ونطق وهو يناظرها : جاهزه بس ننتظرها توافق عاد
ناظرت رهاد نظراته لشهد وزفرت بغضب ونطقت افتخار : مسرع وحبيتيه
رهاد : اسكتي ترا بقتلها الحين
ضحكت افتخار بصدمة ونطقت سراب : كذاب!
فهد ضحك ونطق : افا يمه انا كذاب!
سراب : من هي من هي
فهد : مايهم ، اذا وافقت قلت
زفرت بتوتر من نظراته لها ونظرات رهاد الغريبه ونطقت نوير : الله يجمعكم ببعض يامي انت
ابتسم فهد بتسليك ونطق غياث : تخسي تتزوج قبلي فاهم
فهد : نشوف
وقف ونطقت نوير : وين تو الناس
فهد : والله وراي اشغال بروح الحق
اشر على رحيق ووريف ونطق : المفروض اخذ ذولي الثنتين بس اعطيتهم اجازه اليوم
وريف : يحبيبي انت بوسات والله
طلع فهد ولحقته شهد ، شكت رهاد وطلعت وراهم تراقبهم ، وقفت ورا الجدار وهي تشوفهم وتسمع ، مسكت كتفه بقوه ولفته عليها ونطقت بغضب : كم مرا قلت لك لا تلمح كم!
فهد فلت ذراعها منه ونطق : بقعد المح لين ترضين تمام!
شهد : ماراح ارضى واذا جبت السيره ذي مرا ثانيه وربي لافضحك
قرب منها اكثر ونطق : افضحي لانه ذا المطلوب! ابي الكل يعرف اني احبك واهيمك واموت فيك بس لو بيدي اعترفت اليوم قبل بكرا ، بس مابيك تنحرجين
حبست بدموعها ونطقت : وش الغباء والرخص الي انت عايش فيه ، قلت لك وبرجع اقولك مابيك طيب ووخر من دربي
ناظر لثغرها لثواني وارتبكت ووقفت بصدمة من قبل ثغرها ، شهقت رهاد بصدمة ودفت شهد فهد بقوه وضربته على خده ونطقت بغضب : مين انت! مااحل لك ما احل لك! وش قلة الادب الي انت عايش فيها!
ضحك بسخرية ونطق : بتصيرين زوجتي واذكرك بعد
شهد : ماني زوجتك ولاشي وخر عني!
مشت تاركته تحت صدمة رهاد
-
عبدالعزيز : مسامحك انا ي سعود بس عشان زوجتي
سعود : وزوجتك مادرت باقي!
مطلق اشر له يسكت ونطق سعود : شدعوه تسكتني محد يعرف غيرنا الثلاثه؟
عبدالعزيز ضرب ع الطاوله ونطق : انكتم
مطلق : لو يجوون فهد وغياث ويسمعون والله..
غياث عقد حجاجه من وراهم ونطق : اذا سمعنا وش؟
غمض عيونه عبدالعزيز بتوتر ونطق مطلق : اجلس اجلس مافي الا العافيه
فهد تقدم قدام ابوه ونطق : انت دايم تخبي عنا هالشي ودايم نسكت لك ، تخاصمتوا انت واني بسبب هالموضوع الي حتى امي ماتعرف عنه شي! وش كبره هالموضوع عشان اني ماتعرفه!
نواف : فهد اجلس شفيك!
فهد : ماني جالس ، وانت تكلم!
عبدالعزيز وقف من مكانه ونطق : انت! اصغر عيالك انا!
-
دخلت تبكي وصعدت لفوق تحت صدمتهم ونطقت وريف : انا اروح اشوفها
دخل وراها رهاد الي الصدمة باينه على وجهها ونطقت نوير : رهاد شفيك؟
تكلمت بسرعه تخفي صدمتها : لا بس ظفري انكسر
هزت راسها بتسليك نوير وراحت للحمام واشرت لافتخار تجي ، مشت وراها للحمام ونطقت افتخار : شفيك؟
رهاد : شفت الحرام قدام وجهي
افتخار : وش تقولين انتي؟
رهاد : اهخ افتخار ماراح تصدقين
افتخار : رهاد ممكن تقولين بدون لف ودوران!
