بين قيودي خيط رفيع

مشهد

مشهد..

قد يعيش الانسان عشر سنين بسنة واحدة
ملئ الشيب قلبي وانا في يرعان شبابي
فمادا سيحصل لي عند كهلي
رحل من كان حبيبي .. رحل من كان كل الدنيا بالنسبة لي
ابي ...بدونك انا تائهة اركض وراء حياتي التي تمضي بي الى طرق لا اعرف ما تطويه لي بين دروبها
امضي ومعي احمل اوراق عمري تتساقط على ارصفة ... بدون رحمة الناس من حولي
بدون شفقة من اعيش معهم
تركوني سلبو طفولتي ... ضاع عمري بين احضان الشيطان ...كل ذالك بعد ان فقدت الامان .. فقدتك. واصبحت الان تائهة بلا مؤى وبلا عنوان بلا حياة وبلا امان

..كاعده اقرة وسمعت صوت طكطكة بالستقبال والباب مسدود استغربت منو جاينة دنيت ع الباب اريد اعرف منو يمنة سمعت صوت رجال وصوت سميحة تضحك ارتعد كلبي دنكت باوعت من فتحت المسكة مال باب جان اشوف سميحة كاعدة وبصفحة رجال كاعد ولازم يدهة رجعت اليورة من صدمتي جاي ارجع الغرفتي اريد اخابر بابا حتة يجي ويشوف هاي شكاعد سوي دخيلك يالله وبنص بيتنة جاي تبيع بقذارتهة درت وجهي ردت اتوجه الغرفتي جان اسمع الجنت متوقعته

-اي سميحة شوكت اجي اخطبهة ونفذ خطتنة

سميحة.حبيبي خليهة موهسة هسة حاليا جاي ادك الناعم وية ابوهة لان قافل عليهة ميريد يزوجهة يكول صغيرة

-سميحة احنة ضروري نحصل ع هاي البنية احنة نريدهة صغيرة تدرين هاي تربحنة ملايين هم حلوة وهم صغيرة بعدهي

سميحة.جا شسوي ياعيني مشوف هذا واكفلي مثل العضماية كل ماحجي كلمة يضل يهدد ويصيح اني هم مابيدي شي

-لازم سوين كلشي يطلع بيدج المستحيل تسوي
صار مفهوووم

سميحة.بس فدوة حتة لو صارت ورضة ابوهة شلون رح تبيعهة قابل شنو رح يزوجهة وينساهة

-ههه شكلج متعرفيني سموحة حاسب لكلشي حساب اتفق ويا اول ماخذهة اسفرهة وهناك نتصرف

سميحة.هاا انشالله اني اصرف بلكي يقنع

ضي.وكعت بلكاع بعد ماسمعت كلامهم احس رجلية بعد مايعنني خليت ايدي ع حلكي حتة اكتم صوتي احس روحي تخدرت اذاني كامت توش ماعرف شوكت او شلون سحبت روحي ودخلت الغرفتي رفعت الجهااز وعضائي كلهن يرعشن طلعت رقم بابا وتصلت علي يطلعلي الرقم مغلق ارتعد كلبي ياربي ابوي مايقفل جاهزة شصاير دخيلك ياالهي...

سميحة.ببتسامة تردين تحجين الابوج هاج حبيبتي هذا التلفون وتصلي علي هذا اذا حصلتي
لان قبل شوي دك علي كال جهازة وكع ونكسر
وذا انتي حابة صيرين يتيمة الام والاب تكدرين تحجين كلشي مرح امنعج من شي بس تأكدي وكتهة حتة ابوج تخسرينة ورح انفذ حلفتي ماخلي ابن شوارع مايلعب بيج وكولي سميحة كالت

ضي.لهاي الدرجة توصل بيج يانذلة لهاي الدرجة تكتلين الشخص الفتحلج بيتة وخلاج صيرين ست هلبيت وتالي متالي تردين تكتلينة علمود نزوة قذارة لج والله اعتبرتج صدك خالتي اول ماجيتي كلت بلكي تعوضني حنان امي بس انت ياحيف السنين ياحيف بس دفعتني وراحت كعدت بالكاع ضليت اصرخ وابجي والله هسة بس يجي بابا اخلي ياخذني ونروح نشتكي عليهة وعلئ
جماعتهة بس يلزموهة يخلوهة زوع الاول والتالي ضليت عايشة بقلق وضيم صار اليل وابوي لحد لان مجاي عدة اليل صارت ساعة ب12وهوة ماكوو احس روحي راحت مني حتة الكلام معاد يطلع مني اني كاعدة وخالة رجلي ع صدري وابجي منتضرتة يجي بس تأخر سميحة كاعدة كبالي تاكل حب وتوزع ابتسامات كلبي مثل الخناجر تدخل بي يعني شنوو هم خسرت بابا هم عافني وراح مثل امي التلفون بيدي ابدأ ماشلتة من ذاني بس اتصل علي درت وجهي ع سمحية وصحت بصوت مبحوح من البجي بااباا ويين ليش تاخر لحد لان مجاوبتني رجعت عطت بيهة بقووة كتلج ابوووي وين احجي

سميحة.لج لصيحين دماغ سز صوتج ميعلة علي ترة اشك حلكج فاهمة

ضي.سميحة احجي ابوي لش تاخر لحد لان مجااي

سميحة.وشمدريني بابوج اني شنو كلولج علي الحارس الشخصي مالتة اني لاخافين عرج ميصيبة هسة يطبلج

ضي.العرج كون يصيبج ويخلصنة منج يابومة تفوو عليج وع تربيتج الخ....وحق الله ياسميحة اذا صار شي ع ابوي اخليج بهذا البيت وحركج انتي والبي  وكولي ضي كالت انت بس جربي

سميحة.صايرة صلفة فدمرة لج اني مشدريني بابوج لسويهة كلش يعني واذا مات الموت حق وكلنة باجر نموت

ضي.عساج بالموت بحق محمد وال محمد ولوو هوة الموت ملفي اشكالج ياخذ بس الزين مشوفين شلون الموت اخذ امي وخلاج تجين تنكسين بيتهة بقذارتج عفتهة وطبيت للغرفة صارت بل1وهوة ماكوو كعدت بالكاع احس النفس كوة اجرة كلبي كام يوجعني ع ابوي الماعرف حالة هسة شنوو ماعرف احد حتة اتصل علي للاعرف صخام وجهي ضليت اون بالكاع حسبي الله عليج ياسميحة الله ينتقم منج رجعت راسي اليورة وغمضت عيوني ماعرف شكد مر من الوقت وفزيت ع صوت المنبه اول ماكدت ذكرت بابا ركضت ع الغرفة بس سميحة نايمة عطت بيهة
سميحة بابا وين

سميحة.وجه الفكر شبيج من الصبح ثبرتينة بابا وين بابا وين شمدريني بابووج اني متكليلي

ضي.عفتهة وخذت جهازي وتصلت علي احس دموعي يجون بخدي وكلبي ينزف دم اول مادكيت طلعلي رنين احس الهوا رجعلي ضليت اتنفس سريع واني انتضر كسرة ضهري شوي ونفتح خط حجيت بسرعة بصوت باكي بابا فدوة وين انت ليش لحد ماكوو احجي فجأه جاوبني صوت رجال غريب

-عفو بنيتي صاحب هذا الرقم سوة حادث سيارة البارحة بليل ونطاج عمرة حاولنة شكد نوصل الكم...

انتضرونيي...❤️❤️