الحب والغضب.

غضبه الثالثه.

ربعينكِ فـِي السمـاء نجمـات
.
.
.
.
الڪاتبـه: أسر المياحي
.
.
.
.
اسيل: يمهه خليهن عندج الفلوس ضميهن كلهن واني ابدي اخبز للناس حته انتي تجمعين وبفلوس الخبز احنه نعيش

شغف: حسيتت بانكسار من كلمه امي
ماما لتحجين هيج  اني وياج
نتعاون ع كلشي  ومايوم اخليج وحدج تتعبين حبيبت روحيي وحضنتها
اسيل: عيوني انتي ودمعت عيونها
شغف: يوووم كافييي يلههه سكتييي
مطر: هاي شبيكم تتبجبجونن
شغف: ههه يابه كلشي مبينه ماما شمسويه غده يله فكيها امي
اسيل: سويت باميه حبيبتي
شغف: اذن عيني طبو صلو واني راح اصب غده
راحت امي ومطر يصلون واني اصب غده ورحت بعالميني الخاص بعالمي الي اتيهه بيه بتفكيري والقهري بين صحت امي وبين دراسه اختي وبيت دكتور ايهاب ويزنن الي ماعافوني براحتي وبين بالي الي ضل يم هلشخص ليش ومنو واني كارهته ليش يخطر ع بالي هواي اصلن من ذاك اليوم ومرت الايام لاشفته ولاشافني
اسيل: شغف حبيبتي شبيج صافنه عيوني
شغف: فزيت بنص تفكيري ونترت راسي من التفكير
ها ماما مابيه شي مطرر مطرر
مطر: ها
شغف: هاج الصينيه اخذيها للصاله بس اصعد اصلي واجي اكل انتو اكلو
شالت الصينيه مطر وامي اخذت المي من الثلاجه وراحو للصاله صعدت صليت اني وركعت وحسيت روحي منهارهه ماعرف من شنو وليش بس تعبانه 💔
كمت مسحت دموعي ولميت سجاده مالتي ونزلت ركض
اسيل: ها يمه تعاي اكلي انتضرتج 
شغف: اكلنه وكعدنه نسولف ومطر صعدت تقره بغرفتنه واني خليت راسي ع رجل امي ونسولف مر الوكت مندون ما نحس صارت بل 5العصر
شغف:  ماماا
اسيل: ها حبيبتي
شغف: خل نطلع نغير جو
اسيل:ماما مو وكتهاا خلص والجو صار بارد يعني الشمس تغيب من وكت حبيبه
شغف: براحتج ماما مر الوكت وصار اليل تعشينه ونمنه واليوم نمت يم امي ماعرف ليش محسيت وغفيت
ساعه 6:30 صباحا
دك المنبه
اسيل:يمه شغف كومي هاي ثالث مره يدك المنبه كومي عاد
شغف: ممم
اسيل:كومي شغفف اروح اسوي ريوك اذا ماكعدتي بعد اضربج والله يلهه
شغف: كمتت كفيت البطانيه بنفاذ صبر ورحت للحمام غسلت وحضرت شلبس اليوم
وطلعت على امي
ها ماما
اسيل:يله تعاي تريكي وخلصي بسرعه حته ترحين للدوام عيني
شغف: لارد تريكت ومحجيت اي شي كمت بدلت ونزلت
يله ماما رايحه اني بوستها وطلعت وهيه نفس كل اليوم حلكها يوكع من الدعاء وتوصيات
وصلت للدوام لاكتني ماجي
ماجي: ها خيتوو شو من وكت اليوم شعجب ماعرفتج
شغف: والله امي فطستني حدما كعدت
خوفا منها كعدت ياعيني
ماجي: ههه خرب يومج تعاي تعاي حللي هاي يردون DAN
شغف: يا منو هذوله يردون هيج تحليل
ماجي: والله ماعرف طبر انطوني جرعه الدم وكالو نريد هيج تحليل قبل لا اطبين
شغف: والله ماعرف الله يهديهم اذا نفس التفكيري قصدهم 🙂
اسراء: سلام عليكم بنات هاج ماجي جبتلج القلم الردتي نفسه من شفتي عندي
ماجي: اوي عيوني عشتي ابيش
شغف: طبعا اسراء حياتهممم تجنن فلوس وراحهه تحسون مكتملين من كل جهه
اسراء: دنجبي ماجي مابينه هيج اخذي هديه عيد ميلادج لان ماجبتلج اني
ماجي: كيفج بعد احسن ههههه
اسراء: دزتلها بوسه بالهواء
شغف: ضليت اشتغل واستمعلهن بدون اي كلمه  وافكر بكلامهم وسمعت صوته
ايهاب: سلام عليكم
الكل وعليكم السلام
ايهاب: شلونج شغف
شغف: الحمدلله ببرود
ايهاب: دوم شدسوين
شغف: احضر تحليل
ايهاب: مم عاشت ايدج تحليلكم مضبوط ماشاءالله
حسن: دكتور يصيحوك بالعياده مالتك
شغف: الف رحمه على والديك حسن ريحتني منه
ايهاب: جاي
طلعو ايهاب وضلينه اني والبنات
يزن: هلاو بنات
الكل. اهلا
يزن:شغفف
شغف: نعم
يزن:نكدر نحجي وحدنه
شغف: لا للاسف لان عندي شغل
يزن:براحتج
مر الوكت والمراجعين واحد رايح واحد جاي ونشتغل حدما صارت بل 12وكت الغده