رهاد : تخيلي يوم شفت ذا فهد طالع شفت شهد طالعه وراه وشكيت فيهم ، ومشيت وشفتها تصرخ بوجهه وفجاة بوسها بشفايفها!
سكتت افتخار بصدمة ونطقت بضحكة : مستحيل
رهاد دفت كتفها ونطقت : والله اشبك!
افتخار توسعت عيونها ونطقت : منجدهم ذول! موطبيعين
-
وريف : شهد تكلمي شفيك احد قالك شي!
نطقت بصراخ وهي تبكي : ياخي مافيني شي كم مرا بقولك اطلعي!
وريف بصدمة : شهد منجدك! كل ذا ومافيك شي!
حطت يدينها على وجهها وهي تبكي ، ماتدري ليه تبكي ، قهر ولا خوف ولا كره ولا تيهان ، حست من بعد قبلة بمشاعر ماتقدر تفسرها ، صح انه سوا شي حرام لكنها مافكرت بهالمنطق ، فكرت بتلخبط مشاعرها الغريب له وهي كانت كاره له ، كيف بتحبه بسبب قبله؟
تنهدت ونطقت : تمام بخليك لحالك
طلعت وريف وقعدت شهد تناظر الفراغ امامها ، ندمت من ضربها له ماتدري ليه ، ندمت انها صدت عنه وندمت انها تجاهلته ، عضت شفايفها تمنع دموعها لكن ماقدرت وانهارت تبكي
-
غمض عيونه عبدالعزيز بتوتر ونطق مطلق : اجلس اجلس مافي الا العافيه
فهد تقدم قدام ابوه ونطق : انت دايم تخبي عنا هالشي ودايم نسكت لك ، تخاصمتوا بسبب هالموضوع الي حتى امي ماتعرف عنه شي! وش كبره هالموضوع عشان امي ماتعرفه!
نواف : فهد اجلس شفيك!
فهد : ماني جالس ، وانت تكلم!
عبدالعزيز وقف من مكانه ونطق : انت! اصغر عيالك انا!
-
دخلت تبكي وصعدت لفوق تحت صدمتهم ونطقت وريف : انا اروح اشوفها
دخلت وراها رهاد الي الصدمة باينه على وجهها ونطقت نوير : رهاد شفيك؟
تكلمت بسرعه تخفي صدمتها : لا بس ظفري انكسر
هزت راسها بتسليك نوير وراحت للحمام واشرت لافتخار تجي ، مشت وراها للحمام ونطقت افتخار : شفيك؟
رهاد : شفت الحرام قدام وجهي
افتخار : وش تقولين انتي؟
رهاد : اهخ افتخار ماراح تصدقين
افتخار : رهاد ممكن تقولين بدون لف ودوران!
رهاد : تخيلي يوم شفت ذا فهد طالع شفت شهد طالعه وراه وشكيت فيهم ، ومشيت وشفتها تصرخ بوجهه وفجاة بوسها بشفايفها!
سكتت افتخار بصدمة ونطقت بضحكة : مستحيل
رهاد دفت كتفها ونطقت : والله اشبك!
افتخار توسعت عيونها ونطقت : منجدهم ذول! موطبيعين
-
وريف : شهد تكلمي شفيك احد قالك شي!
نطقت بصراخ وهي تبكي : ياخي مافيني شي كم مرا بقولك اطلعي!
وريف بصدمة : شهد منجدك! كل ذا ومافيك شي!
حطت يدينها على وجهها وهي تبكي ، ماتدري ليه تبكي ، قهر ولا خوف ولا كره ولا تيهان ، حست من بعد قبلة بمشاعر ماتقدر تفسرها ، صح انه سوا شي حرام لكنها مافكرت بهالمنطق ، فكرت بتلخبط مشاعرها الغريب له وهي كانت كاره له ، كيف بتحبه بعد كل ذا وهو يسوي الحرام بعد؟
تنهدت ونطقت : تمام بخليك لحالك
طلعت وريف وقعدت شهد تناظر الفراغ امامها ، ندمت من ضربها له ماتدري ليه ، ندمت انها صدت عنه وندمت انها تجاهلته ، عضت شفايفها تمنع دموعها لكن ماقدرت وانهارت تبكي
-
غياث : يبه حنا سكتنا وقلنا اكيد بيقولنا بوقت لكن ماصارت! حتى امي ماتدري!
