.... رايحة نجري نحس عظامي رايحين. يتكسرو، فوسط غابة خالية حبست كي سمعت صوت ورايا..
....: حبسي مكانش وين تهربي..
درت كملت نجري معلاباليش وين رايحة جيست نجري لمهم نهرب.. زدت سمعت اصوات غريبة.. صوت كلاب... لا لا صوت حلوف... اصوات تاع ديوبا.. يا ماما اجري ليا راح نموت هنا... اففف على الاغلب بديت نخروض... زدت نجري قلبي يخبط خايفة لحالة خالية و تخوف ، نجري و رجليا يرجفو... حتى خبطت في عبد رجلي لتوات و طحت طلعت راسي شفت فيها... مراة مش معقولة تكون فسن 30 لابسة فستان ابيض زينها كيف لملاك... حسيت بالامان كي شفتها تبسمت معاها ... ضحكت معايا و حنات ليا فالارض شدتني من يديا و مسحتهملي بيديها... مبعد وقفتني باستني من جبيني
..... : بنتي...
تبسمت معاها.. حتى نحس بيد في كتافي درت لقيتها ماما
_ماما واش ديري هنا؟
صفية: نتي واش ديري هنا تعرفي هاذ لمراة؟
وليت شفت فيها و ضحكت
_ماما هاذي عاونتني كان مشي هيا كان راهم خطفوني
صفية: روحي معاها مالا و متزيديش تولي منحتاجكش
دفعتني عندها و ملامح الغضب باينين في وجهها
_ماما علاه تحكي هاك؟
تطقت هذيك المراة
....: خلاص بنتي نوضي نمشيو
صفية: اييه رووحي
بديت نسمع اصوات غريبة و هذيك المراة تهضر
....: هيا بنتي.. نوضي هيااا... نوضي
واش هاذ الاصوات كلشي تخلط.. اصوات طونوبيلات... لا لا... اميرة هاذي... شفت فلمراة
.....: هيا نوضيي قتلك
_ _ _ _ _ __ _ _ __ _ _ _ _
_خليينيي... بعدي
اميرة: يا بنت نوضي ناس ترقد فلبيس؟
حليت عينيا قعدت ثواني باش رجعت ذاكرتي.. خرجت نفس طويل و تنهدت، كان منام.. قصدي كابوس.. شفت فاميرة
_كنت نوم.. اففف تبهدلت
ضحكت عليا صحبتي
اميرة: ياخي مهبولة... رقدتي و حلمتي تانيك 😂
_بلا ضحكك لباسل.. قتلك داتني عيني و حلمت واحد لمنام مخربش و يخوف..
اميرة: هههه خلاص هيا ننزلو.. احسن مايطردنا مول restaurant
نزلنا نتمشاو فطريق و اميرة تضحك عليا و انا فشلانة علخر
هاذي هيا صحبتي اميرة طفلة كي لعسل متربين انا وهي في خطرة، يعني حنا كتر ملخواتات قرينا مع بعض كبرنا مع بعض ذكرياتنا كامل مع بعض ، قدي ف l'age، في عمرها 18سنة فوتنا لباك و لحمدلله في زوج ربحناه بمعدلات ممتازين، جاية مهبولة و عفوية مرات نحسها مهبولة طايرلها بولون في مخها هههه و طبعا انا كثر منها تخمامنا كيف كيف اصلا...
وصلنا ل restaurant لي نخدمو فيه قابلنا ظافر
اميرة: صباح لخير
ظافر: هاذا وين نتوما
اميرة: ملقيناش ركبة..
ظافر: اخر مرة منحبهاش تتعاود
شفت فيه بنص عين، قلبت عينيا و دخلت يعني روطار تاع 2 دقايق يديرلك محاضرة عليه ، دخلنا للغرفة بدلنا حوايجنا.. لبسنا توني تاعنا تاع les serveur و خرجنا نسربيو طلبات ليكليون...
____________
نروحو لجيهة اخرى:
تحديدا فلعاصمة:
قدام garage كبيير وسط غابة خالية
ڨارا طوموبيلتله و نزل... هبط منها.. غلق لباب و قدم... محاوطين المكان رجال لابسين طقم اسود و حاطين نواضر واقفين كي الالات... يبانو les gardes تاوعهم...
دخل للڨاراج قابله محمد.. و خوه معاذ
حاطين طابلة فيها كل انواع المخدرات غير شافه معاذ طفا ڨارو تاعه و ناض
VOUS LISEZ
••قواعد صارمة •• «باللهجة الجزائرية»
Action_متلازمة ستوكهولم : ظاهرة نفسية تصيب الفرد عندما يتعاطف أو يتعاون مع عدوه أو مَن أساء إليه بشكل من الأشكال، . حيث تُظهر فيها الرهينة أو الأسيرة التعاطف والانسجام والمشاعر الإيجابية تجاه العدو أو الآسر، تصل لدرجة الدفاع عنه والتضامن معه. ♕♡قصة خيا...