طلعت كعدت بره اني والبنات ونسولف ونكركر
عاد من بعيد اجه يزن وحسن وعلي سوه يتمشون
لاحضت يزن شكد مرتب وحباب وماعنده اي خباثه او حقد 😂وطيب  ويحبني بس انييي مستحيل افكر بهيج شي كلت واعيدها اني ممرتبه حياتي بعدني لازم ارتبها يله افكر بالحب والزواج واصلا اخاف من شي اسمه حب او زواج او اي علاقه
اجو كعدو يمنه وع نفس الحاله يزن مشال عينه عليه
بس ضليت اتلافه نضر عليه
ومحسينه غير صارت بل 2ونص
شغف: يله بنات كومي خلص الوكت
يزن:بعد وكت كعدي منو يجي هسه قابل
شغف: بدون ما اباوع عليه بنات اني رايحه تجون تره هوه الدوام لل3يعني ليش تسختون داومو عدلل
تجوون (بحده)
اسراءوماجي :  اجينه اعصابج خيه
شغف: امشي ابجي دفعتها بجتفها بخفه
طبينه جوه وع حجايه يزن ما اجه احد
صارت بل3وربع هيج اخذنه اذن وطلعنه للبيت
وبقو بس اسراء وحسن لان دوامهم يخلص اله يكلمون كل تحليل عدهم
طلعت والحمدلله نفس كل يوم ينشلع باب كلبي حدما اله تكسي
منزله راسي مثل كل يوم
وكفت سياره الي بحياتي ما انسها ماعرف ليش
وانفتح الشباك مثل المره الفاتت
غضب: اوصلج
شغف: رفعت عيني وصارت عينه بعيني
لا شكرا
غضب: دصعدي تره متلكين اي احد هسه يوصلج بهل وكت 
شغف: كلت لا شكرا
غضب: رايح بس وربج متلكين واحد يوصلج بهل ضهريه
شغف: عادي اني راضيه واوكف حدما الكه احد يوصلني  تكدر تروح
غضب: اني راح اضل واكف بله تجيج سياره
وع حجايته مرت نص ساعه وهوه واكف ع صفحه عاد ماعندي غير حل وحسيت اختنكت من الفشله واكفه ومحد ماكو لا تكسي ولا اكد وحته صديقاتي ماكو وحلفت اله الزم خط  من باجر لان تعبت من هلسالفه كليوم
تمشيت لسيارته من جهه المعاكسه اله
محسيت غير انفتح الباب الي بصفه يعني هوه مد ايده فتحه سديت الباب الي بصفه وكعدت وره
غضب: شنو سايق الخلفوج كعدتي وره
شغف: اني مرتاحه هنا
غضب: محجيت بس ربي على هلبنيه ماعرف شلون وليش بس احسس روحي شايفهااا من قبل واحس روحي مجاي اكدر اطلعها من بالي من لاشي بس ابالي وليش عيونها رموشها ضحكتها أدبها اخلاقها  كله مخليني افكر بيها ورببي مو حبا بس شي غريب
رفعت عيني عليها من المرايه 
وين بيتكم خويه
شغف: انطيته العنوان
وصلني ووكف كبال بيتنه عدل
ونزلت اهرول جنت خايفه ماعرف من شنو