عبدالعزيز : اشياء ماتخصكم ولا تخص امكم زين؟ فكوني!
مشى يتجاهلهم ونطق غياث : عمي تكفى قل وشفيه
مطلق : مافيه الا العافيه اجلسوا
-
صحت من النوم وهي تشوفهم كلهم بالغرفة نايمين معاها بسبب نومتهم بالمزرعه الا رهاد الي كانت فوق جوالها ، قامت تتوجه للحمام " يكرم القارئ " وانتبهت لها رهاد ومشت خلفها ، وقفت وراها بالمغاسل ونطقت شهد : في شي؟
رهاد وهي تلعب باظافرها : كم تعطيني عشان مافضحكم؟
شهد : تفضحينا؟
رهاد تقدمت لها ونطقت : على فكره شايفتك مع ولد عمك
سكنت شهد بصدمة من عرفت قصدها ونطق بغضب : لو احد يعرف والله..
قاطعتها رهاد : لاتقعدين تهددين بدون فايده لاني بسمع من اذن واطلع من اذن ، بس بشرط عليك شرط ، انك تبعدين عنه ولا تعطينه وجه لانه صراحه عاجبني وانتي فوتي فرصه كبيره
شهد ضحكت بسخريه ونطقت : ياسرعك مشاءالله وحبيته امداك؟
رهاد : ماتسمعين بالحب من اول نظره؟
شهد : بس انتي ماتسمعين بالرخص
مشت تاركتها ونطقت بين انفاسها بعصبيه : تشوفين ان ماخذته منك
طلعت وراها وشافتهم برا ع الفطور ومشت لهم ، نطقت بدلع : هاي
ناظروا وريف ورحيق بعض وضحكوا بصمت ، جلست شهد بصمت جنب رحيق وقعدت رحيق بين وريف وشهد ، كملت وريف تاكل اكلها بهدوء
ناظرت فيهم رحيق باستغراب ونطقت : انتم متهاوشين؟
هزوا روسهم بالنفي ونطقت رحيق : مستحيل انتم ماتلعلعون؟ اكيد متزاعلين
شهد : قلنا مافي شي يعني لازم تحقيق!
رحيق : ماقلت شي طيب!
الهنوف : بنت شفيكم!
وقفت شهد ونطقت : شبعت ، بالعافيه
سراب : وين ماكلتي شي
شهد : عندي كلاس بروح له يكفي غياب امس
مشت تلبس عبايتها وتطلع للسواق
-
رحيق : بنت شفيكم؟
وريف : شفتي يوم امس جت تبكي ، دخلت وسألتها شفيك قامت طردتني كذا فجاه؟ وربي لاربيها
رحيق : طيب ليه بكت؟
وريف : اقولك طردتني وانتي تقولين ليه
نوير ناظرت لسراب ونطقت : متى ودكم نرجع لبيوتنا عاد نفسي اشوف بيتنا
سراب ابتسمت ونزلت الملعقه ونطقت : عادي حبيبتي متى ماودك روحو تراه قريب هنا حتى تروحين مشي ، وخلاص اصلا ماعاد بنمسي هنا هي بس ليله وحده
نوير هزت راسها بالايجاب ونطقت افتخار : ماعندكم فعاليات؟ احس ملل!
سراب ضحكت ونطقت : وش تبين فعاليات؟
افتخار : اي شي
ضحكت بخفه سراب ونطقت : خلاص ابشري نشوف
نطقت وريف بهمس لرحيق : هم ليه يعاملونها كانهم من قبل يعرفونها !
رحيق : مو فاضيه لسوالفك بروح
قامت رحيق وزفرت وريف بقرف ، راحت للمغاسل وطلعت تتمشى بالمزرعه ، شافت شخص يدخن عند الورد ونطقت : قاعد تضرهم
ناظر فيها بصدمة ونطق : كيف يعني؟
رحيق : الدخان يضر الورد انتبه
عزام : عادي نهايتها تبذل
رحيق : بس لما نجي نستنشقها ، ريحة دخان!
