بسم الله الرحمن الرحيم
اللهم صلِّ على محمد وآل محمد وعجل فرجهم والعن عدوهم
.
.
أولاً: تسمي بإسم الله الرحمن الرحيم وتغسل اليدين وهو مستحب مو واجب مستحب
(التمضمم مستحب وكذلك الأستنشاق مستحب)
ثانياً: غسل الوجهه مرتين الأولى واجبة الثانية مستحبه الثالثه باطلـة
انتبهواا!!!
اكو فرق بين غسل الوجهه وصب الماء، صب الماء على الوجهه هو تاخذ الماء وتشمره على وجهك بدون ماتمسح وجهك بايدك ونكدر نصب الماء على وجهنا مرات عديدة وحده ثنين ثلاث عسا ما عشرين عادي ماكو أشكال لان صب الماء حتي نوصل الماء لكامل الوجهه ،
بين صب الماء على الوجهه وغسل الوجهه( فــــرق)
بعدين شنو نسوي نغسل الوجهه شلون نمسح ايدنا على وجهنا من قصاص الشعر الى الذقن طولاً
نمسح من الجبين الى اسفل الذقن (الحنج)
وننزل جوه الذقن مقدار اصبع حتي يوصل الماي يعني نغسل وجهنا من الاعلى الى الاسفل مو بالخربطه!!!
او على شكل دوائر!!
من الاعلى الى الاسفل من قصاص الشعر الى الذقن
طولاً وماااشتمل علية الإبهام والوسطى عرضاً، وبعدين نمسح بايدنا كامل وجهنا ونمسح (الأعين) ندخل الماي للعين حتي يوصل ماء الوضوء للعين ونمسح(الحواجب) واطراف (الفم) واسفل (الأنف)(وجانبي الوجهه)
حتي ماء الوضوء يوصل لكامل الوجهه
هاي الغسله الأولي (واجـبـة)
الغسلة الثانية (مستحبه)
الثالثه مايجوز( باطلة)
ثالثاً:( غسل اليدين)
غسل اليد اليمنى الأولى( واجبة)
نأخذ الماي ونصب على المرفق الى اطراف الاصابع وبين الأصابع هم حتي يوصل ماء لكامل اليد، اذا كان اكو شي داخل الاظافر ينزال تنضف الاظافر ونوصل الماء للاظافر.
(ملاحظة) يستحب للمراءة ان تغسل وتصب الماء من باطن المرفق (مستحب)
والرجل من ظهر المرفق(مستحب)
الغسلة الثانية( مستحبه) مو واجبة
غسل اليد اليسرى: كذلك هم نصب الماء (نكدر نصب الماء اكثر من مره الصب يفرق عن الغسل!!!)
من صبينا الماي نغسل اليد من المرفق الى أطراف الأصابع وبين الاصابع
(مرة واحد) عادي اذا غسلنا اليد اليسرى مرتين مايبطل الوضوء
هسة خلصنه غسل الأيدي
🔴انتبهـواا انتبـهوااا
هنا الخطاء الشاسع لازم ننتبهه
من اخذنا ماي لليد اليسرى قبل لنغسل اليد اليسرى نغلق الحنفية باليداليسرى لان الحنفية رطبة راح تصير رطوبة جديده باليد هاي الرطوبة الصارت باليد راح تخل بالمسح الرأس الإمام الصادق يكول:
( وان تمسح ناصيتك ببلت يمينك )
يعني تمسح راسك بنفس بلل الوضوء لاتلمس اي شي رطب وبي ماي يعني الشي الي بيه رطوبة لاتلمسه واضح؟!
🔴وبعد ممنوع تجيب ماي أضافي على ايدك او تمسح اليد اليمنى باليد اليسرى او تمسح بيديك قبل التثبيت!!!!!!!
🔴الاسراف!!!
من نكمل صب الماء ونريد نغسل الوجهه او اليدين نغلق الماي قبل الغسل واضح مانخلي الماي يجري!!! هذا إسراف مايجوز!!!!
رابعاً:(مسح الرأس)
يجوز مسح الرأس وهو ما يقارب ربعه مما يلي الجبه
بما بقى من بلت اليد
ويكفي به المسمى طولا وعرضاً،الأحوط_استحباباً
إن يكون العرض ثلاث اصابع مضمومة والطول قدر طول الإصبع
يعني تمسح راسك بثلاث اصابع مضمومة والطول
مقدار طول الإصبع، ويكفي إن تمسح على شعر،
حتي لو بعرض إصبع طولاً وعرضاً
خامساً:( مسح القدم )
أولاً : نمسح القدم اليمنى باليد اليمني استحباباً (مستحب)
ونمسح القدم اليسرى باليد اليسرى
(او اثنين الاقدام سوا نمسحن عادي ماكو اشكال )
نمسح الرجلين من رؤوس الأصابع إلى الكعبين وهما قُبّتا القدمين على المشهور، والمفصل بين الساق والقدم
يكفي نمسح القدم بعرض اصبع او اقل والافضل ان يكون بمقدار عرض ثلاث أصابع والافضل من ذلك نمسح تمام ضهر القدم بتمام الكف يعني نمسح القدم بثلاث اصابع او بكامل الكف.
🔴 انتبهواا
من نجي ونريد نمسح الرأس او القدمين لازم المنطقة الرأس او القدمين تكون نااشفهه مو رطبة لو مبتله واضح!!؟
.
.
.
اللهم صلِّ على محمد وآل محمد
اللهم عجل لوليك الفرج
أنت تقرأ
تصحيح الصلاة
ChickLitقال رسول الله صلى الله عليه وآله وسلم: لا ينال شفاعتي من استخف بصلاته .(... فَأَقِيمُوا الصَّلاةَ إِنَّ الصَّلاةَ كانَتْ عَلَى الْمُؤْمِنِينَ كِتاباً مَوْقُوتا) تصحيح الصلاة الكل لازم يدخل ويتأكد ان كانت صلاة صحيحه او لاا
