#لعبه الهواجس
بقلمي : غدير✨🍃
______________
جا مثلهم تنگلب ضدي !
عفت شمسي و ضواها
و رحت لأجل شموع،
يا شمعه التنور دربَك بگدي؟
*******************
في غرفه مضلمه لا ينسمع سوى شهكات تلك الصغيره التي تجلس في زاويه الغرفه و كانت تتمتم بكلمات غير مفهومه بسبب شهكاتها و لكن من الواضح انها تعاتب شخص
_اللهي دخيلو لاسمك تعبت لي متى اني راح ابقى اتعذب ربييي تعبت وحق رسولك محمد تعبت بعد ماعندي طاقه اواجهم... باباا وين عفتني يم هذول الميخافون الله ليش عفتني و رحت ليش ما اخذتني وياك
سمعت صوت طرق الباب يصاحبه صوت أكثر شخص مستفز
_هييي انتي كومي يله كافي بجي
_عوفيني بحالي و امشي طلعي اريد ابقه لوحدي
_لا ما اطلع كومي يله رتبي روحج و لبسي لبس حلو و تعالي وراي اجو الناس يشوفوج
_لج انتي شتردين مني مو دمرتيهه الحياتييييي تعبتينيي امشي طلعي الله ياخذني و يخلصنييي منججج
_كافي لطم جبتي حياتج بس تبجين راح توافقين غصباً ما عليج فهمتيييي
_لا ما فهمت شنو اني سلعه لحتى تبيعيني مو بكيفج ماراح اوافق
طلعت و سدت الباب و اني بقيت افتر بالغرفه دمي فأر احس يطلع من مسام بشرتي حراره اخذت التلفون لحتى اتصل عليه لان گال راح اجي انقذج اتصلت مره رفضه مره ثانيه مارد المره الثالثه طلعلي الرقم مغلق حيييل تعصبت و رگعت التلفون بالحيط و صار طشار انفتح الباب انداريت لحتى اشوف منو اجه وإذا اشوف رجال طويل لابس اسود و ينضرلي بخبث
اريد اعيط ما اكدر احس صوتي اختفه ادور على صوتي باحبالي الصوتيه مجاي يطلع تقدم عليه و كال بخبث
_شلونك يَحلو
بالگوه يالله طلع صوتي بس احجي بصعوبه و كلت
_منو انتَ؟
_انا ابليس
حجه و هوه يطلع جكاره من جيبه و شعلهه
_راح اخلي حياتج جحيم انتي الان صرتي بلعبتي
_منو انتَ و شلون دخلت... ممماااماااا ويييينججج
_لج يولي صوتج لتصيحين محد راح سمعلج
_امي وين شسويت بيهه
_ماسويت شي لان امج هيه الي باعتج الي.......
يتبع🤑....
في أساطير القتام
اشهُم متهور و تائِه يسيرُ نحو الضلام
خطواتٌ مُهلِكة يخطوها بإنسجام
سيرٌ كالعقارب تحت الرُكام
تتحرك مُدركةٌ الوقت لكن بِشرود
مُثيره للتساؤلات و التعقيد تسيرٌ ثانيةٌ ثانية
بكُل برود
مُحاربةٌ عذبةٌ و ذكية سقطت قُسراً في هذا القاع
لتغرق فيه بلا انتهاء...
من الاكابر الأثرياء ، المُنعَميّن غير الاشقياء
شهم اسود يحيط يُحيط بغلفةٍ و عناء
لكنهُ..متهورٌ عَنيد ، غير مُتأني مليئّ بالتعقيد
لا يخشى اي شيءٍ إلا القليل
فما السبيّل ؟
و كيف ستكون نهاية هذه الأساطير
"لعبه الهواجس" اهيّ العشق ام
التضليل......؟
***
بداية جديدة مع رواية جديده انشالله😎
قصه جديده تحمل في طياتها الكثير من الغاز
و الغموض
و الشسمه الروامنسة🌚
بقلمي:غدير✨🍃
أنت تقرأ
لعبه الهواجس
Actionوإذا كتبتُ فأنتِ كلٌ قصائدي و بكِ الحروفُ تَزينُ و الأسماءُ🕊️💔 بقلمي:غدير✨🍃 ©جميع الحقوق محفوضه....