عزام : توصفين نفسك
ناظرت فيه بعقدة حاجب وناظرت سلسالها المكتوب عليه اسمها ، تنهدت ونطقت : شف انا وين وانت وين ، اقول بيذبل ويخرب!
عزام : تحبين تفعلين باسمك ي رحيق
زفرت بتوتر ونطقت : طيب ممكن تطفي الدخان!
رما الدخان وطفاه برجله ونطق : كذا تمام؟
هزت راسها بالايجاب ونطق بابتسامه : على فكره رحيق حلوه محاجرك الزرق
راح من عندها وضحكت بصدمة ومشت تكمل
-
نطقت افتخار بصدمة : واو! هذا بيتنا
نوير ابتسمت ونطقت : عجبكم؟
رهاد : خيااالل!
خيّال : بس لو فيه غرفة قيمنق كان افضل
سعود : عادي سو فغرفتك
خيال : غرفتي! لحالي بدون عزام!
سعود : اي خلاص بتفتك منه
رفع يدينه للسماء ونطق : الحمدلله ياربي الحمدلله
عزام ضحك ونطق : لهالدرجة
خيال : اي حبيبي بفتك منك ي الدجاجه
طلع خيال ركض لغرفته ضحك سعود ونطق : انا بخرج تبون شي؟
هزوا روسهم بالنفي وطلع والتفت رهاد لامها ونطقت : البيتين الي جنبنا لخالتي وذيك الي معاها؟
هزت راسها بالايجاب : ذيك لها اسم
رهاد : يمه انا اسفه بس محد عاجبني من عائلتكم ، الا شخص واحد صراحة مغرمه مغرمه
نوير ضحكت ونطقت : آمري مين ونذر لاجيبه لك
رهاد : فهد ولد خالتي اووف يا عليه جمال
ابتسمت نوير ولا استغربت لانها تجهل اشياء كثير وتفكيرها على جيل زمان ، عاشت بالغربه عشرين سنه كيف ماتنسى العادات والتقاليد ، ابتسمت لرهاد ونطقت : انا قلت نذر يعني تبشرين به وانا بنت ابوي
ابتسمت رهاد ونطقت افتخار قبل تنطق رهاد : نسيتم شهد شكلكم؟
رهاد كشرت ونطقت : اوف منها ذي كيف نصرفها عنه؟
نوير : ليه شدخلها
رهاد : فهد يحبها لكن هي الواضح ماتطيقه
نوير : بس؟ سهله حبيبتي الرجال اهم ماعنده جسم المراة وانتي ماشاءالله عليك افضل من شهد المعصقله ، بس نغريه بكم شي وسهالات
ابتسمت رهاد تحضن امها ونطقت : احببك
نوير ابتسمت ونطقت افتخار : يعني بتحاربون شهد؟
نوير : لعيون بنتي تخسى شهد ذي
رهاد : اهخ مامي احبك
افتخار ضحكت ونطقت : مو صاحين
-
دخلت رحيق وشافتها فوق ايبادها ونطقت : ممكن نتكلم؟
نطقت بتعب : رحيق والله مالي خلق
دخلت وسكرت الباب وراها وجلست جنبها ع السرير ونطقت : انتي امس واليوم منتي طبيعيه ، فيك شي احد قالك شي؟
شهد تأفأفت ونطقت : كم مرا بقولكم ان مافيني شي خلاص عاد!
رحيق : عشان كذا تهاوشتي مع وريف؟ يعني مافي شي
جات بتقوم ونطقت شهد : فهد
عقدت حواجبها رحيق ونطقت : شدخله؟
شهد : تعرفين اني ماطيقه بس انصدمت يوم طحت من الفرس هو ساعدني ، واعترف لي رحيق اعترف!
ماكنت ادري والله ان كل ذا بقلب شخص اكرهه!
نطقت بصدمة : منجدك انتي! كيف اعترف يعني يحبك!
هزت راسها بالايجاب ونطقت رحيق : وانتي وش قلتي
سكتت شهد ونطقت رحيق بغضب : منجدك ترفضينه! غبيه انتي احمدي ربك احد عطاك وجهه
نطقت بصوت مهزوز : وش اسوي طيب اكرهه ولا اطيقه
رحيق : مستحيل ماتغير شي بعد الي صار!
