القصه تتحدث عن الحب الحقيقي وعن الوفاء بالحب ومو كل حب بعد زواج موجود لبعض مهما حاول انو نخلي يحبنه ميكدر لان هو بكلبه شخص ثاني وحبه حقيقي اله فمستحيل يتغير لو يبقى طول لعمر ينتظر
ايلين : حاولت انو اغير واحاول اتعايش ويا الأمر الواقع الي نحطيت بي وماكدر اتخطى بعد لكل انصدم من التغير حاولت كل يوم اجبر روحي حتى تتعود وتتعود جانت إيام صعبه عليه وشخص مامتقبلته لاكن مجبوره ماما جانت دائما تحجي وياي وتكلي امي ميصير هذا الي جاي تسوينه ميصير كل شخص مكان هذا زواج مو لعبه وهو شيخ ولازم تخلفين وجيبيله أطفال اكلله ماما مااكدر مااتقبل مو بيدي جانت تكلي ماكو حل ثاني واني اول شخص اسوي هذا الحل واخلص من العذاب هذا مرت أشهر ع زواجنه ناس كانت تسئل شعجب مره الشيخ لهسه ماصارت حامل وصلوا مرحله حتى زلم تسئل مره منهن اجة عثمان ضايج وعصبي وضل يصيح عليه وعمتي طلعتله اول شي وبعده اني طلعت وكفت ورهة لان نظرات يخوفن جانت
عثمان :ايلين ايلين وينج
ام عثمان :ها يمه شبيك عصبي شكو شصاير
عثمان: يمه وين ايلين خلي تجي
ايلين :ها عثمان شكو شصاير شبيك تصيح صوتك اخذ لبيت صاير شي
عثمان :اي صاير مو شي واحد كووومه اشياء صايره اني شيخ والي صيتي واسمي وهواي ناس تهابني وتخاف مني تالي وكت تجين انتي تخلين الي يسوه والي ميسوه يجي يسمعني كلام ويسئل ويحجي ومااكدر ارد عليه
ام عثمان :يمه ماعاش الي يسمعك حجي لو يهز صيتك وسمعتك بس ييمه شكو شنو الي صاير وهيج انتي عصبي منو غاثك احجي يمه
ايلين :عثمان لصيح عليه اني ماجايبني هنا فصليه وتسوي بيه هيج اني مامسويه شي ولا حاجيه شي ومالي دخل ع اي اساس تجي تحجي عليه
عثمان :اي صح انتي مامسويه شي بس احنه ليوم صار النه ٥اشهر من متزوجين وانتي يم امي وخواتي وماتتقربين يمي عبالك غريب عنج ولا جن زوجج لحد وين نبقى هيج ناس اكلت وجهي ليش مرتك لحد الان ماصارت حامل ليش شنو متكدرون تخلفون شنو بيك سبب.... تعبت من هل الاسئله مليت اني شيخ ومن باجر لازم ترجعين للغرفه
بهل الاثناء اجة عمر وسمع صوته
خليكم البارت الجاي ونشوف شنو الي راح يصير
الكاتبه فاطمه تحسين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