شهد : صرت اكره اكثر على فكره
تنهدت رحيق ونطقت : بكيفك
نطقت ودموعها اخذت مجراها : يعني قاعده تزنين علي يوم كامل ويوم قلت لك قلتي بكيفك!
ناظرتها بصدمة ونطقت : طيب ليه تبكين!
شهد بدموع غطت وجهها: ياخي تعبت والله تعبت
حضنتها رحيق من جنب. ونطقت بذهول : شفيك!
رفعت راسها لها ونطقت : تكفين خليني لحالي
رحيق : شهد! كل ماقلنا شي قلتي خلوني لحالي ولا مالكم دخل واذا ماقلنا شي قلتي ماتهتمون!
شهد : لاني مادري مادري عن شي! انا صح ولا انتم ولا هو ولا بنت خالته ولا مين ، انا تعبت منه تعبت لاتمشون على كلامي ولا تهتمون لي تكفون اتركوني بس لحالي
دخلت الهنوف ونطقت بصدمة : بنت شفيكم!
صدت تمسح دموعها ووقفت رحيق : مافي شي يمه امشي
تقدمت لشهد ونطقت : ليه تصيحين!
رحيق : يمه ضغط الجامعه ماتعرفين شهد يعني!
الهنوف بحده : تكلمي شهد انا ماقلت رحيق
شهد بصوت راجف : مافي شي وش بيصير يعني!
هزت راسها بالايجاب وطلعت وطلعت وراها رحيق ، دخلت غرفتها وجلست ع التسريحة تسوي الاسكن كير حقها ، ابتسمت تتأمل عيونها الزرقاء مثل عيون ابوها ، عضت شفايفها السفليه من تذكرته وتذكرت نظراته لعيونها ، ماتدري هي نظرات اعجاب ولا دهشه ولا حب ولا تسليك ، نطقت بصدمة : انتبهي لاتتعمقين عشان ماتصيرين زي شهد
وقفت من التسريحة ولبست البالطو وتوجهت للمستشفى
-
وصلت للجامعه وجلست تناظر الفراغ تتنتظر محاضرتها ، جلست تناظر الفراغ وفزت من شافتها جنبها ونطقت : بسم الله متى جيتي
ميلان : لي ساعه ي حماره ولا انتي ملاحظه ، وشفيك وش النفسيه الخايسه ذي حتى نفسية الحوامل افضل
وقفت شهد ونطقت : امشي الحين تبدا المحاضرة
مسكتها تجلسها ونطقت : خليها تبدا قولي لي شفيك
قامت مرا ثانيه وقامت معها ودخلت يدها بيدها ، تنهدت ونطقت : تذكرين ولد عمي فهد؟
ميلان : اي شفيه
نطقت لها كل الي صار ونطقت بصدمة : منجدك انتي بعد تسحبين عليه!
شهد : شوفي انا وين وانتي وين ، انا خايفه من ذي رهاد تنطق بشي
ميلان : وهم بعد من اول يوم قلبوا عليك شدعوه!
شهد : شفتي مارتحت لهم
ميلان : خليك بس كيف نوافي؟
شهد بسخرية : نوافك!
ميلان : اي عاد مدري شفيه مر قاعد يرد علي الحيوان
شهد : مدري عنه بالفتره الاخيره عقله ملحوس
ميلان بوزت ونطقت : ي روحي هو
شهد : ياختي عليك
ابتسمت ميلان ونطقت : امشي تأخرنا خمس دقايق الحين مشاعل تشرشحنا
دخلوا القاعه ونطقت الدكتورة مشاعل : نعم متأخرين جامعة ابوكم!
شهد : كنا بـ..
مشاعل بعصبية : مااهتم لاعذاركم واطلعوا برا!
شهد : مو بكفيك حبيبتي تأخرنا حنا بس وين المشكلة!
مشاعل : وتراددين بعد! اطلعي
شهد ابتسمت بتسليك ونطقت : بكل سرور
طلعت وطلعت وراها ميلان وسكرت باب القاعه بقوه ، ميلان بصدمة : من جدها ذي!
شهد : بحذف مادتها
ناظرت لها ووسعت عيونا بصدمة : عشان بس قالت لك اطلعي تحذفينها! شهد اصحي
